Кәсіпкерлікке жаңа серпін

Кәсіпкерлікке жаңа серпін

Мемлекет басшысы бизнестің өркендеуіне қажетті жағдайларды жасап келеді. Негізгі стратегиялық құжаттарда, реформаларда және Жолдауларда кәсіпкерлікті дамытуға баса назар аударылуда.

Елбасы «Бизнестің жол картасы - 2020» бағдарламасының қолданылу мерзімінің 2025 жылға дейін ұзартылуының нәтижесінде республика көлемінде қосымша жұмыс орындары ашылатындығын айтты. Бұл бағдарлама кәсіпкерлікке дем беріп, шағын және орта бизнестің жаңа тынысын ашып қана қоймай, халықты жұмыспен қамтуда да маңызы ерекше.

Қарызды қайтару мемлекет үшін дұрыс болар, бірақ кәсіпкерлерге мүмкіндік беру керек. Мәселен, салық төлемей, өсімі өсіп кеткен кәсіпкер қарызын төлегенде, бірінші өсімі мен айыппұлы алынады. Ал негізгі салық сол күйі қалады. Қарызын титықтап әрең төлеп, ендігі жылы негізгі салықты төлеймін дегенше, өсімі қайтадан өсіп кетеді. Осылайша бизнес өте береді. Президент салық амнистиясын жасау арқылы осындай кәсіп иелеріне қолдау көрсетіп, көлеңкелі айналымды тоқтатуды ұсынып отыр.

Мен кәсіпкермін. Көп жылдан бері бизнеспен айналысып келемін. Салық амнистиясының шағын және орта бизнеске көптеген істі жаңадан бастауға және кәсіпкерлердің қаржылық жағдайын жақсартуға тигізер көмегі зор. Көптеген мәселелер шешіледі. Егер шағын және орта кәсіпкерлікті қолдамаса бизнес дамымайды. Бұл саланы жандандырмай мемлекет экономикасы өрлемейді.

Н.Ә.Назарбаевтың биылғы Жолдауы еліміздің алға қойған мақсат-міндеттері мен ел егемендігін еңселі етуге бағытталған басты шарты деп білемін.

Абдулмуталапқызы Жадыра,

Қазақ тілі мен әдебиеті пәні мұғалімі

Қызылорда қаласы