«Көктемнің ару қыздары» атты байқау

ШҚО Үржар ауданы

«Қарабұйрат орта мектеп – бақша» КММ

Мектепалды даярлық тобы

Тәрбиеші: Камзаева Г.С.

Қазақстан Республикасының Тәуелсіздігіне

Ертеңгілік

«Тәуелсіздік – ел тірегі»

Мақсаты:

• Балаларға тәуелсіздік туралы ұғындыру, туған жерін, елін құрметтеуге, туған елінің болашағына үлес қосып, елі, жері үшін қызмет етуге тәрбиелеу. Патриоттық сезімдерін ояту.

• Ұлттық тілді жақсы меңгеруге, ұлтжандылық сезімді қалыптастыру, танымдылық қабілеттерін арттыра отырып, өнерге баулу.

Балалардың өздерінің туған жеріне деген сүйіспеншілігін ояту, өз ұлтының тарихын, әдет – ғұрпын, салт – дәстүрін білу.

Залдың іші мерекеге лайық безендірілген.

1 жүргізуші: Кең байтақ, көз жетпейтін жерім менің

Таулы орман, жасыл жайлау көлім менің

Бүгінде бар әлемге даңқың жетті

Тәуелсіз Қазақстан – елім менің!

2 жүргізуші: Тәуелсіз – ең басты құндылығымыз. Тәуелсіз күні еліміздің барлық азаматтары үшін орны ерекше мереке деп білеміз, себебі осынау жүрекжарды қуанышқа толы күнді ата – бабаларымыз ғасырлар бойы армандап күтумен өтті.

1 жүргізуші: – Құрметті ұстаздар, ата – аналар, оқушылар! Еліміз егемендік алып, тәуелсіз мемлекет болдық. Біз тәуелсіз мемлекетте жарқын өмір сүріп жатқан бақытты балалармыз! Өмірлерің мәнді де сәнді болсын, аспанымызды бұлт талмасын деп тілек тілеп бүгінгі сайысымызды бастаймыз

2 жүргізуші: Бүгінгі сайысты бақылап, бағалайтын әділқазы алқасымен таныс болайық:

Мектеп директоры – Рымбаева А.С.

Оқу ісінің меңгерушісі – Алшынбаева А.К.

Тәрбие ісінің меңгерушісі – Буланова М.О.

Технология пәнінің мұғалімі – Игенбаев К.К.

2 жүргізуші: - Балалар, сендер тәуелсіз қазақ елінің жас ұландарысыңдар. Сондықтан өз жерімізді өз елімізді әкелер мен аталарымыз сияқты қадірлеуге, сүюге, қорғауға тиіс екендеріңді естен шығармайық.

Қазақстан Тәуелсіздігінің 25 жылдығына арналған бейнефильм көрсету

1 жүргізуші: Осындай еркіндікті ел тілесін,

Бақыт құсы бағымызға еркін келсін.

Ал енді Тәуелсіздік құтты болып,

Көк байрақ мәңгі – бақи желбіресін!

2 жүргізуші: Қасиетті Қазақстан мекенім,

Ақиқаттың алтын бесігі екенсің.

Елім, жерім, Отаным – бақ - дәулетім,

Болашағым, өнер - білім, өркенім.

1 жүргізуші: Сәлем бердік, кешіміздің көрермені

Қазақтың, ол анық қой, өнер – кені

Тәуелсіздік кешімізге қош келдіңіз,

Алдарыңда болашақ өрендірі

Бүгінгі сайысқа қатысатын топтарды ортаға шақырайық!

2 жүргізуші: Сайысымыздың бағдарламасымен танысайық:

1. Таныстыру

2. Қазақстанның Тәуелсіздік мерекесіне арнап көркем сөз оқу

3. Патриоттық ән

4. Көрініс

1 жүргізуші: Әр топ өздерін таныстырып өтсін

2 жүргізуші: Бейбіт өмір тілеймін мен халқыма

Туған тілім шұбарланба жарқыра

Арамызда таланттылар көбейсін

Бас иемін ата баба рухына.

1 жүргізуші: Қазақстанның Тәуелсіздік күніне арналған мерекелік өлең шумақты қабыл алыңыздар!

2 жүргізуші: Қуан бүгін, қуан халқым, шынында,

Ақтарылсын ағыл - тегіл жырым да.

Бір құдайдан бірлік қана тілеймін,

Бүгінгі мынау тәуелсіздік таңында.

1 жүргізуші: Келесі кезекте біздің оқушыларымыз Осы сайыста әр топ патриоттық ән орындайды. Кезекпен ортаға шақырамыз.

2 жүргізуші: Естісін ел үніңді,

Дүние түгел естісін.

Тәуелсіздік туыңды

Биік көтер, жас ұлан!

1 жүргізуші: Бүгін тәуелсіздікке қол жеткен егеменді елміз. Бұл бізге оңайлықпен келген жоқ. Тамыры тереңде жатқан тарихи оқиғалардың нәтижесінде қол жеткізіп отырмыз. Ата – бабаларымыздың ұрпағын, елім, жерім, отаным деп кеткен арманына қол жеткізіп отырмыз.

2 жүргізуші: Сондықтан біздің қазіргі жас ұрпақтарымыздың алдына қойған мақсаттары: елін сүю, елінің салт – дәстүрін, әдет – ғұрпын сақтау өзінің кіндік қаны тамған жерін қадірлеу, құрметтеу.

1 жүргізуші: Келесі кезекте әр топтың дайындап келген көріністерін тамашалайық!

2 жүргізуші: Көк байрағым желбіресін көгімде,

Әнұраным әуелесін елімде,

Елтаңбамыз нышаны боп елдіктің,

Тұрса артық не арман бар өмірде.

1 жүргізуші: Бүгінгі сайысымыз осымен аяқталады. Келесі кезек әділқазы алқаларына беріледі: қай топ жүйрік, кім басып озды әділқазы өз шешімдерін айтсын.

2 жүргізуші: Бүгін, міне, Егеменді тәуелсіз еліміздің ұлы мерекесін тойлап жатырмыз. Жүзіміз жарқын болып, аспанымыз ашық болсын деп тілейміз. Егеменді елдің болашағы – сендерсіңдер, балалар!

1 жүргізуші: Барлықтарыңызға зор денсаулық, көңілдеріңізге шаттық, атар әрбір таңдарың арайлы да шуақты болсын деп тілей отырып бүгінгі іс – шарамызды «Жасыл жайлау» әнімен аяқтаймыз.