"Жылуға толы жанұя" әлеуметтік жоба

Б ілім беру ұйымының атауы мен мекен-жайы: Қызылорда облысы Қармақшы ауданы Жосалы кенті № 121 орта мектебі, Қорқыт ата №62

Жоба авторының аты-жөні, лауазымы: Еленова Ақмарал Киікбайқызы, әлеуметтік педагог

Жобаның тақырыбы: «Жылуға толы жанұя»

Жобаның құрастырылған жылы: 2019-2020 оқу жылы

Түсінік хат: балалар мен отбасының әлеуметтік ортада бейімделуі, әлеуметтік ортада өз орнын дұрыс таба білуі, олардың құқықтық қорғалуы, үлкендер тарапынан зорлық – зомбылыққа ұшырамауы үшін әлеуметтік қолдау ұйымдастыру.

Бағыты: әлеуметтік

Жаңалығы, өзектілігі: баланың дамуына байланысты мұқтаждықтарды болдырмау, ата-анасының қамқорлық жасау қабілетін арттыру, баланың қауіпсіздігін қамтамасыз ете отырып, әлеуметтік ортаға икемдеу, әл-ауқатын жақсарту.

Мақсаты: әрбір әлеуметтік қолдауға мұқтаж жанның әлеуметтік жағдайын, өзіндік ерекшелігін, микро ортасын, өмір сүру дағдысын, өмірге талпынысын анықтай отырып, баланың білім мен тәртібін қадағалап, жеке бас мүддесін, құқығын қорғауға алу.

Міндеті:

• баланың тұлғалық дамуына жол ашу;

• баланың құқықтары мен қызығушылықтарын қорғауға алу;

• отбасына әлеуметтік көмек түрлерін көрсету;

• салауатты өмір салтын ұйымдастыруына жағдай жасау;

• әлеуметтік топтарда әлеуметтік үдерісіне бағыт сілтеу;

• ата-аналарға әлеуметтік – педагогикалық кеңес беру.

Ерекшелігі: өмірдің қиын жағдайына тап болған балалармен ата-аналарға әлеуметтік көмек көрсету.

Күтілетін нәтиже:

• әлеуметтік әрекеттер жоспарлы түрде ұйымдастырылады;

• отбасы мүшелерінің құқықтық сауаттылығы артады;

• балалардың қызығушылықтары есепке алына отырып қажеттіліктері орындалады;

• отбасының әлеуметтік- педагогикалық сауаттылығы толықтырылады.

Әдіс - тәсілдері: лекция сабақ, кездесу сағаты, тренинг, құқықтық-әлеуметтік-психологиялық кеңес сағаттары, мәдени сағаттар.

Нормативтік бөлім: «Жылуға толы жанұя» жобасына арналған бағдарлама өмірлік қиын жағдайға тап болған балалар мен отбасыларға арналған әлеуметтік қызмет түрлеріне лайықталып жасалған. Жоба 8 бөлімнен тұрады:

1.Әлеуметтік - тұрмыстық

2.Әлеуметтік - медициналық

3.Әлеуметтік- психологиялық

4.Әлеуметтік - педагогикалық

5.Әлеуметтік- еңбек

6.Әлеуметтік – мәдени

7.Әлеуметтік – құқықтық

8.Әлеуметтік - экономикалық

1. « Әлеуметтік – тұрмыстық» бөлімінде қайырымдылық көмек түрлері аясында азық-түлік, киім-кешекпен және жалпыға міндетті оқу қоры есебінен көмек түрлеріне ұсынуды көздейді.

2. «Әлеуметтік – медициналық» бөлімінде медициналық-санитарлық көмек түрлері қажеттіліктері орындалады.

3. «Әлеуметтік- психологиялық» бөлімінде психологиялық кеңес, психологиялық түзету, психологиялық тренингтер жүргізу.

4. «Әлеуметтік – педагогикалық» бөлімінде өзін – өзі ұстау дағдыларын үйрету,оқу құралдары мен оқу жабдықтарына қол жеткізу.

5. «Әлеуметтік- еңбек» бөлімінде қоғамдық пайдалы жұмыстармен айналысуына арналған жұмыстар жүргізу.

6. «Әлеуметтік – мәдени» бөлімінде бос уақытын тиімді ұйымдастыруда үйірмелерге қатыстыру.

7. «Әлеуметтік – құқықтық» бөлімінде арнайы әлеуметтік қызмет алуына және мүдделерін қорғау, заң аясында көмек беріп, қажетті құжаттарын әзірлеуге көмек көрсету.

8. «Әлеуметтік – экономикалық» бөлімінде жеңілдіктер мен жәрдемақыларға қол жеткізу мәселелерінің шешімін табуға көмек беру.

Пайдаланатын әдебиеттер:

1) «Өмірлік қиын жағдайға тап болған балаларға/отбасыларға арналған әлеуметтік қызметтер жолбасшысы» , 2018 жыл

2) «Жергілікті деңгейдегі әлеуметтік жұмыстағы кейс-менеджмент», 2012 жыл

3) «Мектептегі әлеуметтік педагогтыңқызметін ұйымдастыру және іс-қағаздарды жүргізу» әдістемелік нұсқаулық /А.К.Бөкешова, М.М. Раимбаева, Ж.Игілік /

«Жылуға толы жанұя» авторлық жоба

Мазмұны:

Әлеуметтік педагогтың «Жылуға толы жанұя» жобасын құрып жұмыс жасауына өмірдің қиын жағдайына тап болған балалар мен отбасылар себеп болуда.