“Кітаппен жарқын әлемге”

Бөлімі: Сөйлеуді дамыту.

Тақырыбы: “Кітаппен жарқын әлемге”

Мақсаты:Кітапхана туралы түсініктерін молайта отырып ой-өрісін кеңейту,сөздік қорын молайту. Негізгі ойды жеткізе білуге үйрету.Кітаптарға деген қызығушылықтарын арттыру.

-Сәлеметсіздерме балалар бүгін сондай әдемі,көңілдісіңдер,осындай көңіл-күймен шаттық шеңберін бастайық.

Шаттық шеңбері.

Қуанамын, күлемін,

Жылы менің жүрегім

Достарыма үнемі

Риза болып жүремін.

Амансыңба, Алтын күн!

Амансыңба, жарқын күн!

Сәлеметсіздерме қонақтар!

Біз бүгін саябақтамыз.Бүгінгі ұйымдастырылған іс-әрекетімізді таза ауада өткізетін боламыз.

-Балалар айналамызға көз салайықшы,қандай әдемі керемет мезгіл .Қазір Жылдың қай мезгілі?

-Балалар. Күз мезгілі.

Күз мезгілі несімен ерекшеленеді?

Күн суыта бастайды.

Ағаштардың жапырақтары сарғая бастайды.

Жапырақтар қурап жерге түсе бастайды.

-Бәрекелді балалар,тамаша.

Ал енді сендерге жұмбақ жасырайын жауабын тауып көресіңдерме?

Жұмбақ.

Сандығым бар өзгеше ,

Қолыма алып жүремін

Ішін ашып ақтарып,

Өмір сырын білемін. (Кітап)

(Осы кезде “Еркін кітап сөресіне” кітап қойып тұрған кітапханашыны кездестіреміз)

-Сәлеметсіз бе ,кешіріңіз сіз не істеп жатырсыз?

-Ой,амансыңдарма балаларым, саябаққа қыдырып келдіңдер ме?

-Ия,бүгін ашық ұымдастырылған іс-әрекетімізді саябақта,таза ауада өтеміз.

-Қандай тамаша, мен еркін кітап сөресіне өзімнің немерелеріме оқып берген жыр-дастан,ертегі,санамақ кітаптарымды басқада ата-аналар өздерінің балаларына оқып берсін деген ниетпен кітап алмасу бұрышына кітаптарымды орналастырып жатырмын.

-Түсінікті, бұл кітап алмасу бұрышы екен ғой.

-Мен сіздерге немеремнің ең сүйікті кітабы ұлы ойшыл Абай атамыздың балаларға арналған тақпақтарын оқуға кеңес беремін.

-Сендер кітаппен бір күнге дос болмаңдар,мәңгілікке достасыңдар .

-Рахмет сізге, сау болыңыз! (Кітапханашымен қоштасады)

“Жалғасын тап”-ойыны.

-Балалар ,біз кітапты ұқыпты ұстау ережесін білеміз бе?

1. Тамақ ішіп отырғанда кітап ұстауға болмайды.

2.Кітаптың беттерін жыртпау керек.

3.Кітап бетіне сурет салуға,сызуға болмайды.

-Жарайсыңдар балалар, осы қарапайым ережелерді есте сақтаңдар.

Сергіту сәті.

Кітап білім кемеміз,

Досымыздай көреміз

Танысқалы кітаппен

Кеңейді өріс,сөреміз.

Қорытынды. Сау болыңыздар!Балалар бүгінгі ұймдастырылған іс-әрекетіміз сіздерге ұнады ма? Осымен біздің саябақтағы кездесуіміз аяқталды.Кездескенше күн жақсы!Қонақтарымызбен қоштасайық!