ҚР Ұлттық академиялық кітапханасының ұйымдастыруымен 15 қыркүйек күні,сағат 12.00-22.00 аралығында "Kitaptime-2023" II жалпы республикалық кітап фестивалі өтті.

"Kitaptime" кітап фестивалі – жыл сайын еліміздің кітап сүйер қауымның басын қосатын мәдени іс шаралардың бірі.Фестивальдің мақсаты:жастардың кітап оқуға деген қызығушылығын ояту,білімге деген құлшынысын арттыру және мәдени құндылықтарымызды насихаттау.

Фестиваль аясында бизнес коучинг,классикалық музыка кеші,«Quiz» интеллектуалдар алаңы,поэзия кеші,Астананың түнгі аспанын телескоппен тамашалау,түнгі караоке және көрме жәрмеңке мынды мәдени-рухани шаралар ұйымдастырылды.Жәрмеңкеге «Эльдорадо», «Steppe&World», «Абай»,«Пайдалы кітап», «Fox books», «Kitapal» кітаптар үйі, «Отбасы хрестоматиясы», «Мазмұндама», «Qasym», «Qyr balasy, «QAZBILIM» баспалары, «Сенімен Болашақ», «Marfu Press» баспа үйлерінің кітаптары қойылды.Сонымен қатар, «Art-vision» қолөнер шеберлері мен суретшілердің павильоны, «фото зона», балалар шығармашылығына арналған алаңда ертегілер қойылымы, , ұлттық ойындар, балалар әдебиетінің кейіпкерлерінің шеруі жиналғандарға жағымды көңіл күй сыйлады.

Дәл осы күні 5000-ға жуық адам кітапханаға аяқ басып, кітап мерекесінің куәсі болды.