"Жүрекке толы мейірім" топ сағаты

Тақырыбы: «Жүрегім толы мейірім»

 Куратор: Армысыздар қымбатты қонақтар, жаны жайсаң ұлағатты ұстаздар және студенттер! Бүгінгі «Жүрегім толы мейірім» атты мәнерлеп оқып өткізу кешемізге қош келдіңіздер! Қазақтың жақсы қасиеттерінің асылы – жомарттық, кең пейілділік. Ол адамға қызмет қылып, жақсылық жасауға пейілді жанға тән сипат. Жомарт болу - өзіңде барды зәру адаммен шын жүректен бөлісу. Осыған орай, Қазақтың ұлы ақыны Абайдың «Адамзаттың бәрін сүй бауырым » деген даналық сөзінда айтылғандай.

«Адам баласынан мейірім қашса, жер бетінен жақсылық қашады» - деген екен данышпан халқымыз. Шынайы мейірімді болу-өзіңнен гөрі адамдар мен айналаны қоршағандарға қамқор болу дегенді білдіреді. Ол рақымшылдық пен аяушылық. Мейірімді кісі әрқашан басқаларға көмекке келіп, әр кез жақсылық жасағысы келіп тұрады. Жерде жетім жыласа, көкте періште қайғырады дейді. Қазақтың дәстүрлі әдеп жүйесінде мейірімділік адамдар арасындағы адамгершілік, ізгілік пен ізеттілік, имандылық пен инабаттылық секілді асыл қасиеттермен үндестік тапқан. Ж.Баласағұн "кір тигізбей ұста ойыңның өресін, мейірім етсең — мейірімділік көресің” деп, мейірімділікке зор мән берген.
Кезінде Абай атамыз да өзінің қара сөздерінде «Тірі адамның жүректен аяулы жері жоқ» деген екен .

Студенттерге сұрақ қойылады

Сонымен мейірімділік деген сөзді қалай түсінеміз?

Ән Аяаулы Ана (орындайтыни Әбітов Нұрбек)

Көркем сөз (оқитындар Улмекен, Дулат, Ақгүл, Ақылбек, Мархабат, Эльдар,Жаннұр)

1. Ұлмекен «Ата-ананың мейірімі»

Ата -ана сөзі үш әріптен құралған,
Сонда жатыр өмірдің мәні сан алуан.
Биік тұрар бұл жандардың есімі,
Мәңгілікке есімдері есте қалған.

Ананың ыстық мейірімі,алақаны,
Жылытады шуағымен әрбір таңды.
Бар әлемді мейлі алдыма қойса да,
Теңемеймін ешбір жанға ананы.

Қамқоршы әке ,тілекші,асқар әке
Өмірдегі мақтанышым дара әке.
Сырт келбетіңіз суық болса да,
Ұқтырасыз көз жанармен мейірімді әке.

Ата-ана өмірдің мәнісіздер,
Сіздерсіз жарық әлем түссізденер.
О адамдар ұғыңдаршы ата -атаның,
Мейірімі шексіз екен ,білсеңіздер!

2. Дулат «Жақсылық көрсем-көлдеймін»

3. Ақгүл «Мейірімділік»

4. Ақылбек «Жаңа күн»

Жаңа күн
Сенімді ақташы.
Бұл өмір көрсетпей жамандық.
Өтірік сөздермен алдамшы,
Шындықты аңғармай қалмайық.

Жаңа күн,
Анасын іздеп жылаған,
Сәби жүрекке көңіл бөл!
Сан түрлі нұрлы шуақпен,
Мейірімге бөлей жүр.

5. Мархабат «Адамгершілік» Эльдар «Атам менің әманда»

Атам менің әманда
Әдепті жан бол деген.
Асыл сөзі санамда –
Жасы үлкенге жол берем.
Алдын орап кісінің,
Кесіп өтпей көлденең,
Ізетімен кішінің
Сәлемдесіп, қол берем.

6. Жаннұр «Адалдық»

Көріңіс

Әжесі – Асель Балалар: Эльдар, Ақылбек, Дулат.

Куратор: Жарайсыздар студенттер, үлкенге құрмет кішіге ізет көрсетіп жүріңіздер.

Куратор: Студенттер стикер арқылы жүрекшемізді толтырайық. Жылы лебіздеріңізді, тлектеріңізді жазыңыздар.

Әр студуент өздерінің жазғандарын окып журекшені толтырады.

Куратор:

Сүтпен бірге анаң мейір емізген,
Ақ ниетің кем болмасын теңізден.
Өседі гүл күннің уыз нұрынан,
Ал адамдар жылы-жылы лебізден.
Кім-кімнің де енегелі бір ісін
Көре тұра көрмегендер құрысын!
Нең кетеді жақсы десең жақсыны?!
Нең кетеді дұрыс десең дұрысын?!
Бізге жеткен ата-баба сөзінен
Мен, ағайын, бір даналық сезінем.
Табам десең бір қасиет табасың
Жаман деген жолдастың да өзінен.
Жетпейді өмір тіршіліктің дауына,
Гүл отырғыз көңілдердің бауына.
Артық емес айтып қойсаң жылы сөз,
Досың түгіл,
Кейде тіпті жауыңа!
Адамдарсыз адам бағы жанбайды,
Көңіл шіркін ықыласқа қанбайды.
Жылы сөзді артығырақ айта бер,
Жаның содан жарлыланып қалмайды.
Оқасы жоқ өзен-көңіл тасыса,
Жігер берер жылы лебіз жасысаң.
Біз адамбыз,
Адам түгіл,
Бұзау да
Сүйсінеді әукесінен қасысаң!
Сүтпен қоса анаң мейір емізген,
Ақ ниетің кем болмасын теңізден.
Өседі гүл күннің алтын нұрынан,
Ал адамдар жылы-жылы лебізден!

Әң айтылады

Куратор: Жақсылық жасау – имандылықтың, тәрбиеліліктің, парасаттылықтың айқын көрінісі. Ертеңге талпыныс, болашаққа бағдар, игі іске ұмтылыс – адамзатқа тән құбылыс.

-Ендеше, көп болып, асыл арманына қол созғандарға сүйеніш болып, қолымыздан келген көмегімізді аямайық.
-Әркез жүрегіміз кең, пейіліміз ақ болып жақсылық жасауға ұмтылып тұрайық!!!

Назарларыңызға Рахмет!

Қош сау болыңыздар!