Кім жүйрік? Дүниежүзі тарихы пәнінен ителектуалды турнир

4-тоқсан

3-ші сабақ.

5.3.

Пәннің атауы:

Қазақстан тарихы

Сабақтың тақырыбы:

Ғұндардың Батысқа қоныс аударуы

Сабақтың мақсаты:

Сабақтың барысында, сендер,тарихи фактілерге және карталық мәліметтерге сүйене отырып, ғұндардың қоныс аудару бағыттарын анықтайсыңдар

Сабақтың барысы:

Қысқаша конспект.

Ғұн мемлекеті б.з.б. 1 ғасырдың ортасында (б.з.б. 55жылы) оңтүстік және солтүстік ғұндар болып екіге бөлінді. Хуханье бастаған оңтүстіктегі ғұндар Ордоста Хань әулетінің қол астына қарады. Солтүстіктегі ғұндар Чжи Чжи шаньюйдің басқаруымен Саян мен Байкал маңына жылжыды.

Б.з.б. 49 жылы ғұндарды қайта біріктіруді көздеген Чжи Чжи үйсіндерге әскери көмек сұрап елші жібереді. Үйсіндер елшіні өлтіріп, ғұндарға қарсы әскер аттандырады. Чжи Чжи әскері үйсіндердің 8000 атты әскерін талқандайды.

Солтүстік ғұндар Оңтүстік Қазақстандағы қаңлылар жеріне келіп, олармен бейбіт келісімге келеді. Нәтижесінде Чжи-Чжи бастаған ғұндар Талас өзенінің шығысында көшіп-қонуға мүмкіндік алды. Бұл батыс бағытында ғұндардың алғашқы көшу толқыны болды.

Чжи Чжи оңтүстік ғұндарды бағындыру үшін қаңлылармен одақтасуды көздейді. Ал қаңлылар ғұндармен одақтасып, үйсіндер мен Қытайдан қорғануды мақсат етеді.

Қаңлы басшысы Чжи Чжиді қолбасшы етіп, қызын ұзатып, Талас өңірінен жер береді. Алайда ғұн әскері үйсіндерді толық талқандай алмайды. Чжи Чжи солтүстік ғұндарды бастап, Талас өзенінің жоғарғы жағына кетеді. Қытай мемлекеті солтүстік ғұндарға қарсы ірі әскер жіберіп, ғұндардың қаласын басып алып, оны толықтай күйретеді.

Сабақ барысында орындалатын тапсырмалар:

Кестені толтыру

Тапсырманы орындау.

Балалар! Төменде берілген тапсырмаларды орындаңдар.

1-тапсырма.

2-тапсырма

Сабақты қорытындылау:

1. Ғұндардың батысқа қоныс аударуы қандай өзгерістер әкелді?

2. Неліктен ғұндар мен қаңлылар одақтасқа айналды?

3. Қаңлы басшысы мен Чжи Чжи арасында қандай достық қарым-қатынас орнады?

Үйге тапсырма:

5.3. тақырыпты оқу.Ғұндардың екіге бөлінуі және Чжи Чжи туралы дәптерге эссе жазу