Деңгейлер

Оқу тапсырмалары

Білу

(Кім? Не?Қайда)

1. Оқушыларға жол ережесі туралы жалпы мағлұмат алады 2.Жол ережесін бұзғанда болатын қауіп-қатер туралы біледі

3. Жолда жүргенде абайлап жүреді

Түсіну

(Неге? Неліктен? Не үшін?)

Мұғалім: Құрметті оқушылар! Құрметті қонақтар, ұстаздар! Мұғалім: Біздің елімізде әр түрлі көліктер жылдан-жылға көбейіп келеді.Жаяу адамдар мен көліктегі жолаушылар саны да көбейе түсуде. Көшелер мен жолдардағы жағдай барған сайын күрделеніп келеді. Жол-көлік оқиғаларының қаупі арта түсуде. Сондықтан да жүргізушілер мен жаяу адамдардың көшелер мен жолдарда ерекше тәртіпті және мұқият болуы қажет. Жол-көлік оқиғаларының зардабынан көбіне балалар зардап шегуде. Оның себебі – көптеген мектеп оқушылары жолда жүру ережелерін әлі де болса нашар біледі. Міне, осы мақсатта біздің сыныбымызда бүгін атты жол ережелеріне арналған тәрбиелік шара өткізбекшіміз. Бүгінгі "Жол ережесін сақтайық!" тақырыбындағы сыныптан тыс тәрбие сағатын бастауға рұқсат етіңіздер!

Өлен шумақтар.

Мұғалім: Бүгін бізге қонаққа жол полициясынан ағай келіп отыр, сөз кезегін берейік.

Мұғалім Бүгін сіз бізге жолда жүру ережесі жайында көп мағлұмат бердіңіз. Сізге көп рахмет айтамыз!

Музыка ойналады. Оқушылар ортаға шығады.

Бір ғажабы – бұл жерде бір нәрсені ел күтеді.

Отырады біреуі, тік тұрады біреуі...

Неғылған жер бұл өзі?

Айтыңдар, кім біледі?

Бағдаршам, ескерту белгісі, тыйым салу белгісі, міндеттеу белгісі, нұсқау белгісі ортаға шығады.

Мұғалім Есте сақта!

1. Жолға жетіп тоқта!

2. Жолдан өтпестен бұрын сол жағыңа, сонан соң оң жағыңа және машина келіп қалады-ау деген жақтың бәріне қара!

3. Егер сен машинаның жоқ екеніне көз жеткізсең ғана жолдан өтуге болады!

4. Жолдан өтіп шыққанша үнемі жан-жағыңа қарап жүр, себебі жолда жағдай өзгеріп қалуы мүмкін!

5. Жаяу жүргіншілер жиекжолдың оң жағын бойлап жүріп отыруы тиіс!

6. Көлік жүріп бара жатқанда секіріп түспеу, толық тоқтағанды күту керек!

Жол – қозғалыс үшін қолданылатын аумақ, көше, бұрылыс.

Жол жиегі – жол мен тратуар аралығын бөліп тұру үшін қаланған арнайы қаптал.

Тротуар – француз тілінен аударғанда «жаяу жүргіншіге арналған жол» дегенді білдіреді.

Қоршаулар – жолаушылардың жүргін бөлікке кенеттен шығып кетуіне бөгет жасайды.

Мұғалім Алдын ала дайындаған үш түсті көрсетіп, оқушылардың қаншалықты жинақы екенін байқайды.

Ойын шарты

1) Бағдаршамның жасыл көзін көрсеткенде балалар жүрген сияқты бір орында аяқтарын қозғалысқа келтіреді.

2) Сары көзін көрсеткенде ду қол шапалақтайды.

3) Қызыл көзін көрсеткенде бір орында қозғалмай тұрып қалады.

Залда отырған оқушыларға тапсырмалар жұмбақтар шешімін табу.

Арқаным бар тым ұзын,

Ала алмайсың бір үзім

Тапшы мұны оқушым (жол)

                                 Ала таяқ ұстаған,

                                Жол тәртібін нұсқаған.

                               Өміріңді күзеткен,

                               Ысқырығы күзеткен (миллиционер)

Көше бойын аяңдайды,

Адам тасып аяңдайды.   (Автобус)

Жоқ өзінде бас та, ауыз да, құлақ та,

Бақырайған үш көзі бар бірақ та. (бағдаршам)

  Көліктің қаншасын жанынан өткізген,

  Іргеден басталып, алысқа жеткізген. (жол)

Жапанда бір жолаушы аузын ашып,

Аяғын келе жатыр жылдам басып,

Жарқырап маңдайында екі көзі,

Ілезде жеткізеді жерге қашық. (автомобиль)

Бір тұлпар, су ішпейді, жем жемейді,
Ескеріп ешбір адам емдемейді.
Жүк емес жануарға жүз адам да,
Шылбырын сымға байлап тез жөндейді. (трамвай)

Қолдану (практика)

(Қалай пайдаланылады? Немен байланысты? Өз ойың қандай?)

Енді сөз кезегін оқушыларға берейік оқушылар 4 топқа бөлініп отырады. Әр топта 3 оқушыдан

I топ. "Бағдаршам"

Топтың ұраны: Тоқта! Сақтан! Жол ашық! Жүрме жолға таласып.

II топ. "Жол белгілері"

Топтың ұраны: Үйрен таппай тыным бір, Белгілердің тілін біл!

III топ. "Жүргізуші"

Топтың ұраны: Жол тәртібін білейік, Аман-есен жүрейік!

IV топ. "Қиылыстар"

Топтың ұраны: Басталар әр қиылысың аттауменен,

Жолда жүру ережесін сақтауменен. Хор: "Бағдаршам".

I топ. "Бағдаршам"

(Бағдаршамның шығу тарихы жәйлы баяндайды.)

ІІ топ. "Жол белгілері" таппақтар

III топ. "Жүргізуші" өлең шумақтар

1-оқушы: Жол ережесін білу өмірімізді қауіптен, жазымнан сақтайды. Оның сырын біліп, жол ережесін орындау баршамызға қажет.

2 тапсырма «Жолдан өте біл» бекеті

Бұл бекеттің шарты: 4 топтан бір-бір баладан шығады. Екеуі де бірдей тапсырма орындайды. Жасыл белгі жоғары көтерілгенде алға 1 адым жылжиды, қызылды көтергенде 1 адым артқа шегінеді, ал сары жарықты жоғары көтергенде орындарында қозғалмай тұрып қалады.

Қажетті құрал: қатырма қағаздан қиып жасалған, ұстайтын сабы бар екі дөңгелекше болады. Біреуінің бір беті жасыл түспен, екінші беті сары түспен, ал екінші дөңгелекшенің бір жақ беті қызылмен, екінші жақ беті жасылмен боялған.

3 тапсырма «Жол белгілері» бекеті

Оқушы қолдарына тапсырмалар беріледі.

1.Мына белгі нені білдіреді?

(Абайлаңдар, балалар!)

2.Бағдаршам жарықтарының белгілеріне талдау жаса.(сары-дайындал, жасыл жүруге рұқсат, қызыл-тоқта)

3.Мына белгі нені білдіреді?

(жолда жөндеу жұмыстары жүріп жатыр деген белгі)

4. Мына белгі нені білдіреді? (жылдамдықты азайту белгісі)

5 .Мына белгі нені білдіреді? (теміржол өткелі)

6.Плакаттағы 6 белгіні түсіндіріп бер:
1.жаяу жүргінші өтетін жол белгісі

2.метро, жер асыт жолдарына ену

3.тайғақ жол

4 .велосипедпен жүруге рұқсат бар

5.жолжоқ

6.машиналардың бірін-бірі басып озуына рұқсат

7.Карточкалар:

1.Ашық жол

2.шұғыл бұрылыс жасауға болмайды

3.жақын маңда демалыс орны бар екенін білдіреді

4.көлік жуатын жер жақын екенін білдіреді.

4 тапсырма «Саналы жүргіншілер» бекеті

Викториналық сұрақтар беріледі:

1.Көшеде бағдаршам болмаса не істеу керек?

(Өз көзіне сену керек, жол ортасына жеткенше, әуелі сол жаққа қара, ортасынан асқан соң, оң жаққа мойныңды бұр)

2.Жаяу жүргінші жол бойында қалай жүріп-тұруы керек?

(жиекжолдың оң жақ шетімен)

3.Қандай көліктің түрлеріне бағдаршамның қызыл жарығына жүруге рұқсат етеді?

(жедел жәрдем, полиция, өрт машиналарына)

4.Жолаушы таситын қоғамдық көліктерді қай жерден күтеді?

(аялдамада)

5.Велосипедпен неше жастан бастап жолмен жүруге рұқсат етіледі?

(14 жастан)

6.Жақындап қалңан көліктің алдынан жүгіру неліктен қауіпті?

(жүргізуші көлікті тоқтат алмай, адам өміріне қауіп төнеді)

7.Жол-көлік оқиғасына куә болған адамдар қандай әрекет жасайды?

(жедел жәрдем машинасын, полицияны шақырып, машинаның нөмірін жазып алу керек)

8.Жүргізушіге қандай жағдайда транспорт құралын басқаруға болмайды?

(ішімдік ішкен жағдайда)

9.Полиция, жедел жәрдем, өрт сөндірушілер өтіп кеткенше күтіп тұру міндетті ме?

(иә міндетті)

10.МАИ деген сөзді талдап бер.

(Мемлекеттік авто инспекция)

Соңғы бекет «Жол белгілері» патшалығы. Жеңімпаз топты анықтау

Міне, балалар, біз сендермен жолда қалай жүру керек екенін білеміз. Жол ержесін әрқашан есте сақтау керек. Жол ережесін жақсы білсек өзімізді жол апатынан сақтаймыз

Талдау (Салыстыр, айырмашылығы неде т.б.)

Жинақтау

(Алынған ақпарат негізінде қорытынды жасау)

Мұғалім: Викториналық сұрақтар.
1-сұрақ . Жолаушылар дегеніміз кімдер ?
Жауап: Кез-келген көлік түрін пайдаланатын адамдар.
2-сұрақ. Бағдаршам дегеніміз не ?
Жауап: Бағдаршам автомат жүйесіне қосылған үш көзді аспап. Жол қоғалысын реттейді.
3-сұрақ. Велосипедпен неше жастан бастап жолмен жүруге болады ?
Жауап: жол бойына 14 жасқа толған балаларға ғана рұқсат.
4-сұрақ. Жиекжол жоқ жерде қалай жүру керек ?
Жауап: Ауылдық жерлерде жиекжол болмау мүмкін, ондай жағдайда жолдың бір шетімен келе жатқан көлікке қарама-қарсы бағытта жүрген жөн

Қорытынды: Ән.

Бағалау

(Сен қалай ойлайсың? Не істер едің? Өз ойыңыз қандай?)

Мұғалім: Қымбатты қонақтар ұстаздар, оқушылар! Оқушылар жолда жүру ережесімен таныстырылды. Оқушылар жолда жүру айлығына бір кісідей ат салысты.

Олай болса, оқушыларға айтарым, жолда жүру ережесін әрқашан есте сақтап, бұлжытпай орындап, сақ жүріңдер демекпін.