Кіріктірілген ойын әрекеті

Білім беру саласы: «Таным»
Мақсаты: Балалар негізгі төрт түстерді топтастыруды үйренеді: қызыл, сары, көк, жасыл. Балалардың ойынға деген қызығушылықтары артады.
Сөздік жұмыс: Қызыл, жасыл, көк, сары
Дидактикалық құралдар: Шарлар, қағаз түстері. Тақтаға түрлі - түсті дөңгелектер ілінеді, және де дөңгелек шарлар қойылады.

Қызығушылығын ояту

Арайланып таң атты,

Алтын сәуле таратты,

Жайнай түсті даламыз,

Жайнай түсті бақшамыз.

Балалар, орнымызға отырайық...

Балалар, бүгін біздер ғажайып түстермен танысатын боламыз. Барлығымыз қараймыз.

Бұл қызыл түс, қайталаймыз...қызыл.

Көк, қайталаймыз көк...

Сары, қайталаймыз сары...

Жасыл, қайталаймыз жасыл...

Тосын қонақ: Сайқымазақ кіреді. Қолында шарлары бар.

Сайқымазақ: Сәлеметсіздер ме, балалар.Қалдеріңіз қалай? Мен ақылды балалар іздеп жүрмін....

Мен сіздерге сыйлықтар алып келдім, оны сіздерге беремін, бірақ та балалар менің дайындаған тапсырмаларымды, Айнагүл Қайратқызымен бірге орындайсыздар ма?

Балалар: Ия орындаймыз...

Сайқымазақ: Ендеше, сіздердің тапсырмаларды қалай орындайтындарыңызды көрейін.

Тәрбиеші: Ендеше сіздермен және сайқымазақпен бірге тапсырмаларды орындайық.

1 –тапсырма. Орындарыңда отырып, мен көрсеткен түс бойынша, алдарында тұрған төрт түстің дұрысын тауып, көрсетесіздер.

2 –тапсырма. Алдымыздағы түрлі- түсті ыдысқа, ортадағы макароннан өздеріңізге қажетті түсін ғана теріп, саламыз.

Музыкалық үзіліс: Теледидар арқылы «Көңіл-күй» әуеніне қимылмен орындайды. (Сайқымазақпен бірге орындау)

3-тапсырма: «Түстерді ажырат»

1 үстелге: қақпақтарды сәйкес түсіне қарай, дұрыс тауып бұраймыз.

2 үстелге: Алдымыздағы кір жуғыш машинаға, түстеріне қарай киімдерді саламыз.

4-тапсырма: «Шарлардың жіптерін әсемде» Корзинадағы шариктарды, шарлардың жіптерінің түстеріне сәйкестендіріп, жапсыру.

Тәрбиеші: Жарайсыңдар, балалар сайқымазаққа ұнады ма, екен біздің орындаған тапсырмаларымыз.

Сайқымазақ: Балалар, тапсырмаларды өте керемет орындадыңдар. Сіздерде ақылды балалар көп екен, ендеше мен әкелген сыйлықтарымды берейін.

Шарлардың түсін сұрап, тәттілермен бірге беру.