Кино — жай көрініс емес, ой тудыратын құрал

Автор: Бекберген Гүлнағира Қайратқызы

Кино — тек ойын-сауық құралы емес. Жақсы фильм — терең ой тудыратын, адамның жан-дүниесіне әсер ететін өнер туындысы. Мен үшін кино — кітаптан кем түспейтін тәрбие құралы. Себебі бір көрініс, бір кейіпкердің тағдыры кейде тұтас өмірге көзқарасты өзгертуі мүмкін.

Қазіргі жастардың көпшілігі киноны тек уақыт өткізу немесе көңіл көтеру үшін көреді. Бірақ фильм — адамның санасына әсер ететін қуатты құрал. Дұрыс таңдалған фильм арқылы шабыт алып, өмірлік мотивация табуға болады. Мысалы, кейіпкердің қиындықтан қаймықпай, мақсат жолында күресуі — көрерменге күш береді.

Кино арқылы біз түрлі тақырыптарды түсінеміз: махаббат, достық, әділетсіздік, арман, үміт. Әсіресе шетелдік режиссерлер адамның ішкі жан дүниесін ашуға шебер. Мысалы, «The Pursuit of Happyness» фильмі — табандылықтың символы. Ал «Dead Poets Society» — шабыт пен шығармашылық еркіндіктің үлгісі.

Қазақ киносы да соңғы жылдары үлкен өзгеріске ұшырады. «Жаужүрек мың бала», «Оралман», «Тұлпар», «Қазақ хандығы», «Мұқағали», «Шәкәрім» сияқты фильмдер тарихи сана мен ұлттық рухты оятуға көмектеседі. Сонымен қатар, қазіргі заман тақырыбын көтеретін «Қыз бен теңіз», «Оян», «Түнгі студия» секілді жобалар жастарға жақын.

Кино — тек көру үшін емес, ойлану үшін қажет. Егер біз көрген фильмнен бір ой, бір сабақ ала білсек — бұл ішкі дамудың белгісі. Кино – бір сәттік эмоция емес, ұзақ уақыт бойы санада қалатын тәжірибе. Сол себепті де жастарды сапалы, мағыналы фильмдер көруге баулу керек.

Мен болашақта кино мен медианың мүмкіндіктерін пайдалана отырып, жастарға әсер ететін, оларға бағыт-бағдар беретін жобалар жасағым келеді. Себебі кино — адамды өзгертетін күш.