Жүректен жүрекке
Мақсаты: Балалардың санасына мейірімділік, қайырымдылық ұғымдарын қалыптастыру, әлеуметтік жағдайы төмен балаларға көмек көрсету, оқушыларды кішіпейілділікке, бауырмалдыққа баулу.
1-Жүргізуші:

Қайырымды бола білу үлкен іс,
Үлкенге ізет, кішіге құрмет көрсетіп.
Жақсылықты жаса қолдан келсе егер,
Біле білсең өзің үшін ол жеңіс.
Армысыздар, құрметті қонақтар, ата-аналар, балалар! Мектебімізде өтіп жатқан «Қайырымдылық – жылы жүректен» атты тақырыбындағы мерекелік кешімізге қош келдіңіздер!
2-Жүргізуші:

Балаларды қорғау керек бәрінен,
Қардан, қыстың қаһарынан, кәрінен.
Қорғау керек нәзік гүлдей аялап,
Жан шуағы, мейірім, бақыт, қуаныш
Балаларға бөлінбесін алалап.
1-Жүргізуші: Мектебіміздің күміс көмей әншісі Мұхтар Аружан «Анаға сый» өлеңімен ортаға шақырамыз.
2-Жүргізуші: Егеменді еліміздің жарқын болашағы – бүгінгі жас бүлдіршіндер. Сондықтан, барлық игі жақсылық пен жүрек жылылығы балғын балаларға арналады.
1-Жүргізуші:

Неткен құдірет! Күн ғой сәби күлгені,
Жарқыратып жібереді-ау дүниені
Жетеді ме күлгеніне сәбидің. 
Жарты әлемнің барлық жалын гүлдері.- дей келе, кезекті 
«Отбасым байлығым» өз шығармашылығы Аманжол Меруертті шақырамыз.
2-Жүргізуші:

Мейірімділік – ғажайып өмір есегі,
Мейірімді болсаң, сазды әуенмен тербетілер бесігің.
Ашық болсын мұқтаждарға көңілің мен есігің,
Мейірімсіз болсаң, Алладан болмас кешірім.
Қол ұшын бер жетімдерге жылаған,
Қайтарма қолын ананың көмек сұраған
1-Жүргізуші:Ортаға бастауыш сынып оқушыларын шақырамыз

2-Жүргізуші:

Біз тілейміз бар бөбекке,
Бақытты өмір сүргенін.
Туған елге еркелеп,
Қуанғанын, күлгенін.
Сусынымыз қанады,
Өнер, білім, нәрімен.
Әлемдегі баланың,
Дос боламыз бәрімен.
1-Жүргізуші: Сөз кезегі мектептің тәрбие ісі жөніндегі орынбасары Аманбаева Ғалия апайға береміз.
2-Жүргізуші: 
Алаңдатпай сәби сүйген ананы.
Қатыгездік, безбүйректік, өктемдік,
Жауыздықтан қорғау керек баланы.
Ауру, апат, жоқшылықтан, аштықтан,
Жалқаулықтан, жат қылықтан, мастықтан.
Балаларды қорғау керек, ажыратпай,
Ойын-күлкі, ұйқысынан шаттықтан.
Адамдарға адамдардың оғы ұшқан,
Қорғау керек баларды соғыстан.
Болашақтың, барша ұлттық тағдырын,
Балалардың тағдырымен тоғысқан.
1-Жүргізуші: «Екі досы», «Үш ұл» көрініс 6,7 сынып оқушыларын шақырамыз.

2-Жүргізуші: 
Біз тілейміз бар бөбекке,
Бақытты өмір сүргнін.
Туған елге еркелеп,
Қуанғанын, күлгенін.
Сусынымыз қанады,
Өнер, білім, нәрімен.
Әлемдегі баланың,
Дос боламыз бәрімен.
1-Жүргізуші: Өлең «Ризамыз өмірге» 8-9 сынып қыздары.
2-Жүргізуші: 
Осымен өткізілген қайырымдылық акциямызды аяқтай келе, баршаңызға балаларға деген жүрек жылуын бөлісуге атсалысып, ыстық ықыластарыңыз бен аялы алақандарыңызды созып, балғын бөбектерге адамдық мейірімділік пен жомарттық танытқандарыңызға рахмет айта отырып, келгендеріңізге алғысымызды білдіреміз.
1-Жүргізуші:
Бала – бауыр етіміз. Сондықтан да балалардың өмірі жарқын болып, аман болсын. Қош, Сау болыңыздар!