Көліктер

ЖСШ “Дин-Асыл” бөбекжай балабақшасы

“Балдәурен”тобы

Ортаңғы топ

Тәрбиеші: Нарманова Айгүл Туймебаевна

Тақырыбы: «Көліктер»

Мақсаты:

Білімділік: Су, ауа жер көліктер түрлерімен таныстыру, жолда жүру ережесі туралы білімдерін кеңейту.

Әдіс – тәсіл: түсіндіру, әңгімелесу, жұмбақ жасыру, көрсету, сұрақ-жауап.

Қолданылатын құрал: Көлік түрлері, бағдаршам, слайд.

Сөздік жұмыс: машина, ұшақ, пойыз, қайық.

Жылулық шеңбер
- Сәлем, саған алтын күн!
- Сәлем, саған көк аспан!
- Сәлем, саған жер ана!
- Сәлем, саған достарым!

Жүргізілу барысы:

Көліктер жайлы түсіндіру.

Суретпен жұмыс.

Көліктер үшке бөлінеді:

-Әуеде ұшатын әуе көліктері: ұшақ тікұшақ, зымыран жатады.

-Су көліктеріне кеме,қайық,желкенді қайық жатады.

-Жер көліктеріне машина, мотоцикл, автобус, велосипед, поезд т.б. жатады.

Адамдарға қызмет ететін көліктер де бар олар:Жедел жәрдем көлігі,өрт сөндіруші көліктер.

-Балақайлар сендер жұмбақ шешуді ұнатасыңдар ма?

-Ендеше мен сендерге дайындап келген жұмбағым бар:

Бір көзім “кідір” дейді

Бір көзім “жүгір” дейді

Бір көзім “абайла” дейді

“Қарап ал маңайға” дейді (Бағдаршам)

-Дұрыс айтасыңдар балалар бұл бағдаршам.

Бағдаршамның неше түсі бар екен?Жарайсыңдар!

-Қызыл түсі жанғанда не істеу керек?

-Ал сары түсі жанғанда не істейміз ,балалар?

-Жасыл түсі нені білдереді?

-Ендеше , осы бағдаршамның берген тапсырмаларын орындайық.

1-тапсырма . «Көлеңкесін тап» Көліктердің көлеңкесін тауып жапсыру.

2-тапсырма. Көлікті көлеңкесінен тауып, сызық арқылы қос.

Сергіту сәті:

Бип-бип-бип дейді

Жол шетіне шық дейді

Күшікті басуға болмайды машина

Бип-бип-бип дейді

Жол шетінен күт дейді

Көшеде асығып жүруге болмайды машина

Бип-бип-бип дейді.

Балалар өлең сөздеріне сәйкес қимылдар жасайды.

3-тапсырма Топтық жұмыс.

1 ші топ поезд құрастырады.

2ші топ машина жабыстырады.

3ші топ түсіне қарай гаражға көліктерді орналастырып қосады.

Дидактикалық ойыны «Бұл қандай көліктер»

Мақсаты: ойыншық көліктердің ішінен суда, әуеде және жерде жүретін көліктерді ажырату. Балалар көліктерді үшке бөліп көрсетеді.

Қ
орытынды:
- Көліктің қандай түрлері болады?
- Адамға көлік не үшін қажет?
- Жолда жүру тәртібі не үшін қажет
- Не құрастырдыңдар, балалар?

Жарайсыңдар, балалар!
Осымен бүгінгі іс - әрекетіміз аяқталды. Балаларды мақтау - мадақтау.

Күні: 23.04.2026 ж