Ашық оқу іс-көрсетілім.

«ЖОЛ ТӘРТІБІН  БІЛЕЙІК,   АМАН- ЕСЕН  ЖҮРЕЙІК!»

Мақсаты: балаларға жолда жүру ережесін түсіндіру, бағдаршам туралы толық ақпарат беру.Балаларға өрт қауіпсіздігі туралы түсінік беру,жарық сигналдарының мәнін үйрету, өлең жаттау, ойындар ойнату арқылы сөздік қорын, есте сақтау қабілетін дамыту. Жолда жүру ережесін үнемі сақтауға дағдыландыру. Балаларды бір-біріне көмек көрсете білуге тәрбиелеу.
Әдісі: Ертегі көрінісі, ойындар, жаттаулар, сұрақ жауаптар, өлеңдер
Көрнекілігі: Плакаттар, қуыршақтар, бағдаршам.

Мотивациялық қозғаушы:
Балалар барлығымыз шеңберге тұрайық бүгін бізде ашық оқу іс-көрсетілімі өтіледі. Біздерге қонақтар келіп отыр, қонақтарымызбен амандасайық.

Армысың, қайырымды аспан -Ата!
Армысың, шұғылалы күн!
Армысың, мейрімді жер -Ана!
Армысың қонақтар,
Армысың достарым, 
Сендерді көргеніме қуанам!

Іздену ұйымдастырушы:

Тәрбиеші: Балалар ертегі көргілерің келеме?
Балалар: Ия
Тәрбиеші: Олай болса «Бауырсақ» ертегісін тамашалаймыз.
Баяғыда кемпір мен шал болыпты. Шал қарны ашып:
- Ау кемпір, қарным ашты, бауырсақ пісірші, - дейді
- Үйде ұн жоқ, - деп жауап береді кемпір.
-Қаптың түбін қағып –қағып пісір, - дейді
Кемпір солай жасайды. Бауырсақты пісіріп, суыту үшін терезе алдына қояды.Терезе алдына отырып, әдемі, биік үйлерге, машиналарға қызыққан бауырсақ жақындап көрмекші болып, терезе алдынан секіріп түсіп, домалап, домалап келе жатса, алдында доп жатыр екен.
Бауырсақ: Көшеде доп ойнауға болама?
Балалар: Көшеде доп ойнауға болмайды.
Домалап келе жатса алдынан велосипед тұр екен.
Бауырсақ: Балалар жолда велосипед тебуге болама?
Балалар: Жолдың үстінде велосипед тебуге болмайды.
Домалап келе жатса жолдың арғы бетіне өткісі келеді.
Бауырсақ: Балалар мен жолдың арғы бетіне өткім келеді қай жерден өтемін?
Балалар: Адамдар өтетін жолмен, ала жолақ сызық арқылы өтеміз.
Тағыда домалап келе жатса бауырсақ аялдамаға келеді.
Бауырсақ: Балалар автобусқа мінерде нені ескеруім керек?
Балалар: Автобус тоқтағанша алдынан шықпаймыз,түскесін артынан айналып өту керек.
Тәрбиеші:Балалар жол ережесін жақсы меңгерген екенсіңдер, сендердің көмектеріңнің арқасында бауырсақ балабақшаға жол тауып келді.
Тәрбиеші: Балалар сендер бағдаршам туралы тақпақ білесіңдерме?
Балалар: Ия

Тәрбиеші:Ендеше жаттауларымызды айтайық

Бекзатова Жасмина:
Күндіз түні жанамын
Дабыл беріп бәріне.
Үш түрлі түсім бар
Белгілі жаспен кәріге
Мен бағдаршам боламын.

Темирбаев Нұрсұлтан

Жолдардың торабын

Айналайын абайла
Абайлап қарағын

Жан-жағыңа қарайла

Зайырұлы Тимур

Сапар шексек сізбен біз,
Сан көлікке мінеміз
Троллейбус, трамвай
Автобусбен жүреміз

Тасполат Кәусар
Көлік, көлік, көлік
Көліктерге мінеміз
Көшелермен, көшелерімен
Күнде тынбай жүреміз

Закирова Асал
Тәртіп бұзсақ абайсыз
Жағдай туар қолайсыз
Май қызметкерлерінен
Сан кешірім сұраймыз

Рахымжан Акбар
Жол жүрудің тәртібін
Ережесін білеміз
Сақтағанда қатерден
Сау саламат жүреміз

Тәрбиеші: Балалар бізге қонақ келе жатыр
Жол сақшысы: Сәлеметсіңдерме балалар!
Тәрбиеші: Балалар бұл кім?
Балалар: Жол сақшысы
Жол сақшысы: Мен көшеге сақшымын
Болсын жұртқа жақсы күн
Жолы болар әрқашан
Тәрбиесі жақсының

Балалар мен сендерге жұмбақ жасырам ал сендер жауабын айтыңдар
Бір дәу тұр үш көзді
Оған жас-кәріміз 
Бағынамыз бәріміз (Бағдаршам)

Арқаным бар тым ұызын,

Ала алмаймын бір үзім. (жол)

Көліктің қаншасын жанымнан өткердім,

Іргеден басталып алысқа жеткіздім. (жол)

Жоқ өзінде бас та, құлақта, ауызда,

Бақырайған үш көзі бар бырақта. (бағадаршам)

Аяғы домалақ,

Адамсыз ол жүрмейді. ( машина)

Бір көзі «кідір жабылады» дейді,

Бір көзі «жүгір» дейді,
Ал бір көзім «абайла» дейді. 
«Қарап қал маңайға» дейді. (бағдаршам)

Жол сақшысы: Жарайсыңдар балалар. Балалар сендер жол ережесін білесіңдерме?
Балалар: Ия
Жол сақшысы: Бағдаршамның қай көзі жанса тоқтаймыз?
Балалар: Бағдаршамның қызыл көзі жанса тоқтаймыз
Жол сақшысы:Ал балалар қай көзі жанғанда дайындаламыз?
Балалар: сары көзі жанғанда дайындаламыз
Жол сақшысы: Ал қай көзі жанғанда жүреміз?
Балалар: Жасыл көзі жанғанда жүреміз.
Жол сақшысы : Жарайсыңдар , балалар сендер жол ережесін жақсы біледі екенсіңдер.


Ән: Жол ережесі (әрқашан күн сөнбесін әнінің музыкасымен орындалады)

Көшеде тек жүремін,
Өзінше бұл да ерлік
Ата-анасы қынжылмасын
Түсіріп үнжырғасын
Бүгінгі мерекеміз
Айналсын шежіреге
Әр сәби құлағын сал,
Жол бойы ережеге

Сергіту сәті:
1) Бағдаршамның қызыл түсін көрсету.
Балалар орындарынан тұрады.
2) Бағдаршамның сары түсін көрсету.
Балалар екі жаққа кезек - кезек дайындалады.
3) Бағдаршамның жасыл түсін көрсету.
Аяқтарын топ - топ басады.

Тәрбиеші: Балалар бағдаршамның қызыл жарығы жанғанда кімдерге өтуге рұқсат етілген.
01 - Өрт сөндіру мәшинесіне
02 - Жол полиция мәшинесіне
03 - Жедел жәрдем мәшинесіне
04 - Газ мәшинесіне. Балалар ол мәшинелер белгілі дабылмен жолдан өтеді.
Өте тамаша балалар сұрақтарға керемет жақсы жауап бердіңдер.
Қорытынды:
Тәрбиеші: Рахмет балалар бүгін сендер өздерінің жол ережесін білетіндеріңді көрсеттіңдер. Қай жерде жүрсеңдер де жолда жүру ережесін сақтап, басқаларды да соған шақырыңдар дегім келеді.
Осымен балалар біздің ашық оқу іс-әрекетіміз аяқталды сендерге көп рахмет.