"Көктем". Эссе.

Көктем-жыл мезгілдерінің ішіндегі ең ерекше, ең ғажап жыл мезгілі.Табиғат әрқашан адамзат баласын таңғалдырған және тағы да таңғалдыра бермек.Көктем-күн шуақ, көңілдің көкжиегі.Әр адамның жүрегіне жылу ұялатар мезгіл.Негізінен бұл мезгіл жанға шуақ сыйлайды, сондықтан да менің ең сүйікті жыл мезгілім.

Халық айтпақшы, «Қыстағы алаудан, көктемдегі шуақ артық» дейді.Күн жылынғанда көктемнің алғашқы жаршысы «Нәурізек» емес пе? Шырылдап, құлаққа жағымды дауысымен көктемді шақырады. Біздің оңтүстік өңірде көктемнің иісі 8-наурызда халықаралық әйелдер күніне жақындағанда сезіле бастайды.Ал солтүстік өңірде бұл мезгіл кешірек келеді.Негізінен бұл мезгілді нақ байқағыңыз келсе таулы аймақта жақсы сезіледі.Таудың саф ауасы, құстардың шырылы, алғашқы бәйшешек, әр жерден бір шыққан, күн күркірегенде көрінетін қозықұйрық, бәрі-бәрі көктемнің ажарын ашып тұрғандай.Әсіресе тау суының сарқырап сарқырамадай төгілгені, одан әрі мұздардың еріп, содан соң өз арнасымен ағып, кейде тасып жатары бар.Мұның бәрі көктемнің өзіне тән белгілері.Көңілге бір жайлылық сыйлайтындай көрінеді, шіркін!

Табиғатың мың құбылады.Ол құбылмаса табиғат па? Көгілдір көктемнің күнінде жаңбырдың жауатыны тағы бар.Шырайлы күнде өзінің суық ызғарымен қара бұлтты үйіре әкеліп, көшіріп кетпесі бар ма?Кейде қатты ызғарымен бір бұршақтың жауатыны да бар.Тарсылдатып шатырды біршама ұрғылап, артынан күн күлімдеп шығады.Одан әрмен кемпірқосақ шығып, күннің шуағы жер бетін жылытады.Одан соң жас балалардың асыр салып ойнағаны әрі-бері көктемнің көгілдір күнін елестетеді.Жаңбырдан соң табиғат иісі ерекше шығып,серуендеуге ең қолайлы кез келеді.Жаңбырдан соң тау етегіндегі шашыраңқы шыққан гүлдер көңілді ерекше жадыратады.Дала біраз лай демесеңіз, серуендеуге таптырмас шақ емес пе? Міне, көктем осындай жыл мезгілі.