Көктемгі еңбек

Іс-әрекет бөлімдері

Тәрбиешінің іс-әрекеті

Балалардың іс-әрекеті

Сезімді ояту

Шаттық шеңбері

Табиғатым тамаша

Көз тоймайды қараса

Табиғатты аялап,

Жүрейікші жараса.

Сәлем саған жер ана!

Сәлем саған нұрлы күн!

Аман-есен болайық

Еңбектен бас тартпайық.

Бір-біріне тілек

жолдайды.

Ұйымдастыру

Адамдар еңбекпен өсіп, жақсылыққа жетеді. Адал еңбектің нәтижесі адамды қуанышқа бөлейді. Еңбек ету арқылы белестерді бағындырып, өз мақсатымызға жетеміз. Адал еңбектің жемісі тәтті. Еңбек ету арқылы өзімізге жақсы мінез қалыптастырамыз. Еңбектің көптеген түрлері бар, соның бірі көктемгі еңбек.

Бағыттаушы сұрақтар қою:

• Суретте не бейнеленген?

• Балалар немен айналысып жүр?

• Олар қандай еңбек құралдарымен жұмыс жасап жүр?

Дұрыс айтасыңдар. Балалар еңбек етіп жүр.

Әрбір адамзатта, өздері таңдаған мамандықтары болады.

Мысалы: жылқышы, шопан, дәрігер, мұғалім, егінші, диқан және т.б.

Мамандық иелері туралы қысқаша мағлұмат беру.

«Нан қайдан келеді?» ертегісін мәнерлеп оқып беру.

• Сонымен, нан қайдан келеді екен?

Көктемде тракторшы жер жыртады, тұқым себуші тұқым себеді. Егіншілер оны күтіп баптайды. Көп еңбек сіңіреді. Міне, қалың астық – сол көп еңбектің жемісі. Нан еңбек арқылы табылады екен.

• Сендер ата-аналарыңды еңбек етіп қуантқан кездерің болды ма?

• Өз еңбегіңнің жемісі тәтті, - деген сөзді сендер қалай түсінесіңдер?

Сергіту сәті

Ауадан қуат алайық, алақанға салайық.

Жерден нәр алайық, алақанға салайық.

Күннен шуақ алайық, алақанға салайық.

Еңбектің тәтті жемісін, бір-бірімізге сыйлайық.

Әліппе-дәптермен жұмыс:

Сұрақтарға дұрыс жауап беруге тырысады.

Ертегіден түсінгендері бойынша сұрақтарға жауап береді.

Әрбір сәтті қимылмен көрсетеді

Сурет бойынша әңгіме құрайды.

Қорытынды

«Еңбек етсең ерінбей, тояды қарның тіленбей»,

«Еңбектің наны тәтті, жалқаудың жаны тәтті» - дей келе, жалқаулыққа бой алдырмайық, деген ниетпен бүгінгі ашық оқу іс-әрекетімізді аяқтаймыз.