Жұлдызды сағат

«Жұлдызды сағат » математикалық сайысы

(6 сыныптар аралығында)

Математика пән мұғалімі: А.П.Пірімбет

« Жұлдызды сағат» интеллектуалдық ойыны.

Мақсаты: Оқушылардың ойлау қабілетін, ой ұшқырлығын оқуға ынтасын

арттыру. Ұйымдастырушылық қабілетін дамыту. Оқушыларды

ұйымшылдыққа, нақты пәнге қызығушылыққа, жауапкершілікке,

өзін- өзі тәрбиелеуге, шапшаңдыққа, білімді болуға тәрбиелеу.

Көрнекілігі:интерактивті тақта, слайдтар, үлестермелі қағаздар,

Әр топқа даярланған үстел, эмблемалар.

Барысы:

1-жүргізуші: Армысыздар, ардақты, ұлағатты ұстаздар, жүзден жүйрік, мыңнан тұлпар сайыскерлер, «Математика – ғылымдар патшасы» дегендей, бұл ғылым адам өміріне оның ой-өрісінің дамуына аса қажет. Математика пәніне деген қызығушылығымызды арттыру мақсатында өткізгелі отырған «Жұлдызды сағат» атты кешімізге қош келдіңіздер!

2-жүргізуші:Сандардың біз сырына үңілеміз,

Үйренбеген достардан түңілеміз,

Білгеніңді бұл пәннен жасырсаңдар,

Бүгін достар, әрине жеңілеміз- дей келе бүгінгі кешімізді ашық деп жариялаймыз.

1-жүргізуші: Шапшаң ойын ойнайтын,

Ұл-қызың шықса ортаға,

Шақырайық сайысқа,

Топтар шықсын ортаға- дей отырып ойынға қатысушы топтарды ортаға шақырайық.

6 «а» сынып – «Жас ұрпақ»

6 «ә» сынып – «Сұңқар»

6 «б» сынып – «Болашақ»

2-жүргізуші:Сайыста бақ сыналар, бап сыналар,

Бас жүлдені өнерлі тапқыр алар,

Кім өнерлі, кім шапшаң шешу қиын,

Қазылар алқасы болмаса нақ сыналар.

Кез-келген сайыс бағалануы тиіс. Осының ара-жігін ажырататын қазылар алқасы. Бұл- жарыстың ажырамас бір бөлігі, дәстүрлі үрдісі. Бізде сол үрдіс бойынша әділдігін айтып, тура шешім шығарар қазылар алқасымен таныстырып өтейік.

1.Қайырмаганбетова Б

2.Сағындыққызы К

3.Сакиева Г

1-жүргізуші:Сайысымыздың өтілу тәртібімен таныстырып өтейік:

1.Сәлемдесу рәсімі. (аты,ұраны)

2.Есеп шығара білесіңбе? (есептер шығару)

3.Тапқыр болсаң, шешіп көр. (логикалық есептер)

4. Полиглот. (жауабын 3 тілде айту)

5.Сен білесіңбе? (математикалық сұрақ)

6. Ақылдассаң, шешерсің.

Олай болса сайысымызды бастайық.

2-жүргізуші:Өнер қуып оқушылар өтер деймін,

Бір басына өнерлері жетер деймін,

Бәске түссе оқушылар кезектесіп,

Таныстырып топтарын өтер деймін.

І.Кезекте сәлемдесу рәсімі. (әр топ өз топтарын таныстырып өтеді)

1-жүргізуші: Өмірде ойлап тұрсаң, бәрі де –есеп,

Ауырсаң ішетұғын дәрі де –есеп,

Есепсіз сүрген өмір мазмұнсыз-ау,

Дүниенің бар тұлғасы есеп десек- деп келесі турға көшейік.Бұл турда әр топқа бір-бір есептен беріледі, сол берілген есептерді топ мүшелерінің әрқайсысы келіп бір амалдан орындап, есептің шешуін табу керек. Әр дұрыс амалға 5 ұпай беріледі.

1-топқа: 7х – 3 – 2х = х + 9

2-топқа: 13 – 2х + 5 = х - 3

3-топқа: 3х – 10 + 9х = 22х

2-жүргізуші: Ең қиыны сайыстың енді келді,

Мықтылары қалыпты ,жеңсін енді,

Тез қимылда, ойланып тұрып қалмай,

Осы ойыннан көрейік ерен ерді- деп ,3-ші турға өтейік. Бұл тур

« Тапқыр болсаң, шешіп көр» деп аталады. Ойынның шарты бойынша әр топ ұяшық нөмірлерін таңдайды.Сол ұяшықтың сұрағына жауап береді. Дұрыс жауапқа 5 ұпай беріледі. Бірінші болып ұяшықты «Жас ұрпақ» тобы бастайды. Ол топ білмеген жағдайда келесі топ алдындағы жұлдызшаны көтеру арқылы жауап береді.

І-ұяшық: Қояндар бөренені арамен бөліп жатыр.Олар 14 жерден кесті.Неше бөлік пайда болды? (15)

ІІ- ұяшық: Алмұрт алмадан ауыр, ал алма өріктен ауыр. Алмұрт ауыр ма, алде өрік ауыр ма? (алмұрт)

ІІІ-ұяшық: Еменде 3 бұтақ , ал әр бұтақта 3 алмадан бар ,Барлығы неше алма бар? ( еменде алма өспейді )

ІV- ұяшық : Бөлмеде 2 ит, 3 құс , 1 шыбын бар. Жануарлардың бәрінің аяқтарын қосып есептегенде қанша болады. ( 20 )

V-ұяшық : Анасы 16 мандарин сатып алған.Жартысын Думан жеді, Айша 2 мандарин жеді, қалғанын Дана жеді.Дана неше мандарин жеді? (6)

VI-ұяшық: Егер 7 жұмыртқаның бағасы 7 теңге болса, сонда 100 жұмыртқаның бағасы неше теңге? (100)

1-жүргізуші: Көп тілді меңгеру заман талабы болып отырғандықтан, қатысушылардың шет тілін қаншалықты меңгергенін ойынымыздың келесі бөлімі IV- тур «Полиглоттан» байқайық. Бұл бөлімде жасырылған сөзді немесе жұмбақ шешуін үш тілде қазақша, орысша, ағылшынша айту керек. Үш аудармасын дұрыс шешсе - 15 ұпай. Екі аудармасын дұрыс шешсе - 10 ұпай, біреуін тапса - 5 ұпай беріледі.

1. Жоқ өзінде бас та, қас та, мойында,
Ұзындығы жазулы тұр бойында.
Жауабы: сызғыш, линейка, ruler
2. Қабат, қабат қаттама,
Ақылың болса аттама.
Жауабы: кітап, книга, book.

3..... жылда ел жаңа.
Жауабы: eлу, пятьдесять, fifty.
4.... теңгең болғанша,
... досың болсын.
Жауабы: жүз, сто, one hand red

5. Нәрселерді санағанда,
Керек ол бізге ауадай,
Айтыңдаршы бұл қандай сан,
Жан – жағыңа қарамай.
Жауабы: натурал сан, натуральные числа, real
6. Бірдей санды бірнеше рет,
Көбейтуден тұрады.
Егер оны ықшамдасаң,
Қандай атау болады?
Жауабы: дәреже, степень, power

2-жүргізуші: Білімнің ұшқырлығын танытып сен,

Асып-тасып, асықпа, қалыспа сен.

Уақыт деген зымырап, зулап жатыр.

Шапшаңдық бұл сайыста керек екен- деп топтарға сұрақтар қойылады. Жауабын тапқан әр топ алдындағы жұлдызшаны көтеріп арқылы жауап береді. Дұрыс жауап 5 ұпаймен бағаланады.

Заттарды санау үшін қолданылатын сандар қалай аталады? (натурал)

Нөлге және жұп цифрларға аяқталатын сандар қалай аталды? (жұп)

Қандай сан жай сандар деп аталды? (өзіне және 1-ге ғана бөлінеді)

1 дц –де неше сантиметр бар? (10)

1 сағатта неше минут бар? (60)

37 санында неше ондық ,неше бірлік бар? (3 ондық, 7 бірлік)

Санды өрнек неден құралады? (саннан)

3 санын 3 рет қосқанда неше болады? (9)

Барлық қабырғалары тең тік төртбұрыш ?( шаршы)

Ұзындықтың өлшем бірлігі? ( метр)

Қандай сан барлық санға қалдықсыз бөлінеді? (0)

Ең үлкен уақыт өлшемі? (ғасыр)

2-ге бөлінбейтін сандар не деп аталады? (тақ )

Алымы бөлімінен кіші бөлшек? (дұрыс)

Алымы бөлімінен үлкен бөлшек? (бұрыс)

1-жүргізуші: Сайыс –толқын жатқандай асып тасып,

Біреу мығым біреулер шалыс басып,

Бұл сайыста байқалар тапқырлық,

Жеңсеңде , жеңілсеңде қалма жасып.

VI-тур «Ақылдассаң, шешерсің».Ойынның шарты бойынша әр топқа үлестірмелі қағаздардар таратылады. Дұрыс жауапқа 5 ұпай беріледі.

1-топ. 88888888 сандардың арасына қосу таңбасын қою арқылы 1000-ды қалай шығаруға болады?

888+88+8+8+8=1000

2-топ. Бесбірліктің көмегімен 100 санын жаз: 111-11=100 
3 – топ.Бес бестіктің көмегімен 100 санын жаз: 5*5*5-5*5=100 

2-жүргізуші: Сайысымыздың соңғы сәті таяп қалды,

Ал, қазір әділ қазылар сөз алады,

Сайысымыздың жеңімпаздарын анықтап,

Мақтау қағаз ,сыйлықтарын тапсырады.

Сөз кезегі әділ қазы алқасында.

1-жүргізуші:Бүгінгі сайыс талай шабыт шыңдады,

Кеш қызығын талай адам тыңдады.

Тәрбиелер тәлімі, мол, әсерлі,

Бөлеп егер, көңіл жарқын таңдады- дей келе бүгінгі кешімізді жабық деп жариялаймыз.