Кестелеу – қазақтың қолөнерінің негізгі өнері

Сабақтың тақырыбы: «Отан отбасынан басталады»

Сабақтың мақсаты:

Білімділік: Қазақ отбасының тәрбиесі туралы оқушыларға толық мағлұмат беру. Ананың,әкенің,атаның,әженің,туыстардың өмірдегі орындарын айту.

Тәрбиелік: Отбасын құрметтеуге, ата - анаға көмек көрсетуге баулу.

Сабақтың әдіс-тәсілдері: сұрақ - жауап, салыстыру, топтастыру, өзіндік ізденіс, талдау.

Көрнекі құралдар: Оқулық, слайд, кестелер, суреттер, тірек сызбалар, Тақтаға ұлағатты сөздер жазған парақшалар ілінеді: «Ел болам десең, бесігіңді түзе», «Балаңды өз тәрбиеңмен тәрбиелеме, өз ұлтыңның тәрбиесімен тәрбиеле», «Ұяда не көрсе, ұшқанда соны алады», «Ұл тәрбиелей отырып, жер иесін тәрбиелейміз, қыз тәрбиелей отырып, ұлтты тәрбиелейміз»

Үйге берілген тапсырманы тексеру. Тәрбие отбасы туралы мақал-мәтелдер айту. Бүгінгі сабақтың тақырыбын ашу. (оқушылар мақалдарды негізге ала отырып сабақтың тақырыбын айтады)

Мұғалім: балалар, сабағымызды бастамас бұрын біз өткенді еске түсіре кетейік. Отбасы мүшелеріне кімдер жатады? Олай болса біз «Идея себеті» ойынын ойнап, қайталай түсейік. « Отбасы мүшелері » деген сөзі бар плакат тақтаға ілінеді. Бұл ойын барысында жұмыс жұппен жүргізіледі. Бұл ауқымы кең, маңызы зор тақырыпты біз 5 сыныпта да өткен болатынбыз. Биылғы жылы да осы тақырып жалғасын тауып отыр. Бүгінгі таңда біздің осы тақырып бойынша сабағымызды өткізіп жатырмыз. Қазір әр жұп отбасы мүшелері жайында атауларды жазып, түсінік береді. Ең алдымен қағазға жазылып, кейіннен плакатқа бекітіледі. (3 - 5 минут)

Отбасы мүшелері

Анықтама берілетін сөздер: әке - шеше, немере, шөбере, жеңге, ағайын, нағашы, жиен.

Әке - шеше, ата - ана - дүниеге ұрпақ әкелген ерлі - зайыпты адамдар.

Немере - ұлдың баласы.

Шөбере – немеренің баласы.

Жеңге – ағаның әйелі.

Ағайын – бірге туған туыстар.

Нағашы – баланың анасының төркіні.

Жиен – қыздың немесе әпке, қарындастан туған бала.

«Қатені тап» ойыны. Жұптық жұмыс

Қате мәліметпен мәтін ұсынылады. Ол мәтіннен жіберілген қателерді табу керек. Талаптары: ең қарапайым қате және сабақтың тақырыбын ашқаннан кейін қорытындылап табатын қате.

Қазақ отбасында әкенің орны ерекше емес. Шеше – отбасының тірегі. Отбасы мүшелері әкені тыңдамайды.

Әже – отбасының басшысы, асыраушысы, қамқоршысы. Әкені ана да, балалар да құрметтейді, сыйлайды. Бала әкені ренжіту үшін тәртіпті, еңбекқор, білімді, ұқыпты болуға тырысады. Ана әкені сыйлау арқылы балаларға үлгі көрсетеді. Ананың осы үлгісімен әже әкесін де, үлкендерді де сыйлап, тәрбиелі болып өседі.

Ана – отбасының беріктігін сақтаушы. Ана – отбасы мүшелерінің сыйластығын орнатады, ағайын мен туған - туыстардың қарым - қатынасын сақтамайды. Ана – отбасындағы татулық ұйытқысы. Ананың орны да ерекше. Әке де, балалар да ананы сыйлайды.

Отбасының ең үлкен байлығы – бала. «Шешеге қарап ұл өсер, әкеге қарап қыз өсер» дейді қазақ халқы. Әке мен шешенің жаман үлгісі балаға тәрбие болып табылады. Қазақ отбасындағы тәрбиенің ең бірінші ережесі - әкесін сыйлау, анасын құрметтеу. Бұл – балаға берілетін ең бірінші баға. Ата - анасын сыйлап өткен бала өзгелерді де құрметтеуге үйренеді. Сондықтан әр-бір отбасы балаларын әдептілікке, мейрімділікке, адалдыққа, сыпайылыққа баулыған.

. Ұрпақ тәрбиесі отбасынан басталады. Мектепте жалғасады.

. Бала ертегі-әңгімелерді тыңдайды. Есіне сақтап қалады.

.Ағайын мен туған - туыстардың қарым - қатынасын сақтайтын ол біз

а) ана ә) бала б) немере

Қорытындылау.«Айрандай ұйыған» бойынша өз отбасыңыз туралы шағын шығарма жазу.