Тақырыбы: «Ұранды ердің – ұрпағы қайсар»

Мақсат:Ұлы Отан соғысы жылдарындағы елі үшін жанын қиған батырларды дәріптеу.Оқушыларды еңбекқорлыққа, елін, туған жерін сүюге, патриоттыққа тәрбиелеу.Болашақ Отан қорғаушыларды құттықтау.

Мұғалім: Құрметті ұстаздар мен оқушылар! Адамзат тарихында Жер үшін көптеген шайқастар болды. Ең ұзаққа созылған соғыстардың бірі 1941 жылы басталып 1945 жылға дейін созылған соғыс. Төрт жылға созылған Ұлы Отан соғысы тарихта мәңгі сұрапыл соғыс болып қалды. Жеңіс күні адамзат аңсап күткен,жеңістің туын тіккен 1945жылғы 9 мамыр азаттық күрестің айбынды күні. Сол ұлы Жеңіске биыл 79 жыл. Соғысқа қатысқан ата-әжелеріміздің саны да азайды, жоқтыңқасы.Бірақ оларға көмек берген адамдарымыз бар. Ертең 9 мамыр алаңға шыққан кезде көретін боласыздар. Егімендік алғаннан кейін 1991 жылдан бастап Кеңестік Социалистік Республикалар Одағынан бөлініп шығып біздіңде өз әскеріміз, өз шекарамыз болды. 7 мамыр Республика Ұланының құрылған күні. Бұл- ел тыныштығын қорғап, бейбітшілікті қамтамасыз ететін әскери қызыметкерлерді құттықтап, құрмет көрсеткен күн. Ал құрметті ұстаздар, оқушылар 1 «Г» сынып оқушыларының «Ұранды ердің – ұрпағы қайсар» атты салтанатты жиынымызды бастауға рұқсат етіңіздер.

Ұлы отан соғысына қатысқан батырларымызды 1 мин үнсіздікпен еске алайық.

Әр уақытта Отанымыз үшін, Еліміз үшін жанын пида еткен батыр бабаларымыздың, батыр ағаларымыздың, батыр аналарымыздың алдында үнемі басымызды иіп құрмет көрметейік.

Оқушыларымның батырларға арналған тақпақтарын тыңдаймыз.

Гүлайым

Жеңіс деген жақсылықтың сыңары,
Жігер менен құштарлықтың құралы.
Күрескердің арманы мен ұраны,
Қуаныш пен мерекенің бұлағы.

Інжу

Даламыздың даңқысың,
Балауса гүл балғын қыз.
Жанын қиып халқы үшін,
Жанып түскен ақ жұлдыз.

Бейбарыс

Бауыржандай қайратты,
Аталардың ізіміз.
Әлия,  Мәншүк апаның,
Жарқын бейне жүзіміз.

Фатима

Жеңіс күні құтты болсын,

Құтты болсын аталар.

Ұмытпайды ешқашанда,

Жауынгерді балалар.

Би:катюша

Ән: Бейбітшілік әні