«ЖОЛДА ЖҮРУ ЕРЕЖЕСІН БІЛ ЖӘНЕ ӘРҚАШАНДА ОРЫНДА»

«ЖОЛДА ЖҮРУ ЕРЕЖЕСІН БІЛ ЖӘНЕ

ӘРҚАШАНДА ОРЫНДА»

атты үгітбригада сценарийі

(Балалар залды айналып саппен кіреді)

Ислам: Кім абайлап саппен жүрді?

Бәрі: Бұл біздің «Үгіт бригада»

Айзада: Біз «Алпамыс» балабақшасының жас инспекторлары.

Жетекші (Ислам) : Біздің топтың аты: «Бағдаршам»

Біздің ұранымыз: Ережені білеміз,

Көшеде еркін жүреміз.

Біздің ұран осындай,

Сіздерге айтып береміз.

(Әннің алдында Ислам бір адым алда тұрып сықырып инспекторларды шақырады.Балалар орын-орнына тұрады).

Ән: «Жаяу»

(Балалар келіп тоқтайды, бауырсақ келіп жол бойымен жүреді)

Бала : Бауырсақ, бауырсақ сен неге жол ережесін бұзасың?

Бауырсақ : Мен ешқандай ереже білмеймін......

Бала : Бағдаршамға қара. Біз саған қазір жол ережесін түсіндіреміз.

Бауырсақ: Жарайды!

Балалар: Бас көшеде қырағы,

Үш көзді дәу тұрады

Ашса кезек үш көзін,

              Айтты деп біл ,үш сөзін

  -Тоқта!

                   -Сақтан!

                      -Жол ашық!

              Жүрме жолға таласып.

Қызық жарық жанғанда

Қалт тоқтай қал табанда.

Сары шамы жағылса,

Сақ абай бол барынша.

Жасыл шамы жол ашық,

Зымырай бер бел асып.

Жәңгір: Жасыл жарық жолың ашық жүр дейді

Сары жанса дайындыққа кір дейді.

Қызыл жарық жанып тұрса алдыңда.

Тапжылмастан бір орында тұр дейді.

Айзада : Бағдаршамнан басқа жол жүру ережесіне байланысты жол белгілері бар. Солардың бірнешеуін біздің балалар түсіндіріп береді.

( жол жүру белгілері бойынша анықтама беру).

1.Бұл белгі «велосипед жолын» білдіреді.

2. «Абайлаңыз, балалар! » деген белгі.

3. Бұл белгі «жабайы хайуанаттар орны».

4. Мотоциклдің қозғалысына тыйым салынатын белгісі.

5.Бұл белгі бір бағытқа арналған белгі.

6.Бұл белгі жүк машинасының қозғалысына тыйым салынады деген белгі.

7.Мына белгі жаяу жүргінші өтпесі дегенді білдіреді.

8.Бұл белгі велосипедпен жүруге тыйым салынады дегенді білдіреді.

Бауырсақ: Рахмет сендерге балалар, мен енді жол ережесін бұзбаймын.

Мен тәтті бауырсақпын,
Мектепке енді барамын.

Жүруді де үйрендім,

Көшесінде қаланың.

• Мен енді ертегілер еліне қайтайын.Сау болыңдар, балалар!

Қай көше,қай қалаға барсаңызда,

Қай ақыл өлшеміне салсаңыз да

Жол жүру ережесі-заңды тәртіп

Ол ортақ!Үлкен-кіші баршамызға.

Хормен: Жол тәртібін білейік,

Аман-есен жүрейік!

«ЖОЛДА ЖҮРУ ЕРЕЖЕСІН БІЛ ЖӘНЕ

ӘРҚАШАНДА ОРЫНДА»

үгітбригада сценарийі

№12 «Күншуақ» ересектер тобы

Тәрбиеші: Жумабаева Г