К дыбысы мен әрпі

Сабақтың мақсаты: 1. К дыбысымен таныстыру. К дыбысына тіл ұстарта отырып сөз құрату, буын ішінде бекіту, дыбыстық талдау жасату.

2. Дидактикалық құралдар арқылы балалардың есте сақтау, ойлау қабілеттерін дамыту. Балаларды К дыбысы бар сөздерді буынға бөлуге, сөйлем ойлауға үйрету.

3. Байланыстырып сөйлеуге, түзу отыруға тәрбиелеу.

Әдіс - тәсілдері: әңгімелеу, ойын арқылы, көрнекілік, сұрақ - жауап.

Көрнекілігі: к дыбысының баспа түрі, текшелер, ойыншықтар, интерактивті тақта,

суреттер, қарындаш, сауат ашу дәптері,

Сабақтың барысы:

І. Ұйымдастыру кезеңі. Психологиялық дайындық.

- Балалар, бәріміз қонақтармен амандасайық.

- Саламатсыздар ма.

- Ал, енді балалар бір – бірімізге жылуымызды жіберейік.

- Қуан шаттан алақай,

Қуанатын күн келді.

Қайырлы күн!

Қайырлы таң!

Күліп шықты күн бүгін.

Бір - бірімізге күннің жылуын үрейік.

- Қане, отырамыз. Бүгінгі *Сауат ашу сабағымызды бастайық.

II. Жаңа сабақ.

Интерактивті тақтамен жұмыс.

- Балалар, қазір қандай мезгіл?

- Қыс.

- Қыс екенін қайдан білдіңдер?

- Қар жауады, күн аяз, боран болады,

- Ал осы жылымыз қалай аталады?

- Қоян.

- Дұрыс. Балалар, естимісіздер? Есік қағып тұрғандай дыбыс естілді.

- Балалар, бізге жедел хат келіпті. Қане ашып оқып берейін.

- Бұл хат қояннан келіпті ғой.«Құрметті мектепалды даярлық тобының балалары, айлакер қу түлкі ойнап жүрген менің балаларымды ұстап алып, тығып қойыпты. Балаларымды мына сұраққа жауап берсең ғана жіберемін деп айтыпты. Бір жауапқа бір баласын жіберетінін хабарлапты.

Менің сегіз балам бар.»- деп жазыпты.

- Көмектесеміз бе балалар?

- Ал, қоянға берілген сұрақтарын оқып көрейік:

- Алфавитте неше әріп бар?

- 42.

- Мына әріптерді атандар: А, Т, П, Н, Ғ, Р, Л, М, У, Ш, Й, О, Қ, Д, Б, С, Ы, Ж, Ы, Ұ, Ң, Е.

- Дыбыстар нешеге бөлінеді, қандай, ата?

- Неше әріпті атадыңдар, санаңдар.

- Қоянның баласын қалай атайды?

- Жұмбақты шешіңдер;

- Ендеше, біз түлкінің сұрағына жауап бердік. Түлкі қоянның көжектерін жіберіпті.

- Балалар, онда біздер осы К дыбысымен танысайық. К дыбысы дауыссыз, көк түспен белгілейміз.(әріп таңбасын көрсету)

- Балалар, К дыбысына байланысты қандай сөздер білесіңдер? Атаңдар.

- Кілт, күн, көз, көзілдірік, көлеңке, көгершін, күз, көкек, көк, көрпе, көбелек, кірпі. Буынға бөлейік.(интерактивті тақтадан суреттерді көрсету)

ІV. Сергіту жаттығуы:

- Орнымыздан тұрайық,

Алақанды ұрайық.

Бір отырып, бір тұрып,

Біз тынығып алайық.(отыру)

- Жарайсыңдар балалар, енді К дыбысын ауада жазайық.(ауада жазу)

Дәптермен жұмыс.

Сауат ашу дәптерлерімізді ашып, к дыбысының бас әрпімен кіші әрпін жазамыз.(44 - бет)

Қолдарына сергіту сәті:

1, 2, 3

Жинап алып күш.

Қаламсапты аламыз,

Әдемі етіп жазамыз.

Интерактивті тақтамен жұмыс.

- Балалар, мына буындарды оқиық.

- ке, ке, ке, кесе.

- ек, ек, бек, тек, лек.

- кел, кем, кем, кемел

- керек, келбет.

VI. Ойын.

Ал, енді ойын ойнайық. Ойынның аты: Кім жылдам, тез тап.

Мақсаты: тақтада тұрған қағаздарда әріптер жасырылған. Сол қағаздағы әріпке сөз құраңдар. Айтылған әріпке сөз құраймыз. Қай бала тез әрі дұрыс айтқанға жұлдызша беремін. А, Т, П, Н, Ғ, Р, Л, М, У, Ш, Й, О, Қ, Д, Б, С, Ы, Ж, Ы, Ұ, Ң, Е.

- Өте жақсы. Балалар, ал, кім жұмбақтар, біледі?

VІІ. Сөзжұмбақты шешу.

- Мына суреттер арқылы сөз жұмбағымызды шешейік, сол кезде бүгінгі біздің өткен дыбысымызды табамыз. Көк, кесе, күрек, кірпік.(әліппе дәптері №- 1. 44 - бет)

VІІІ. Өлең жаттау.

- Ұзын құлақ сұр қоян,

Естіп қалып, сыбдырды.

Ойлы қырлы жерлермен,

Ытқып - ытқып секірді.

Қарап еді артына,

Қиығын салып көзінің.

Келе жатқан артында,

Көжегі екен өзінің.

IX. Сурет арқылы сөйлем құрастыру.

X. Қорытындылау.

- Балалар, бүгін біздер қандай әріппен таныстық? Бізге кімнен жеделхат келді? Кімге көмектестік? Балалар, тағы да есік қақты ғой, осы қояннан емес пе екен? Қане, қарайын. Мынаны қара, сендерге рахметін айтып, бір себет сыйлық беріп жіберіпті ғой.

Қазір бәріңізге таратып берермін. Ал, енді балалар қане - кей, Жұлдызшаларымызды санайықшы кімнің жұлдызшалары көп екен. Сол бала ең жақсы баға алады. Барлығыңызда жақсы қатынастыңдар. Орнымыздан тұрып қонақтарымызға не дейміз?

- Сау болыңыздар.

К дыбысы мен әрпі

Жарияланды 11-05-2014, 03:29 Категориясы: Бастауыш сынып

Тақырыбы: К дыбысы мен әрпі.

Мақсаты: Оқушыларға Кк дыбысы әрпін меңгерту.

Техникалық құралдарды қолдану, оның тиімділігін іс жүзінде көрсету.

Тез, шапшаң оқу дағдыларын арттыру.

Ойын арқылы тапсырманы тиянақты орындауға дағдыландыру, жазу жұмыстары арқылы талғампаздыққа тәрбиелеу.

Түрі: жаңа сабақ.

Әдісі: Түсіндіру, талдау.

Көрнекілігі: Кеспе әріп, слайдтар, үлестірмелі карточкалар.

Сабақ барысы:

1. Ұйымдастыру бөлімі.

Үй тапсырмасын тексеру.

Психологиялық дайындық:

Тыныштықты сақтау.

Бір - бірімізді тыңдау.

Ойымызды толық айту.

Балалар, өткен сабақты қайталап, еске түсірейік.

Дыбыс деген не? (Естиміз, айтамыз)

Дыбыс нешеге бөлінеді? (Дыбыс екіге бөлінеді)

Қандай? (дауысты, дауыссыз)

Дауысты дыбыстар қалай айтылады (созылып)

Дауыссыз дыбыстар қалай айтылады (қысқа)

Әріп деген не? (жазамыз, көреміз)

Өткен сабақта қандай дыбыспен таныстық?

Е – дыбысы.

Е дыбысы қандай дыбыс (дауысты)

Қандай дауысты (жіңішке)

Қалай айтылады (созылып)

Сөздің қай жерінде кездеседі? (барлық буынында)

Оқулықпен жұмыс

Бағандағы сөзді тізбектей оқыту.

Сөйлемді оқыту.

«Кім шапшаң» ойыны.

«Е» дыбысы басында, ортасында, аяғында кездесетін сөзді айтқызып, тақтада орындау.

Буынға, бөлу, дыбыстық талдау жасау.

Жаңа сабақ.

Жұмбақ

Дала тегіс сарғайды,

Шаруа қысқа қамданды.

Күн қысқара бастайды,

Бұл қай кезде болады? (күз)

- Қазір қай мезгіл?

- Күздің нешінші айы?

«Күз» сөзінде бірінші қай дыбыс естіледі? (К)

«К» - қатаң дауыссыз.

Слайд.

Кеме, кит.

Кеме – өте ерте заманнан пайдаланылып келеді.

Жүк кемелері бір жерден, екінші жерге жүк тасиды.

Ал жолаушылар кемесі адам тасиды. Олардың ішінде, спорт зал, бассейн, кітапхана бәрі болады.

Кит – балықтың үлкені. Басқа балықтардай желбезекпен емес, өкпемен дем алады.

Көбелек – күнде өздерің көріп жүрсіңдер.

Көбелек сөзін буынға бөлу, дыбыстық талдау жасау.

Қ – К дыбысының ұқсастығын, айырмашылығын атау.

Ойын «Сыр сандық»

Бағандағы сөздерді оқу.

«Кеме» мәтінін оқып түсіндіру.

Сергіту сәті.

Дәптермен жұмыс.

Ауада жазу.

Дәптерге жазу.

Слайд.

Кемел ойыншық жасады.(сөйлем, үш сөз, бас әріп, нүкте)

Бағандағы сөздерді оқыту.

«Кеме» мәтінін оқыту.

Сабақты бекіту:

Ребус шешу

Үйрек

Бесік

Ойын: «Жоғалған буындар»

Ке же ке ке

Бе се ме

Бүгін қандай дыбыспен таныстық (К)

Дауысты ма, дауыссыз ба? (дауыссыз)

Сөздің қай буынында кездеседі (барлық буынында)

К – ден келетін сөздерді айтқызу.

Мадақтау.