"Кептер мен қарға" ертегісі

Күні:09.12.2016

Пәні: Әдебиет әлемі

Тақырыбы: «Кептер мен қарға» ертегісі

Мақсаты: Құстар және олардың достастығы туралы түсінік беру

Міндеттері:

1.«Кептер мен қарға»ертегісімен таныстыру. Ертегінің мазмұнын, түпкі ойын түсіндіру.

2.Тақырып арқылы оқушылардың ой-өрісін,тілдік қорларын молайту.

3.Татулыққа, дос болуға, өтірік айтпауға тәрбиелеу

Әдісі: сұрақ-жауап,түсіндіру

Типі: жаңа сабақ

Көрнекілігі: суреттер

Сабақтың барысы:

Ұйымдастыру кезеңі

-Оқушылармен амандасу, сабаққа зейінін аудару.

Психологиялық дайындық:

-Балалар бүгінгі күнді жақсы көніл  күймен қарсы алайық, бүгінгі күн барлығымыз үшін сәтті болсын!

Күннің көзі ашылсын

Көкке шуақ шашылсын

Құтты қонақ келіпті

Төрімізге еніпті             

Жаңа сабақ

Бір кептер үлкен қайыңның салалы бұтағындағы қалың көк жапырақтардың арасында бейқам отыр екен, ентіге жалпылдап, жоғарғы жағындағы бұтаққа монтық қара қарға келіп қоныпты. Содан кейін мойнын бір жоғары, бір төмен созғылап, өңешін қырнай қарқылдай бастайды. Қарғаның барқылдақ даусынан кептердің құлағы бітіп, басы зеңіп, мазасы кетеді. Сонда да өзі білер деп, үндемей шыдап бағады. Бірақ қара қарға қарқылдауын тоқтатпайды. Денесі түршігіп, берекесі қашқан кептер:

          — Оу, қарға, таң атқалы балапандарыма жем тасып, әбден шаршап, мына қайыңның саясына аздап демалайын деп отыр едім. Мүмкін болса, біраз қоя тұршы, мазаны алмай, – деп өтінеді.

          Өзінің әніне түсінбегеніне қарғаның қабағы түсіп кетеді. Тұмсығы сорайып, кілмие қарайды:

          — Ей, осылай шаршап отырғанда, көңіліңді көтерейін деп, әдейі сайрап отырған жоқпын ба?! – дейді.

          Кептер өз өтінішін ұқпаған қарғаға таңдана қарайды да әрі ұшып кетеді.

Дәптермен жұмыс

қ

Қорыту

-Оқушылар бұл ертегіден не түйдік?

-Осы ертегіні қорыта келе қандай мақалды айтуға болады?

Бағалау: Сабаққа белсене қатысқан оқушыларды бағалау.

Үйге тапсырма: «Қарлығаштың құйрығы неге айыр?» ертегісін оқып, мазмұнын айту