«Каз Строй Тимбилд» ЖШС «Nazar school» мекемесінде психолог ретіндегі тәжірибем.

«Каз Строй Тимбилд» ЖШС «Nazar school» мекемесінде психолог ретіндегі тәжірибем.

Әл-Фараби атындағы Қазақ ұлттық университеті — Қазақстандағы заңгер мамандарды дайындауда жетекші оқу орындарының бірі. Университеттің беделі мен жоғары академиялық талаптары заң факультетінің студенттеріне белгілі бір психологиялық жүктеме түсіреді. Осыған байланысты студенттердің стресске төзімділік деңгейі олардың академиялық жетістіктеріне, жеке қасиеттеріне және ҚазҰУ-дың оқу процесіне бейімделу қабілеттеріне тікелей байланысты.

«Nazar school» мекемесінде психолог ретінде практикадан өту барысында мен балалармен, мұғалімдермен және ата-аналармен жұмыс істеу бойынша құнды тәжірибе жинақтадым. Менің негізгі міндеттерім психологиялық диагностика жүргізу, кеңес беру және дамыту шараларын ұйымдастыру болды.Мен оқушылармен жеке және топтық кеңестер өткізіп, олардың мазасыздық, стресс және жеке қиындықтармен күресуіне көмектестім. Сондай-ақ, мұғалімдермен тығыз жұмыс істеп, сыныпта қолайлы және жайлы атмосфера қалыптастыруға қатысты ұсынымдар бердім. Менің жұмысымның маңызды бөлігінің бірі – балалардың эмоционалдық интеллекін, қарым-қатынас дағдыларын және стресске төзімділігін дамытуға бағытталған тренингтер мен семинарлар ұйымдастыру болды. Мен олардың мінез-құлқын талдап, эмоционалдық жағдайының өзгерісін бақылап, жеке ұсынымдар әзірледім.

Бұл практика менің теориялық білімімді тереңдетіп қана қоймай, психология саласында табысты жұмыс істеуге қажетті кәсіби дағдыларды дамытуға да мүмкіндік берді.

Сонымен, КазҰУ маған тек теориялық білім ғана емес, осындай маңызды дағдыларды дамытуға мүмкіндік берді. Университеттегі тәжірибелі оқытушылардан алған білімім маған адамдармен жұмыс істеу, олардың эмоциялық жағдайын түсіну және кәсіби маман ретінде қалыптасу жолында үлкен көмек көрсетуде. Практика – бұл теорияны шынайы өмірде қолданудың ең жақсы тәсілі. Сондықтан мен үшін бұл тәжірибе тек оқу процесінің бір бөлігі ғана емес, болашақ мамандығымның іргетасы.

Тленчиева Н.С

педагогика ғылымдарының кандидаты.

Ерасылұлы Ә.

Психология мамандығының 4-курс студенті

әл-Фараби атындағы ҚазҰУ.

 Адилова Э.Т

Доцент м.а