Сабақтың тақырыбы: Көліктер.

Сабақтың мақсаты:

Көліктер ұғымына түсінік беру.

Қарапайым жолда жүру ережесімен таныстыру.

Танымдық қабілетін және ұсақ моторикасын дамыту.

Ұқыптылыққа, ептілікке, шапшандылыққа, тазалыққа тәрбиелеу.

Сабақтың түрі: аралас сабақ.

Әдіс-тәсілдері: әңгімелесу, сұрақ-жауап,сергіту сәті, ойын.

Көрнекі-құралдар: Көліктердің суреттері, ойыншықтар, тақтаға ілетін құралдар,бор, дидактикалық материалдар.

I апта

Сабақтың барысы:

I. Ұйымдастыру кезеңі: Балаларды түгендеу, оқу құралдарын жинақтау, ой қозғау (көрнекіліктер арқылы).Жылулық шеңберінде тұрып жылы лебіз,тілек сөздерін айту.

Шаттық шеңбер: Кеудемізде күн күлсін,

Бізге шуақ нұр, құйсын,

Мейірімді жан өзіңмен,

Көңілім жайнап құлпырсын

III. Жаңа сабақ.  

Балалар ерте заманда көлік түрлері болмаған кезде адамдар алыс жерлерге қалай барған? Ауыр жүктерді бір жерден екінші жерге қалай жеткізген?
Балаларға ерте заманғы көліктер туралы қысқаша түсінік беру. Сурет бойынша әңгімелеу.
Балалар ерте заманда көлік түрлері болмаған кезде адамдар көлік ретінде және жүк тасу үшін үй жануарларын пайдаланған. Ат, түйеге арба жегіп адам, жүк тасымалдаған. Алыс жерлерге жету үшін айлап, жылдап жүріп барған.

-Балалар, мына суреттен нелер бейнеленген?

Көліктердің аттарын атаңдар?

Барлығын бір сөзбен қалай атаймыз?

IY.Сергіту сәті:  Отырамын рөлде,

Сенімен тасимын,

Моторым, гүрілде.

Көмір мен тасыңды.

Ойыншығым-машинам,

Таудай ғып артамын,

Тарт алға асыға.

Бидай мен арпаңды.

Ойын-саяхат: Балалар біз саяхатқа шықтық деп ойлап көрейік.
- Көрші қалаға бару үшін қандай көлік түрін таңдар едіңдер?
Балалардың зейінін олардың ортақ белгілеріне аударады.
- Ортақ белгілері не?
- Оларға дөңгелектер не үшін керек?
- Бір сөзбен бұл көліктерді жерде жүретін көліктер дейміз.

Альбоммен жұмыс: Көліктердің суреттерін пішіндер арқылы құрастыру.

V. Бекіту. «Кім жылдам» ойыны. 

Әр бала көліктердің бөлшектерін құрастырып магнитпен тақтаға жапсырады.

VI. Қорытынды.

Сұрақ - жауап әдісі арқылы балалардың оқу іс - әрекетінде алған білімдерін қорыту.
VII. Бағалау.

Оқу іс - әрекетіне белсене араласқан балаларды мақтап, мадақтау