«Коммуникация» «Сөйлеуді дамыту»

Тақырыбы: «Қоянның оқиғасы»

Мақсаты:Балаларды жануарлар және қоян туралы, оның қимыл-қозғалысы жайлы әңгіме құрастыруға үйрету. Тіл байлықтарын дамыту.Сөздіқ қорларын молайту.Толық сөйлем құрастырып жауап беруге дағдыландыру.

Сөздік жұмысы: майтабан, қарағайлы, қыртылдақ жортады.

Көрнекі құралдар: қоянның ойыншығы, суреттер : орман, ағаштар ,қонжық, кірпі ,тиін ,алма, бал, жаңғақ, саңырауқұлақ, сәбіз жапсыруға арналған құралдар: себет үлгісі, желім, қарындаштар, көкөністер.

Қостілдік: қоян-заяц,орман-лес,аю-медведь,кірпі-ежик,тиын-белка

Сабақ барысы:

Шаттық шеңбері:

Біз кішкентай баламыз,

Өсіп өніп барамыз,

Айнала бар адамға,

Тек мейірім сыйлаймыз.

Балалар бір-біріне жылы тілектерін айтады.

Тәрбиеші:

-Балалар, мен сендерге бір жұмбақ жасырам, бұл кім екен жауабы н тауып айтындаршы.

Сырдан қорқады,

Шошып жортады.

-Бұл кім?

-Дұрыс қоян. Міне, осы қоян. Осы қоянды отырғызып, осы қоян туралы әңгіме айтып берейікші.

-Қоян қандай?

-қорқақ

-пысық.

-жылдам

-ақ

-әдемі,

-мейірімді

-көңілді қоян…..

-Қоянның құлағы қандай?

-құлағы ұзын

-саққұлақ….

-Дұрыс қоянның құлағы ұзын.

-Мынау денесі, денесінде не бар?

-құйрығы бар.

-Қоянның құйрығы қандай?

-құйрығы қысқа, дөңгелек.

-Қоянның құйрығы қысқа ,ал құлағы оның?

-Қоянның құлағы ұзын, ал құйрығы қысқа.

-Балалар ,қоян не істей алады?

-Қоян секіреді, жүгіреді, түлкіден қашады, сәбізді кеміреді.

-Енді балалар,қоян туралы не білетінімізді айтып берейік.

Қоян кішкентай, көңілді, әдемі, пысық, жылдам. Оның құлағы ұзын, құйрығы қысқа. Қоян сәбізді жақсы көреді.

-Балалар, қоян қай жерді мекендейді?

-Қоян орманда тұрады.

(Орман музыкасы қойылады, тәрбиеші балалардың назарын тақтаға аударады)

-Балалар, қоян біздерді орманға шақырады.

-Орман қандай болады?

-Орман үлкен, қараңғы, қорқынышты, жасыл, қарағайлы, қызықты, әдемі , сиқырлы.

Сергіту сәті:

Ұзын құлақ сұр қоян,

Естіп қалып сырбырды,

Ойлы қырлы жерлермен,

Ытқып - ытқып секірді.

Қарап еді артына,

Қиығын салып қөзінің,

Келе жатқан томпандап,

Көжегі екен өзінің.

-Балалар , орманда қоянның достары бар екен. Қоян достарын үйіне шақырады. Қоянның достары кім екен?

Пі-пі-пі-келді қонаққа кірпі,

Ін-ін-ін- секіріп келді тиін,

Жық – жық – жық -келді маймақ қонжық.

-Міне, қоянның достары көп екен. Балалар, кірпі-қандай (дөңгелек ,қоңыр, пысық, батыл)

-Тиін қандай?

-сары тиін, жылдам тиін, үлпілдек тиін, еңбекқор тиін.

-Қонжық қандай?

-сұр, үлкен ,маймақ, майтабан, үйықышылы қонжық.

-Қоян достарын күтіп алды. Олар шырша қасында не істейді?

-билейді, қуанады, өлең айтады.

Дидактиқалық ойын: «Кім қалай қозғалады?»

Балалар кірпі, тиін, қонжық туралы тақпақтар айтады.

-Қоян достарын дастарханға шақырады.

Дидактиқалық ойын: «Кім немен көріктенеді?»

Кірпіге-алма (дөңгелек алма, қызыл алма, үлкен алма, дәмді алма).

Тиінға-жаңғақ (дөңгелек ,қыртылдақ жаңғақ).

Қонжыққа-бал (қою, тәтті бал).

-Міне осылай қоян шырша мерекесін тойлады.

-Енді балалар, қоянның шырша мерекесін қалай тойлағаның әңгіме құрастырып айтып берейік.

Қортындылау:

-Балалар, міне біз осылай орманда қоянда қонақта болдық.

Сендерге не ұнады?

Балалардың жауаптары.