Ашық ұйымдастырылған іс- әрекет

«Математикалық негіздер»

Тақырыбы: «Киіз үй -ұлт мақтанышы»

Міндеті: Балаларды киіз үймен таныстыруды жалғастыру,оны құрастыруға дағдыландыру. Танымдық қабілеттерін дамыта отырып , ұлттық құндылықтарымызды құрметтеуге тәрбиелеу.

-Балалар бүгін бізге көп қонақтар келді, амандасып алайық

-Сәлеметсіздер ме!

-Жарайсыңдар , балалар.

-Ұйымдастырылған іс -әрекетті бастамас бұрын, шаттық шеңбер өткізіп алайық

Кел балалар тұрайық,

Үлкен шеңбер құрайық

Шаңырақты көтеріп.

Керегені құрайық,

Уықтарша иіліп,

Шаңыраққа қосылып.

Қазақ үйді құрайық

-Қазір жылдың қай мезгілі?

-Күз мезгілінде неше ай бар?

-Күз мезгілінде табиғатта қандай өзгерістер болады?

-Күзде құстар қайда ұшып кетеді?

-Күз мезгілінен кейін қандай жыл мезгілі келеді.

Апта күндерін атап өтейік

Жыл мезгілдерін атайық

-Ата бабамыздан келе жатқан көшіп қонуға өте ыңғайлы қолайлы баспана, яғни тез жинап, шапшаң тігуге қолайлы болған. Киіз үй аз уақыт аралығында тігуге де, жинауға да ыңғайлы. Көшіп-қонуға қолайлы болған, жазда жайлауға, күзде күздеуге, қыста қыстауға көшкен.Киіз үй аталуынын мәні бар яғни киіз ыстықта ыстық, аязды кундері суық өткізбеген.

 Киіз үй неше бөліктен тұрады? (Төрт)
 Қандай? (Кереге, уық, шаңырақ, сықырлауық)

Шаңырақ – киіз  үйдің жоғарғы  бөлігі.  Ол  уықтардың  ұштарын  біріктіріп  ұстап  тұрады.

Кереге – киіз  үйдің  қабырғасы.

Уық -  кереге  мен  шаңырақты  жалғастырып  тұрады.

Киіз  үйдің  есігін – сықырлауық  деп  атайды.

Бұларды  киіз  үйдің  сүйегі  деп  атайды.

Бұлкиіз  үйдің  сүйегі  енді  оның  сыртын  әдемі  оюмен  безендірілген  киізбен  жабамыз.  ОЛ үшін тапсырмаларды орындауымыз керек.

1 тапсырма

«Кім жылдам»

Ол ойынды екі бала ойнайды, кубикті лақтырып, қай сан түссе соған сәйкес киіз үйді санап алып жабыстырамыз.

2 тапсырма

Балалар біз қазір санды құрастырмалы текемет ойынын ойнаймыз.Текемет киіз үй ішінде тұратын тосеніш.

3 тапсырма ою бояу

Киіз үйді жабу әдістері

Қазақ киіз үй жабатын киіз бұйымдарын түндік, үзік, туырлық, іргелік деп бөледі.

Түндік – киіз үйдің шаңырағын жабатын киіз. Төртбұрышты пішіліп, шаңырақ диаметрінен 50-60 сантиметр молдау жасалады.

Үзік – киіз үй сүйегінің шаңырақ қырынан бастап уық бойын тұтас жабады.

Туырлық – кереге бойын жабады.

Іргелік – керегенің аяқ жағын жабады.

-Жарайсыңдар,  балалар!Сонымен біз бүгін ата- бабамыздан  мұра  болып  келе  жатқан  киіз  үй  жайлы  білдік.Сендер  бүгін  сабаққа  өте  жақсы  қатыстыңдар.