«Жыл басы - Наурыз»

Жүргізуші: Армысыздар ата-аналар, қонақтар, балалар! Ұлыстың ұлы күні наурыз мерекесі құтты болсын!
Наурыз қазақтың ұлттық мейрамы. Наурыздың 22-де күн  мен түннің теңеліп, жер жаңарып, көк  шығып, төрт  түлік  мал төлдеп,  көктем келіп, тіршіліктің бастауы, яғни қазақтың жаңа жылы – Наурыз   мерекесі де келіп жетті. Бәріміздің асыға күткен «Ұлыстың – ұлы күні!» наурыз  мерекесімен  шын  жүректен құттықтаймыз. «Ертөстік»  тобының  «Жыл басы- Наурыз!» атты мерекесіне қош келдіңіздер.

Жүргізуші: Ал, халайық, тұрмайық,
Әндетейік, жырлайық!
Ортамызды ашайық,
Ырыс тілеп бұл жылға
Жырдан шашу шашайық!

Ортаға бүлдіршіндеріміздің орындауында «Наурыз» әнін қабыл алыңыздар!

Біздің кішкентай бүлдіршіндеріміздің Наурыз мерекесіне арналған жыр-шумақтарын  қабыл  алыңыздар.

Ерсұлтан:

Наурыз келді еліме

Наурыз келді жеріме

Байлық, бақыт тілеймін

Бүкіл  қазақ еліне

Бақтияр:

Жылдың басы наурыз

Жердің басы наурыз

Мерекеге арналсын

Бүгінгі жыр әніміз

Хадиджа:

Жыл басы - наурыз мереке

Ақ нұрға әлем боянды

Наурыз тойы береке

Тіршілік жаңа оянды

Айша-Бегім:

Наурыз – бұл мереке

Құтты болсын береке

Қыдыр ата келсін

Жақсы тілек әкелсін

Жансұлтан:

 Наурыз тойын әдемі.

Әжем еске түсірді.

Біздерге арнап әдемі

Наурыз көже пісірді.

Жанару:

 Көже пісті әр үйде,

Дастарханда – береке.

Халқымыздың мерейі.

Өсе берсін мереке.

Айша:

 Бата беріп атамыз.

Бата беріп апамыз.

Тәтті етіп жасалған.

Наурыз дәмін татамыз.

Жүргізуші: Балалардың орындауында би: « биі» (ұлдар мен қыздар)

Жүргізуші: Наурыз жырын жырлаймыз,

Осыменен тұрмаймыз.

Сақталып жеткен бұл күнге,

Салт- дәстүрін сыйлаймыз дей келе (қырқыннан шығару көрсетіледі) ауылымызда той тойға жалғасып кішкентай Ертөстік баламыздың қырқыннан шығару тойы да тұспа тұс келіп қалған екен ендігі кезекті ақ жаулықты әжелерімізге кезек берейік.

Жүргізуші: Айта берсек таусылмас,

Мерекеде ән жырымыз,

Кел,оданда халайық,

Қызықты ойын ойнайық.

Ойын: «Ханталапай»

Шарты: Жерде шашылған асықтарды жинайды.

Жүргізуші: Биші қыздарымыздың орындауында «Қоржын» биімен қошеметтеп қарсы алыңыздар.

Жүргізуші: Ұлы күні ұлыстың,

Құтты болсын халайық.

Күй төгілсін, күй төгілсін.

Шырқап әнге салайық.

Ата-аналармен ойын: «»

Балалардың орындауында ән: «Наурыз айы»

Әже: Менің балаларым өнерлі екен шетінен өнерлерің өрге жүзсін  осы наурыз мерекеде мен үнемі наурыз көже пісіремін.

Құрметті қонақтар менің жеті түрлі дәм салған наурыз көжемнен ауыз тиіңіздер! Ақ мол болсын!

Жүргізуші: Кең болсын қазағымның керегесі,
Кетпесін Алла берген берекесі,
Алаштың баласына нәсіп болған,
Құтты болсын НАУРЫЗ мерекесі дей келе мереке мерекеге жалғаса берсін, еліміз аман, жұртымыз тыныш болсын! Көңіл қойып тыңдағандарыңызға көптен –көп рахмет, сау саламатта болыңыздар!

Жүргізуші: Наурыз құтты болсын,

Дендерііңіз сау мықты болсын.

Әр шаңараққа шаттық толсын.

Көріскенше күн жарқын болсын.

Ұлыс оң болсын,ақ мол болсын!