жылулық сәулелену - өмір айнасы

Пәні Физика Сынып 11 «А» күні _

Сабақ №37

Сабақтың тақырыбы: Энергия - жылулық сәуле – өмірдің айнасы (Жылулық сәулелену. Стефан-Больцман және Винн заңы)

Сабақтың мақсаты:

1. Білімділік мақсаты: Оқушы білімін, іскерлігін, дағды деңгейін бақылау, бағалау. Жылулық сәуле, Винн және Стефан Больцман заңдарымен таныстырып солар жайлы түсінік қалыптастыру.

2. Дамытушылық мақсаты: Оқушылардың білім деңгейін және білім мазмұнының тұрақтылығы мен оны игерудегі іскерлік пен дағдыны бақылау.

3. Тәрбиелік мақсаты: Адамгершілікке, ұқыптылыққа, алғырлыққа, отансүйгіштікке, табиғатты аялауға, сыйластық пен әдептілікке баулу.

Сабақтың түрі: жаңа білімді қалыптастыру, жалпылау

Сабақтың әдіс-тәсілдері: Әңгіме, лекция, дискуссия, кітаппен жұмыс, топпен жұмыс

Сабақтың көрнекіліктері: плакаттар, cлайд

Сабақтың барысы:

І.ДК Ұйымдастыру кезеңі:Сәлемдесу; Оқушыларды түгендеу;Оқушыларды топқа бөлу. (2-мин)

Оқушылар парақты таңдап, астында жасырылған түске қарап, түстің топтың атына сәйкес төменгі, орта және жоғарғы жиілікті қайсысына жататынына қарап үш топқа бөлінеді. Ортадан топ басшысы сайланып, топ басшысына бағалау парағы беріледі.

ІІ. ДК. Білу.Миға шабуыл . Топқа берілген сұрақтарды топ арасында берілген сұрақтарды өзара сұрақ қойып жауап беру. (5-мин)

1. Кәдімгі жылыту пештері қандай сәуле шығарады?

2. Таудың етегіндегі бақылаушының сағатымен салыстырғанда оның басындағы бақылаушы сағатының жүрісі баяулай ма, әлде щапшаңдай ма?

3. Фотон деген қандай бөлшек?

1. Призмадан өткен сәуленің жеті түске жіктелуі қандай құбылыс?

2. Инвариантты, инвариантты емес шамаларға мысалдар келтір?

3. Эйнштейннің массаның энергияға байланысты формуласы қандай?

1. Жарық жылдамдығына жуық жылдамдықпен қозғалған дененің қандай шамалары өзгереді?

2. Сәулені қандай тербеліске жатқызамыз?

3. Линза жарықты не істейді?

ІІІ.ДК Түсіну.Жаңа сабақ (топпен жұмыс) (15-минут)

1-Төменгі жиілік тобы. Жылулық сәуле интенсивтілігі, дененің сәулелену ж/е жұту қабілеті

2-Орта жиілік тобы. Абсолют қара дене, жарық кванты

3-Жоғарғы жиілік. Стефан-Больцман және Вин заңдары

ІV. ДК.Қолдану. (5-мин)

Топпен талқылау сұрағы:

Жылудидар д.а. құрал көмегімен денелердің инфрақызыл сәулелерін көруге болады. Бұл құралдың жұмыс істеу принципі қандай деп ойлайсыңдар ?

V. ДК.Талдау. Есептер шығару 26.2 -26.4 (7-мин)

Топтарға бірдей үш есеп беріледі. Топқа есеп шығаруға 3-мин уақыт беріледі. Уақыт аяқталған соң есептерін бір-бірімен тексерту үшін бір-бірінің есептерін тексеруге әр топтан екі оқушы шығып аралап шығады. Алған балдарын топ басшысына айтқызып қойдырады.

VІ. ДК. Жинақтау. (5-мин)

Крассвордты досыңмен шеш.

Әр топ басшысы ең төмен балл жинаған екі оқушыны тақтаға шығартады. Осы кезде красссворд сұрағы жасырылған карточкаға қалған оқушы бір карточкадан алып, тілек жазып болады. Шыққан оқушы карточканы таңдап тілекті оқиды. Тілекті кім жазғанын біле отырып, сұрақты оқиды да, жауабын жазады. Егер сұрақты дұрыс таппаса, тілек білдіруші көмек береді.

1. -273⁰ С қандай температура?

2. 6,626·10^-34 Дж·с ненің тұрақтысы?

3. сәулелену қуатын ... энергетикалық жарқырауы деп аталады. Көп нүктенің орнына қандай сөз тұрады?

4. өлшем бірлікте Х-тің орнына қандай өлшем бірлік тұрады?

5. Фиолетовый түсінің қазақша баламасы?

6. жарықтың энергия үлесін не дейді?

VІІ. ДК. Қортындылау. Үй тапсырмасын беру (3-мин)

«Энергия – өмірдің айнасы» деген тірек сөздің мағынасын айтуға топ басшысына бірер сөз беріледі

Есептер шығару. 26.1 - 26.5 - 26.6 - 26.7

VIІI.ДК. Бағалау. Топ басшыларының бағалау парақтарына қарап бағасын қою (2-мин)

ДОЖЖО_______Т. М. Сапарбекова