Жұмбақтар жинағы

Жұмбақтар: Әртүрлі жұмбақтар

Шыр көбелек айналар,
Беліне жіп байланар.

ұршық

Кіруге адам батпайды,
Затыңды аман сақтайды.

Сандық

Жүз мүйізібар,
Үстінде киізі бар.

Киіз үй

Даусы бар, жаны жоқ,
Шертсең күйі, әні көп.
Құлағын он бұра.
Ол не?....

домбра

Елқорғайтын ерліке
Әуенімен шақырған.
Батылдыққа, елдікке
Әуенімен шақырған.

дабыл

Он екі бием бар еді, алтауы буаз,
Екеуі неғайбыл, екеуі тесік өкпе,
Екеуі күн қақты.

Қойда он екі мүше бар. алты буаз бие деген ішінде майы бар алты

Борп-борп борпылдақ,
Борпылдақта қызыл тақ.
Қызыл тақта үш тармақ,
Үш тармақта шұқыршақ,
Шұқыршақта бал қаймақ,
Балқаймақта сұр жайдақ,
Сұр жайдақта сері бойдақ.

күл, от, үш аяқты темір ошақ (мосы), қазан, ішіндегі тамақ,

Көзге ілінбейді,
Жұтсаң білінбейді.

Ауа

Сатайын десем ауыр кілем, 
Сатпайын десем тәуір кілем

Жер

Сөйлесесің әркіммен,
Естілмейді дыбысың,
Білінбейді бір ісің.

Түс

Аяғы бар, жүрмейді,
Аузы бар, күлмейді.
Айнымайды бөпемнен
Тек сөйлеуді білмейді.

Қуыршақ

Менен өзі аумайды,
Менен көзін алмайды.

Айнадағы бейне

Білмейді кет дегенді, адасқанды,
Жаныңа жақсы көрер жанасқанды.
Үнсіз-ақ ғайып болар табан асты,
Тоқымдай бұлт шалса қара аспанды.

Көлеңке

Қорқа ма әлде, жарықтан ол қашады,
Әдеті бар паналайтын тасаны.

Көлеңке

Қауаққа да ұқсаған,
Алмұртқа да ұқсаған,
Аузы бар, тілі бар,
Білер көріп, ұстаған.

Қоңырау

Ойдың аяқталуын күтпейді,
Оны қойсаң, сөйлем бітпейді.

Үтір

Сырғалы құлақ бір,
Үн-түнсіз сұрап тұр.

Сұрақ белгі

Қадалды бір ине
Нүктедей түймеге.

Леп белгісі

Пайдаға жарады
Отынсыз жанады.

Газ

Жанған отты кештегі
Үрлесем де өшпеді.

Электр шам

Қолтығыма кіреді,
Қызуымды біледі.

Градусник

Соңыңнан қалмайды,
Тоқтасаң, тоқтайды.
Үйге іздеп бармайды,
Тығылсаң таппайды.

Көлеңке

Айтқаныңды айнытпай
Қайталайды өзіңе.
Тіл қатқанмен қаймықпай,
Көрінбейді көзіңе.

Жаңғырық

Дөп-дөңгелек қос шыны,
Бұзылмайды достығы.
Өмір бойы екеуі
Қол ұстасып өтеді.

Көзілдірік

Алдына барсаң, күлдіреді.
Кескін-кейпіңді бүлдіреді.

Қисық айна

Ерте тұрдым,
Екі айыр жолға түстім.

Шалбар

Ерте тұрдым,
Екі айыр жолға түстім.

Шалбар

Елқорғайтын ерліке
Әуенімен шақырған.
Батылдыққа, елдікке
Әуенімен шақырған.

дабыл

Жазда өсiп, пiседi,
Дәмi тәбет ашады.
«Қ» орнына «Ж» қойсаң,
Көктен тамып түседi,
Жердiң шаңын басады.

Қауын — Жауын

Үрлесең жеп-жеңіл,
Елпілдеп кетеді.
Ұшырсаң, көк-теңбіл,
Бұлтқа да жетеді.

Шар