"Жұмбақтар мен мақал -мәтелдер."

Тақырыбы: Мақал – сөздің азығы, жұмбақ – ойдың қазығы

Мақсаты: Мақал - мәтел – ата бабамыздан қалған өшпес мұра. Көлемі жағынан шағын болғанмен, мағынасы терең, құны қымбат қазына. Мақал - мәтел – тәрбиелік мәні зор, рухани байлық туралы мағлұмат беру.

1. Биікте бар, ойда жоқ,
Киікте бар, қойда жоқ. (И)
2. Суда бар, отта жоқ,
Буда бар, шоқта жоқ. (У)
3. Айда бар, күнде жоқ,
Аспанда бар, жерде жоқ. (А)
4. Орманда бар, үйде жоқ,
Қоянда бар, итте жоқ. (О)
5. Борда бар, тақтада жоқ,
Балда бар, майда жоқ. (Б)
6. Машинада бар, қайықта жоқ,
Шанада бар, арбада жоқ. (Ш)

«Сөз тапқанға қолқа жоқ»
1. Білекті бірді жығады, . . . мыңды жығады.
2. Халық айтса, . . . айтпайды.
3. Ел үмітін . . . ақтар.
4. Өнер алды . . . тіл.
5. Ердің атын . . . шығарады.
6. Тіл тас жарады, тас жармаса . . . жарады.
7. Сөз тапқанға . . . жоқ.
8. Жақсы сөз . . . ырыс
9. Бірлік болмай . . . болмас
10. Көз қорқақ, . . . батыр

«Тіл өнері»
1. Мықынын таянып,
Тұрмайды аянып,
Ертемен тұрады,
Қоқысты қуады. (сыпырғыш – веник)
2. Кіп-кішкентай бойы бар,
Айналдыра киген тоны бар. (қой - баран)
3. Тысы жасыл, астары асыл,
Құйқасы қатты, еті тәтті (қарбыз – арбуз)
4. Қанаты бар ұша алмас,
Құрлықта қаша алмас, (балық – рыба)
5. Қалың киім ұнатады,
Шешіндірсең жылатады. (пияз – лук)
6. Сырт-сырт соғады,
Уақыт озады. (сағат – часы)
7. Сүйрең, сүйрең етеді,
Із қалдырып кетеді. (қаламсап – ручка)
8. Сөзі дана, үні жоқ,
Сөйлемейді, тілі жоқ.
Қолыңа алсаң шешен,
Ақылы асқан көсем (кітап – книга)

«Бәрін білгім келеді» (ребус шешу)
Шешуі: білім, шаңғы, ферма, флейта

Жеңген топты марапаттау.
Ата - салтым, асыл мұрам, ардағым,
Бабалардың жалғастырар арманын
Сан ғасырда қалпын бұзбас, қадірім,
Өткенімді бүгініммен жалғадым – дей келе бүгінгі сайысымыз аяқталды.
Ұлттық өнерімізді ұрпақтан ұрпаққа жеткізетін біздер, сондықтанда құнды мұраларымызды насихаттап жүрейік