Жуық есептер

Алгебра,7 №86-87 __________________

Сабақтың тақырыбы: Жуық шамалардың пайда болуы. Абсолюттік қателік.

Сабақтың мақсаты: Жуық шамалардың шығу себептерімен, сандардың жуық шамасының абсолют қателігі ұғымымен таныстыру, санның жуық шамасының абсолют қателігін табуды үйрету.

Түйінді идеялар: дәл мән, жуық шама, абсолюттік қателік

Күтілетін нәтиже: жуық сандардың шығу тарихын біледі, жуық шаманың абсолют қателігін табуды үйренеді.

Сабақтың типі: жаңа білімді меңгерту

Сабақты ұйымдастыру әдісі: жекелей, топтық, сыныптық.

Сабақты меңгертудің әдіс-тәсілдері: ой қозғау, проблема қою, іздендіру

Сабақтың көрнекілігі: үлестірмелер

Техникалық жабдықталуы: тест кітапшалары

Сабақ кезеңдері:

І. Ұйымдастыру..

Қосымша тапсырма: 632,127; 36,0151; 100,2749; 11,6797 сандарын

а) жүздік үлеске, ә) ондық үлеске, б) бірлікке, в) ондыққа дейін дөңгелектеу.

1-топ. Жүздік үлеске дейін дөңгелектеген жауап бойынша: 632,13; 36,02; 100,27; 11,68

2-топ. Ондық үлеске дейін дөңгелектеген жауап бойынша: 632,1; 36; 100,3; 11,7.

3-топ. Бірлікке дейін дөңгелектеген жауап бойынша: 632; 36; 100; 12.

4-топ. Ондыққа дейін дөңгелектеген жауап бойынша: 630; 40; 100; 10.

4. Сабақтың тақырыбымен таныстыру

5. «Ой қозғау» - тақырыптың мағынасын ашу: «Жуық шама», «қателік», «абсолюттік қателік» деген сөздерді қалай түсінесіңдер?

6. Оқушылармен тақырыптың мақсатын анықтау, проблема қою.

ІІ. Жаңа білімді меңгерту.

Проблемалы іздену – практикалық жұмыс.

1. Топтарға 1- тапсырма

1) 1-топ. Партаның ұзындығын өлшеп, нәтижесін жазу;

2-топ. Сынып бөлмесінің ұзындығын өлшеу, нәтижесін жазу;

3-топ. Әр қорапта 12 қарындаш бар, осындай 100 қорапта неше қарындаш бар?

4-топ. Кез келген бұрыш салып, бұрыштың шамасын транспортирмен өлшеп, нәтижесін жазу.

2) Орындаған өлшеу жұмыстарының нәтижесін айтады және 1, 2, 4 – топтардың орындаған өлшеу жұмыстарының мәні жуық шама, 3-топтың есептеген 100 қораптағы 1200 қарындаштың нақты мән екенін айтады.

2. Топтарға 2- тапсырма.

1) 1және 3-топтарға:

у=х² функциясының х=0,8 және х=1,5 болғандағы мәндерін есептеу

2 және 4-топтарға:

у=х² функциясының х=0,8 және х=1,5 болғандағы мәндерін график арқылы табу.

2. Әр топтан бір-бір оқушы тапсырма нәтижесін тақтаға жазады.

3. Осы нәтижелер бойынша топтарға тапсырма: Анықтау керек:

1. қай орындауда жуық шама?

2. қайсысында дәл мән?

3. жуық шаманың қателігі қанша?

4. Жуық шаманың қателегін қалай есептейміз?

5. Қателікті – α, дәл мәнді – А, жуық шаманы - а деп белгілеп, қателікті есептеу формуласын жазыңдар, анықтамасын қорытыңдар.

Топта есептейді, формуласын жазады, талдайды

Бір топтан бір оқушы тақтада қорғайды, қалған топтар өздерінікімен салыстырады, қатесі болса түзетеді.

Сонымен α=│А- а│екені қорытылады. Анықтамасы айтылады.

ІІІ. Топтарға 3-тапсырма

1. Оқулықтан өздері танысады, топта талқылайды.

1-топ. Санның мәнді цифрлары

2-топ. Дұрыс цифрлар

3-топ. Санның жуық мәні

4-топ. Артығымен, кемімен алынған жуық мәні

1. Әр топтан бір оқушыдан шығып, тақырыпшаларды түсіндіреді.

2. Осы тақырыпшаларға әр топ мысал келтіреді, топта бір-бірін үйретеді

3. Бекіту. №307, 309 (топта орындайды, нәтижесін тақтада жазады)

Үй жұмысы. §16 №307-309 №314,317

1. Бағалау – бағалау парағындағы ұпай саны бойынша қорытынды баға шығару.

2. Қорытындылау.

Рефлексия – стикерлермен ͐Үміт ағашына͐ тілектерін жазу