КИІМ ПІШУШІНІҢ ТАПСЫРЫС БЕРУШІМЕН ЖҰМЫСЫНЫҢ РЕТТІЛІГІ Жеке тапсырыстар бойынша бұйымдар әзірлеу – бұл нақты бір фигураға бұйымдар әзірлеу. Нақты бір фигураға бұйымдар әзірлеу кезінде тапсырыс берушінің денебітімінің ерекшеліктерін – фигураның жекелеген өлшемдері арасындағы қатынастарды, оның пропорцияларын және шарттыпропорциялы денебітімі фигурасынан ауытқушылықтарын мұқият зерделеу талап етіледі. Тапсырыс берушімен кездесу кезінде киім пішуші оны мұқият зерделейді, модельдік және құрылымдық сызықтарға қатысты ұсыныстарын тыңдайды, модельдің жекелеген элементтерін немесе толық модельді таңдауға көмектеседі. Сұлбаны, модельдік және құрылымдық сызықтарды таңдай отырып, киім пішуші тапсырыс берушінің жасына, оның қызметі түріне, бойына, шашының, көздерінің түсіне, денебітімінің ерекшеліктеріне, бұйымның не мақсатта болатынына (күнделікті, сәнді, спортқа және демалуға арналған), пайдалану маусымына және матаға (оның беткі қабатына және құрылымына) мән береді және пішімі төменде көрсетілген тапсырыс паспортын толтырады. Жұмысты сұлба мен пропорцияларды таңдаудан бастайды. Тік және жартылай денеге тиіп тұратын тік белдемшесі бар, бел сызығы табиғи және шамалы төмен деңгейлі классикалық сұлбалы барлық фигуралар үшін ұсынылуы мүмкін. Төмен және жоғары бел сызығы бар авангардтық сәнді силуэттер бұйымдары (редингот, «принцесс» пішімі, сарафандық, спорттық және т.б.) жиі жағдайда сымбатты және жас адамдарға ұсынылуы мүмкін. Сұлба мен нысанды таңдағаннан кейін көлденең және тік құрылымдық сызықтардың жағдайын нақтылауға кіріседі. Бұл ретте тік сызықтар көзбен қарағанда сымбаттылық пікірін тудыра отырып, бойды және фигураның жекелеген бөліктерін ұзартып көрсететінін есте сақтау керек. Көлденең сызықтар еркіндік пікірін тудыра отырып, фигураны кеңейтеді, оларды жиі жағдайда спорттық типтегі киімдерде, демалуға арналған киімдерде және көлемі шағын фигураларға арнап фигураны көзбен қарағанда түзететіндей етіп, көлемі жеткіліксіз орындарда орналастыра отырып, қандай да бір бөліктерде пайдаланады. Толық фигуралар үшін көлденең құрылымдық сызықтарға жоламау немесе олардың санын шектеу ұсынылады. Егер денебітімінде кемшіліктер бар болса және егер фигураның шартты-пропорциялардан ауытқуы бар болса, киім пішуші осы кемшіліктерді көзбен қарағанда азайтып көрсететін элементтер мен құрылымдық сызықтарды ұсынуы тиіс. Сауатты киім пішушілер бір өлшеп көрумен жұмыс істейді, сондықтан тапсырысты қабылдау және ресімдеу бұйымның пішімі мен моделін айқындау жұмыстың қажетті талабы болып табылады. Киім пішушінің бір рет өлшеп көрумен жұмыс істеуі кезінде фигураның құрылысын айқындауға, оның ерекшеліктерін анықтауға, фигураның шартты- пропорциядан ауытқу дәрежесін белгілеуге мүмкіндік беретін өлшемдерді нақты алудың үлкен маңызы бар. Өлшемдерді алғаннан кейін, киім пішуші өлшеулердің нәтижелеріне және денебітімінің барлық ерекшеліктеріне (еңкіштік, бүгілгіштік, иық белдеуін қою ерекшелігі, елеулі май шөгінділерінің бар болуы немесе жоқ болуы) талдау жүргізеді, бұл дәл құрылымды алуға көмектеседі және жеке тапсырыстар бойынша киімді жемісті әзірлеудің қажетті талабы болып табылады. Киім пішушінің бір рет өлшеп көрумен жұмыс істеуі кезінде пішімнің дәлдігіне және тігістерге арналған кеңдіктің ұтымдылығына айрықша көңіл бөлінуі тиіс. Кеңдіктердің артық болуы бұйымның сыртқы түрін нашарлатады, қайта өлшеп көру қажеттілігін тудырады.