"Көліктер"

Сабақтың тақырыбы: Көліктер

Сабақтың мақсаты:

Түзету мақсаты: Балаларға көлік туралы түсінік беру, салыстырмалы түрде есте сақтау қабілетін, ойлау қабілетін дамыту. Зейінін тұрақтандыру.

Тәрбиелік мақсаты: Белсенділікке, байқағыштыққа тәрбиелеу.

Көрнекіліктер: көлік түрлеріне байланысты суреттер, түрлі түсті қағаздар.

Сабақтың әдіс-тәсілі: түсіндіру, сұрақ жауап.

Сабақтың барысы:

I.Ұйымдастыру кезеңі

Психосәт.Амандасу

Алдыменен үлкенмен

Амандасып алады.

Қайырлы таң апайлар!

Қайырлы таң достарым!

II.Ұсақ қол моторикасына арналған жаттығулар.

III.Жаңа сабақ

-Балалар, қазіргі ғылым мен техника дамыған заманда көлік түрлері өте көп. Көліктер әуе, су және жер көліктері болып 3 бөлінеді. Әуе көліктеріне: ұшақ, тікұшақ, зымыран. Су көліктері: кеме, қайық. Жер көліктері: машина, автобус, велосипед, поезд.

-Біз, бүгінгі сабағымызда көліктердің түрлері жайлы және олардың адам өміріндегі маңызы жайлы қажетті мағлұматтарды аламыз.

-Балалар, айтыңдаршы біздер алыс жерлерге баруымыз үшін нелерге мінеміз? –Жер көліктері.-Олармен адамдар алыс жақын жерлерге жете алады. Мысалы, дүкенге, туысқандарына, үйіне, қалаларға, ауылдарға бара алады.

-Ал, су көліктерімен адамдар табиғат аясына шығып демала алады.Су көліктеріменде жүк тасуға болады.

-Әуе көліктерімен машина жетпейтін жерлерге ұшақпен ұшып бара алады.

Сергіту сәті

Ақ қоян ау, ақ қоян

Бетіңді жушы

Қолыңды сүртші

Айнаға қарашы

Шашыңды тарашы

Киіміңді киші

Мектепке қарай жүрші

Орныңа отыршы

Сабағыңды оқышы

-Орнымызға отырып, түрлі түсті қағаздардан көлік түрлерін жасайық.

-Жарайсыңдар балалар!

Қорытынды

Бүгінгі сабағымызда көліктердің неше түрі бар екенін білдік? Олардың біздің өміріміздегі маңызы қандай?

Күтілетін нәтиже

Көлік түрлерін ерекшеліктеріне қарай топтастыра білуі.