Киберспортшы Данил эссе

ҰБТ стрессі: жетістікке жету жолында қаншалықты маңызды?

-Оқушылар үшін неге ҰБТ соншалықты психологиялық ауыртпалық түсіреді?

Бәріміз білетіндей 11сынып оқушылары қазір қаңтар айының ұлттық біріңғай тестін тапсыруда. Жалпы, қаңтар ҰБТ дегеніміз оқушылардың алғашқы деңгейін анықтау, осыған дейін оқыған білімін тексеру деп білемін. Бірақ осыған қарамастан оқушылардың уайымы сейілген жоқ. Оқушылардың бірі алғашқы алғашқы тесттен жоғары балл алып, қуанып жатса, ал бірі дайындығын күшейту керек екенін түсінді. Сол себепті түлектер алда әлі бағындырар үш тест барын ескеріп, дайындықты күшейтуде.

Қазақстан бойынша статистика 11сыныптар арасындағы оқушылардың 75%-да болашағы және жоғарғы оқу орнына түсу мүмкіндігін ойлаудан уайым мен стресс бар екенін көрсетті. Тіпті кей жылдары ҰБТ-дан шекті балл алмау суицидке әкеліп соққан кездер болған. “Стресс, ашушаңдық, ұйқы проблемалары, бас ауруы және тәбеттің жоғалуы”- осының бәрі оқушыларда тестке дайындық барысында туындайды. Бұл туралы Bilim foundation мәлімдеген болатын. Ал оның туындауына себеп мектеп тарапынан, ата-ана тарапынан қысым, грант ала- алмаудын қорқынышы болып табылады. Көбінесе оқушылар бұл периодты өлім мен өмір арасындағы мәселе деп қарап жатады. Бірақ психологтер ҰБТ өмірдің соңы емес екендігін атап өтуде.

Жетістікке жету жолындағы алғашқы фактор - төзім, шыдамдылық және аз-аздан үздіксіз оқу. Тек сонда ғана біз көздеген мақсатқа жете аламыз. Ал мен биылғы мектеп түлектеріне көп уайымға салынбай бар күштерін салып оқуға кеңес беремін. Сондай-ақ әрбір түлекке армандаған оқу орнына грантқа түсуге тілектеспін.

Жамбыл облысы, Меркі ауданы, Ақтоған ауылы,

№4 Тілеміс батыр ЖОББМ

11”А” сынып Ашимбек Зейнеп