\

Жолды кесіп өтуге мен қамдансам, Қиылыста қарсы алады бағдаршам. Менікіндей екеу емес, үш көзді,

Әр көзінің түсі бөлек, аңғарсаң.

Көзі алысты қалт жібермей қырағы, Бір көз жанса, қалғаны өшіп тұрады. Қызыл, сары, жасыл түсті көздердің Бас әрпінен үш түрлі ұғым шығады:

Қ — Қызыл түс — қимылдама, баспа алға, Қиылыста қарап тұрма аспанға.

С — Сары түс — сәл сабыр ет, дайындал, Ж — Жасыл түс, жүре бергін, жасқанба.

Қиылыс па, бұрылыс па алдыңда. Темір жолға таяп әлде калдын ба, Өзен бар ма, көпір бар ма, ор бар ма?

Мекені ме жабайы аң мен малдың да?

Соның бәрін біліп ал да абай бол, Сенің аман жүргеніңді қалайды ол. Белгілердің сырын еске сақтап ал, Болашақта жүресің ғой талай жол.

Бақылап жол тәртібін, Өткізетін әр күнін.

Реттеушіні көрдім мен. Қиылыстан дәл бүгін.

Ала таяқ қолында Айтары көп оның да. Не істеу керек, тұрса Реттеуші жолыңда.

Қиылыста, жол шетінде, бұрышта. Түрлі-түрлі белгілер бар тұратын.

Жүресің бе, жүрмегенің дұрыс па. Не істеу керек? Соған қарап ұғасың, Қызыл шеңбер ішіндегі таңбалар, Әлденеге қатаң тыйым салады.

Өміріңді қорғауға олар арналар, Білемеген өкінішке қалады.

Мына жерге кірмегенің жөн» дейді,

«Мына жермен жүрмегенің жөн» дейді,

«Кері бұрыл, тоқтама не бұрылма, Сонда саған ешбір қауіп төнбейді». Белгілердің мәнін білу — мықты күш, Келесісі — шеті қызыл үш бұрыш.

Бұл белгілер ескертеді, біліп ал,

Көңіл бөлмей өтіп кетпе тып-тыныш.

Көше бойлап аяңдайды, Адам тасып аялайды.

(Автобус)

Ала таяқ ұстаған, Жол тәртібін нұсқаған.

Өміріңді күзеткен, Ысқырықпен түзеткен.

(Милиционер)

Бір тұлпар су ішпейді, жем жемейді, Есіркеп ешбір адам жемдемейді.

Жүк емес жануарға жүз адам да,

Доғасын сымына сүйреп, жол жөндейді.

( Трамвай)

Арқаным тым ұзын, Ала алмайсың бір үзім.

(Жол)