Тақырыбы: «Кел, көңілді болайық»

Мақсаты: шеттетілген оқушыларды ортаға қосу, оқушылардың қарым-қатынасын жақсарту, өмірге құштарлығын дамыту.

Сынып: 6

Қажетті құралдар: карандаштар, парақтар.

Барысы:

І. Суреттен нені байқадыңыз? Психологиялық тест.

Мақсаты: оқушылардың мінездері мен ерекшеліктерін анықтай отырып, өздерін таныстыру.

ІІ. «Суреттерді аяқтайық» жаттығуы

Мақсаты: оқушылардың логикалық ойлауын, көру арқылы есте сақтауын, ойша жұмыс істеу дағдысын дамыта отырып, ұйымшылдығы мен бір-бірімен ақылдаса алуын қалыптастыру.

Алдын-ала тақтаға мысықтың және қоянның құлақтары салынған плакат ілініп дайындалады.Оқушылардың көздері шарфпен байланады да, олар кезекпен шығып, бірі денесін, бірі басын, бірі аяғын салады, осылайша жалғаса береді.

ІІІ. «Ұқсастық шегі» жаттығуы

Мақсаты: оқушылардың бір-бірінен айырмашылығы жоқ, барлығының құқығы бір екенін түсіндіру.

Қатысушылар жұптасып отырады. Жұбына қарап, ұқсастықты тауып жазады. Ұқсастығын оқып, ой бөліседі.

ІV. «Көкеністер арқылы ұрсысамыз» жаттығуы

Мақсаты: оқушыларда жақсы көңіл-күй қалыптастыру.

Бұл ойында балалар ұрысқан кезде бір-біріне жаман сөздердің орнына көкеністердің атаулары арқылы ұрысады.

V. Қорытынды.

Өз ойларымен бөлісу.