«Жүрек жылуы-достықта, мейірімділікте және сыйластықта» атты тәрбиешілерге арналған тренинг

МКҚК №8 «Үлгілі» бөбекжай балабақшасы

Тақырыбы: «Жүрек жылуы-достықта, мейірімділікте және сыйластықта»

Педагог – психолог: Молдашова Г.

2023-2024

Тақырыбы: «Жүрек жылуы-достықта, мейірімділікте және сыйластықта» балабақша тәрбиешілеріне арналған тренинг.  

Мақсаты: ұжым ішінде байланыс орнату, тәрбиешілерге жағымды эмоциялар сыйлау. Психологиялық стресс немесе күйзелістің алдын алу.

Тренинг сабақ құрылымы

1. Танысу

2. Қызықты жұмбақтар, сұрақтар.

3. Сауалнама

4. Тренингтер

5. Релаксациялық жаттығу «Теңізге саяхат»

6. Қорытынды

1. Танысу «Менің керемет есімім!»

Нұсқау: Тәрбиешілер өз есімін атап, оның қандай мағына беретінін ерекшеліктерін айтып таныстырады.

2. Күлдіргі жұмбақтар, ситуациялық және қызықты сұрақтар

Шарты: Ілініп тұрған шарларды жару арқылы ішіндегі тапсырманы орындау.

1. Кім барлық тілде сөйлейді /Жаңғырық/

2. Ата-анамен тәрбиеші арасындағы қақтығыс, шығу жолдары. Ата-ана тәрбиешіге келіп, «Менің балам өте ақылды, ұқыпты, ол күнде дайындалады. Ал сіз неге оған ұрысып, қол көтересіз? Сіз осылай істегендіктен, үйде жанжал көбейіп жүр. Бәріне сіз кінәлісіз» деп жылап қоя берді. Сіздің іс-әрекетіңіз.

3. Тышқан аулағышты бес әріппен қалай жазуға болады /Мысық/.

4. Баланың тәртібіне ата-ананың селқос қарауына байланысты. Баласының тәртібіне байланысты ата-анаға бірнеше рет хат жолдаған, үйіне барып жолығуға келген тәрбиешісі ата-анамен аулада кездесіп қалды. Келе жатқан шаруасын айта бастағанда, «Менің одан да басқа маңызды шаруам болып тұр» деп ата-ана кетіп қалды. Сіздің іс-әрекетіңіз.

5. Дүниедегі ең шапшаң нәрсе /Ой-қиял/

6. "Балдәурен" байқауында Сіз төрешісіз делік. Екі өте талантты, бірінен бірі асып түсетін Әлия және Қуаныш атты әнші балалар ақтық сында. Соңғы сөз бен таңдау Сіздікі. Не істейсіз? Бір-ақ әнші жеңіске жетпек. 1 талантты таңдау үшін қандай амал қолданасыз?

7. Қай кезде аспан жерден төмен тұрады. /Аспан суреті судан төмен көрінген кезде/

8. Қандай бөшкеге су құюға болмайды? /іші толы бөшкеге/

2. Сауалнама. «Сіз қандай тәрбиешісіз?» 

Жалпы диагностикалық, кәсіби лайықтылықты анықтау. 
1.Тәрбиешілік қызметке қалай келдіңіз? 
а) жүрек қалауымен 
ә) кездейсоқ 
б) амал жоқтан 
2. Сіз үшін тәрбиешінің жұмысы: 
а) керемет жұмыс 
ә) күнкөріс үшін 
б) бас қатыру 
3.Балалар сізді қандай деп ойлайды 
а) өте сауатты деп есептейді 
ә) қанағаттанарлық 
б) олардың көзқарасында жұмысым жоқ 
4. Балалар арасында жарыс болатын болса: 
а) міндетті түрде менен көмек сұрайды 
ә) кейде 
б) маңыма мүлде жоламайды 
5. Сіздің сабақ өту тәсіліңіз қандай? 
а) тыс қызықты материалды жиі пайдаланамын 
ә) сирек қолданамын 
б) белгілі айтылған тапсырмадан шыға алмаймын 
6. Балабақшадағы ережеден тыс жұмысты ұйымдастыруда 
а) балалар арасында жиі-жиі жарыстар ұйымдастырамын 
ә) басшылар ескерткенде ғана 
б) бас ауыртқым келмейді 
7. Балаға қол жұмсайсыз ба? 
а) мүлде қол жұмсамаймын 
ә) анда-санда 
б) «Аюға намаз үйреткен – таяқ» деп есептеймін 
8. Тәрбиеші болғаныңызға 
а) ризасыз 
ә) сізге бәрібір 
б) өкінесіз 
9. Ұжым арасында беделіңіз: 
а) өте жоғары 
ә) жақсы 
б) орташа 
Әрбір «а» жауабына – 5 ұпай, «ә» жауабына – 3 ұпай, «б» жауабына – 1 ұпай есептеңіз. 
45-50 ұпай жинасаңыз: 
Сіз шәкірт үшін биік тұлғасыз. Сіз бала тәрбиесіне жан-тәнімен берілген жансыз. 
30-21 ұпай жинасаңыз : 
Сіз арбаны да сындырмайтын, өгізді де өлтірмейтін күйде жүрсіз. Сізге көп іздену керек. 
15-11 ұпай жинасаңыз: 
Сіз босқа уақыт өткізіп жүрсіз. Орыныңызды бала жанын түсінетін шын тәрбиешіге босатқаныңыз жөн.  

2. «Кір жуатын машина» ұжымдағы қарым қатынасты реттеу және жылы атмосфера орнату мақсатында жүргізіледі. Педагогтар екі қатарға тұрады бір педагог ортамен жүріп өтеді. Екі жақтан оны жууы керек. Алдынан күтіп алатын адам сонғы болып кептіреді. Шыққан адам келесі «кептіруші» болады.

3. «Ой жылдамдығы»

Шарты: Берілген сұрақтарға бір әріптен басталатын сөздермен жауап беру.

С Б Ж Т

1. Есіміңіз кім?

2. Жасыңыз қанша?

3. Жолдасыңыз сізді қалай еркелетеді?

4. Айлығыңыз қанша?

5. Сүйікті тағамыңыз қандай?

6. Жағымсыз қылығыңыз қандай?

7. Келініңіздің қандай болғанын қалайсыз?

8. Қай қалада тұрғыңыз келеді?

9. Сіздің сүйікті затыңызды жақыныңыз сындырып қойса, сіздің әрекетіңіз?

10. Көңіл күйіңіз жоқ кезде не істейсіз?

11. Қанша балаңыз бар немесе қанша болғанын қалайсыз?

12. Көзіңіздің түсі қандай?

13. Шашыңыздың ұзындығы қандай?

14. Сізге «Үлгілі» бөбекжай-бақшасында жұмыс істеген ұнай ма?

2. Релакциялық жаттығу «Теңізге саяхат» (әуен орындалады)

Бұл медитативтік техника денедегі қысымды түсіруге бағытталған. /Музыка орындалады/

Жайланып отырыңыз, көзіңізді жұмыңыз. Терең демалыңыз, денеңізді бос ұстаңыз, бетіңізге теңіз толқынының лебі ұрып жатқандай сезініңіз. Өзіңізді жартастың үстінде тұрмын деп есептеңіз және алысқа көз жіберіңіз. Сіздің алдыңызда көгілдір теңіз, ашық аспан және күн. Теңіз бірқалыпты дем алып, асау толқындары жағаға соғылып, қайтадан кейін қайтуда.

Теңіз толқындарының шуын естіп, толқындарға қызыға қарап, жағалаудағы теңізді хош иісін сезініп, тұзды ауасын жұтып тұрсыз. Өз бойыңызды басқан ауыртпалықтан бір сәтке болса да арылғандайсыз. Сіздің рухыңыз жайлылық сезіміне толы. Сіз төменге түсіп, аяғыңызды шештіңіз, жалаң аяқ құмның қызуы мен жұмсақтығын сезіне отырып жүрудесіз. Міне, сіз судың жанына келдіңіз, толқындар сіздің аяғыңызды жуып жатыр, су жып-жылы әрі жұп-жұмсақ. Қолдарыңызды бос тастап, басыңызды шалқайтыңыз. Күн сәулесі мен жеңіл самал жел сіздің бетіңізді өбуде, теңіз толқындарының тамшылары сіздің денеңізді баурап алғандай. Сіз өзіңізді кішкентай бала сияқты сезініп, жүгіргіңіз, секіргіңіз, су шашып ойнағыңыз, күлгіңіз келеді. Өзіңізге осы бірнеше минут ішінде не істегіңіз келсе, соны істеуге рұқсат етіңіз.

Сіздің қайтатын уақытыңыз болды. Сізге демалыс күлкі сыйлаған ғажайып әлемге алғысыңды айтыңыз. Асықпай бұл орынмен қоштасыңыз. Көздеріңізді асықпай ашыңыз.

2. Қорытынды: алақан жылуы. Алақанға майшам алып бір біріне тілек айтып, қай қасиеті үшін сыйлайтынын айтып, мақтап шамды береді.

Құрметті әріптестер осы шамның жарығындай келешектеріңіз жарық, жолдарыңыз әрқашан ашық болсын деген тілекпен, бүгінгі тренингімізді аяқтаймыз. Рахмет!

1. Кім барлық тілде сөйлейді

2. Ата-анамен тәрбиеші арасындағы қақтығыс, шығу жолдары. Ата-ана тәрбиешіге келіп, «Менің балам өте ақылды, ұқыпты, ол күнде дайындалады. Ал сіз неге оған ұрысып, қол көтересіз? Сіз осылай істегендіктен, үйде жанжал көбейіп жүр. Бәріне сіз кінәлісіз» деп жылап қоя берді. Сіздің іс-әрекетіңіз.

3. Тышқан аулағышты бес әріппен қалай жазуға болады

4. Баласының тәртібіне байланысты ата-анаға бірнеше рет хат жолдаған, үйіне барып жолығуға келген тәрбиешісі ата-анамен аулада кездесіп қалды. Келе жатқан шаруасын айта бастағанда, «Менің одан да басқа маңызды шаруам болып тұр» деп ата-ана кетіп қалды. Сіздің іс-әрекетіңіз.

5. Дүниедегі ең шапшаң нәрсе

6. "Балдәурен" байқауында Сіз төрешісіз делік. Екі өте талантты, бірінен бірі асып түсетін Әлия және Қуаныш атты әнші балалар ақтық сында. Соңғы сөз бен таңдау Сіздікі. Не істейсіз? Бір-ақ әнші жеңіске жетпек. 1 талантты таңдау үшін қандай амал қолданасыз?

7. Қай кезде аспан жерден төмен тұрады.

8. Қандай бөшкеге су құюға болмайды?