Білім саласы: «Әлеуметтік орта», «Таным», «Шығармашылық»

Білім бөлімі: Қоршаған орта, құрастыру, жапсыру.

Тақырыбы: «Көліктер»

Мақсаты:

Білімділік: Су, ауа жер көліктер түрлерімен таныстыру, жолда жүру ережесі туралы білімдерін кеңейту.

Дамытушылық: Ойлау қабілетін дамыту.

Тәрбиелік: Әдептілікке, мейірімділікке, жолда жүру тәртібін сақтауға тәрбиелеу.

Әдіс – тәсіл: түсіндіру, әңгімелесу, жұмбақ жасыру, көрсету, сұрақ-жауап.

Қолданылатын құрал: Техникалық құрал-жабдықтар, көлік түрлері, бағдаршам, әр бір көліктер слайдпен көрсетіледі.

Сөздік жұмыс: машина, ұшақ, пойыз, қайық.

Билингвальды компонент: машина- машина-car, ұшақ- самолет-plane, пойыз-поезд- train, қайық- лодка- boat, көлік- транспорт.

Жылулық шеңбер
- Сәлем, саған алтын күн!
- Сәлем, саған көк аспан!
- Сәлем, саған жер ана!
- Сәлем, саған достарым!

Көліктер үшке бөлінеді:

-Әуеде ұшатын әуе көліктері: ұшақ тікұшақ, зымыран жатады.

-Су көліктеріне кеме,қайық,желкенді қайық жатады.

-Жер көліктеріне машина, мотоцикл, автобус, велосипед, поезд т.б. жатады.

Адамдарға көп қызмет ететін көліктер де бар олар:Жедел жәрдем көлігі,өрт сөндіруші көліктер. Балалар осы көліктерді кімдер жүргізеді? Жүргізушілер түнімен,күнімен қызмет атқарады бұзылған көліктерді жөндеп жүргізеді екен сондықтан ол кісілердің еңбегін бағалауымыз керек.

-Балақайлар сендер жұмбақ шешуді ұнатасыңдар ма?

-Ендеше мен сендерге дайындап келген жұмбағым бар:

Бір көзім “кідір” дейді

Бір көзім “жүгір” дейді

Бір көзім “абайла” дейді

“Қарап ал маңайға” дейді (Бағдаршам)

-Дұрыс айтасыңдар балалар бұл бағдаршам. 

Бағдаршамның неше түсі бар екен?Жарайсыңдар!

-Қызыл түсі жанғанда не істеу керек?

-Ал сары түсі жанғанда не істейміз ,балалар?

-Жасыл түсі нені білдереді?

-Қызыл,сары,жасыл түстерді орысша,ағылшынша айтайықшы ,балалар!

-Ендеше , осы бағдаршамның берген тапсырмаларын орындайық.

1-тапсырма . Суретке мұқият қара.Оң жаққа кетіп бара жатқан көліктерді қызыл түске, сол жаққа кетіп бара жатқан көлікті көк түске боя.

2-тапсырма. Көлікті көлеңкесінен тауып, сызық арқылы қос.

Сергіту сәті:

Бип-бип-бип дейді

Жол шетіне шық дейді

Күшікті басуға болмайды машина

Бип-бип-бип дейді

Жол шетінен күт дейді

Көшеде асығып жүруге болмайды машина

Бип-бип-бип дейді.

Балалар өлең сөздеріне сәйкес қимылдар жасайды.

3-тапсырма Топтық жұмыс.

1 ші топ құрастырады.

2ші топ жабыстырады.

3ші топ түсіне қарай гаржға көліктерді орналастырып қосады.

Дидактикалық ойыны «Бұл қандай көліктер»

Мақсаты: ойыншық көліктердің ішінен суда, әуеде және жерде жүретін көліктерді ажырату. Балалар көліктерді үшке бөліп көрсетеді.

Қорытынды:
- Көліктің қандай түрлері болады?
- Адамға көлік не үшін қажет?
- Жолда жүру тәртібі не үшін қажет?
- Не құрастырдыңдар, балалар?

Жарайсыңдар, балалар!
Осымен бүгінгі іс - әрекетіміз аяқталды. Балаларды мақтау - мадақтау.

Күтілетін нәтиже:

Білу керек: Көлік түрлерін ажырата білулері керек.

Болу керек: Көлікке деген қызығушылығы болу керек.