«Еңбекшіқазақ ауданы әкімінің аппараты»

мемлекеттік мекемесінің

«Бәйтерек» бөбекжай балабақшасы

Мемлекеттік коммуналдық қазыналық кәсіпорны

Бекітемін

«Бәйтерек» бөбекжай

балабақшасының меңгерушісі

____________К.К.Карагулова

ТРЕНИНГ

«Жүректен – жүрекке»

Психолог: Ақылан Г.Б.

2018-2019 жылы

Тәрбиешілерге арналған «Жүректен жүрекке» атты тренингі

Мақсаты:

-педагогтар арасында сезімнің сыртқы көріністерін көрсете білу;

-топта эмоциялық жайлылық қалыптастыру;

-жағымды қарым - қатынас орнату;

көңіл - күйлерін көтеру;

-бір-біріне жүректен шыққан жылы лебіздерін сыйлауға жағдай жасау.

Өткізілетін мерзімі: 16.05.2019 жыл

Жүргізуші: педагог-психолог: Ақылан Г.Б.

Өткізілу әдісі: тренинг, жаттығу.

Тренингті жүргізу барысы:

І. Ұйымдастыру. (жүргізілетін орынды дайындау, тренингтің өтілу барысын түсіндіру).

ІІ. «Танысу» тренингі

Шарты:Өз есіміңіздің бастапқы әріпінен келетін жағымды сөзбен есіміңізді қосып айтамыз. Мысалы: нұрлы Нұргүл, әсерлі Әсем, дарынды Дидар, т.б.

ІІІ. «Көңілді музыка» ойыны

Мақсаты: бойдағы шаршаудан, стресстен арылу.

Шарты: шеңбер бойымен тұрып, бір - бірінің иықтарына қолдарын қояды. Музыканың ырғағымен шеңберді айнала отырып билеп, иыққа ақырын саусақ қимылдарымен массаж жасайды. Ойын кері қайталанып отырады.

IV. «Ұқсастық шегі» жаттығуы

Шарты : Қатысушылар жұптасып отырады , А 4 қағаз беті және қалам қажет . Жанындағы жұбына қарап , ұқсастықты тауып , " Біздің ұқсастығымыз ." деп А 4 қағаз бетіне жазады . Ұқсастық табу үшін 4 мин уақыт беріледі . Жаттығуды орындағаннан кейін , жұп бір – бірінің жазған ұқсастығын оқып ,өз ойларын айтады . 

V.«Комплимент» ойыны

Мақсаты: қатысушылардың тіл табыса алуын, бір - бірін толық тануын дамыту.

Қатысушылар шеңбер бойымен тұрып кезекпен кез - келген жағымды комплимент айтады (Біздің тақырыпта мыс. «өте жаңашыл», «нағыз кәсіби педагог»т. б.), ал қалғандары ол комплименттің кімге арналғанын табады. Комплимент иесі ойынды ары қарай жалғастырады. Барлығы жағымды комплимент алмайынша ойын жалғаса береді.

VI.Рефлексия

-Бүгінгі тренинг сіздерге ұнады ма?

-Тренингтен қандай әсер алдыңыз? Стикерге жазу.

— «Жүректен шыққан сөз жүрекке жол табады» деген Ә. Науаи.
Шеңбер бойына тұрып жүректі үлестіріп бір-біріңізге тілек айтыңыздар.

Қорытынды. Адам өмірінде екі нәрсе ұмытылмайды екен, біріншісі- қайырымды ісі, екіншісі жүректен шыққан жылы сөзі.