"Көктем"

Көктем

Жоспар:

1. Көктемнің келуі

2. Табиғаттағы өзгерістер

3. Көктемнің адамға әсері

Көктем жылдың ең тамаша мезгілдерінің бірі. Көктемде күн жылып, құстар қайта ұшып келеді. Жан-жануарлар оянып, айнала түрті-түсті түске еніп, табиғат жарқын бояуларға боялады. Ағаштар бүршік жарып, жасыл жапырақтарын жаяды. Адамдар сергіп, қалың киімдерін тастап, тіршіліктерін жалғастырады. Көктем адамдарға әсіресе жаңбырлы күндерімен ұнайды. Жаңбыр топыраққа тигендегі жердің аңқыған иісі, көктің иісі...

Көктемнің 3 айы да өте ерекше. Наурызда күннің алғашқы жылы шуақтары пайда болса, сәуірде қар толықтай еріп, күн ұзарса, мамырда адамдар жаздың жылуын сезіне бастайды. Көктемде қыстың ызғарлы суықтарынан әбден шаршаған адам баласының жүзі нұрланып, көңіл-күйі жақсарады. Көктемде жер көгереді. Қырда бәйшешектер өседі. Көктемде жаңбыр нөсерлеп жауып, кемпірқосақ көп болады. Күн ұзарғандықтан кішкентай балалар армансыз далада ойнайды.

Көктемнің келуі табиғаттың оянуымен теңестіріледі. Көктемнің алғашқы аптасының өзінде ағаштарда жапырақтар пайда болып, гүлдер бүршік ата бастайды. Меніңше, көктем – ең сұлу мезгіл. Көктемгі табиғатта серуендеу адам ағзасына өте пайдалы. Жүзіңе ескен самал қарныңды тойдырып тұратындай. Көктем табиғатқа ғана емес, адамдарға да ерекше көңіл-күй сыйлайды. Сондықтан мен көктем мезгілін өте жақсы көремін.