«Жолда жүру ережесін сақтаймыз!»

Мақала :

«Жолда жүру ережесін сақтаймыз!»

Қай көше, қай қалаға барсаңыз да, 

Қай ақыл өлшеміне салсаңыз да, 
Жол жүру ережесі заңды тәртіп, 
Ол ортақ үлкен кіші баршамызға,-дегендей, бүгінде қалада да, ауылда да үлкен көшелер мен жүйткіген автокөліктер көбеюіне орай, жолда жүрудің ережесін жете білуіміз қажет. Көшелер мен жолдардағы жағдай барған сайын күрделеніп келеді. Жол-көлік оқиғаларының қаупі арта түсуде. Сондықтан да жүргізушілер мен жаяу адамдар көшелер мен жолдарда ерекше тәртіпті және мұқият болуы қажет. Жол заңы дұрыс жүріп ,абай болуды талап етеді. Жол-көлік оқиғаларының салдарынан көбіне балалар зардап шегуде. Жол тәртібін  бұзу қатер  тудырады. Жолдың қалыпты қозғалысы көбінесе балалардың жол бойында қалай болса солай жүріп, доп  қуалайтыны, шаңғы  тебетіні , жүріп  бара жатқан машинаға  жабысатыны, қалтарыстан жолға  шығып  келетін салдарынан бұзылады. Жол тәртібін бұзғандықтан  кейбіреулер машина  дөңгелегіне ілініп қаза тауып , кейбіреулері  жарақат алады. Ал кейбіреулері өмірлік  мүгедек болып қалады.

Оның себебі, көптеген мектеп оқушылары жолда жүру ережелерін әлі де болса нашар біледі. Ал оқушыларға жол жүру ережелерін таныстырып, үйретіп жүргенімізге де біраз уақыт болды. Осы уақыт ішінде олар көшелер мен жолдарда қойылатын белгілермен танысты. 

Сондықтан әрбір оқушы мектепте оқылатын «Жолда жүру ережесі » тақырыбындағы сабақты мұқият тыңдап, әр сабақтан қорытынды жасап отыруға міндетті .Үлгілі , тәртіпті оқушы көшеде, жолда  жүру ережесін заңын бұзбайды.Алған білімдерін ’’Жолы болсын әркімнің, орында жол тәртібін!’’ атты жол ережелеріне арналған тәрбие сағатында көрсете білді. Оқушыларға көшеде жүру ережесін үйрете отырып, алған білімдерін суретпен бейнелеу арқылы, көше белгілерін жатқа айтқыза отырып, жолда жүру мәдениетін қалыптастырды.