Түсінік хат

Жалпы орта бiлiм беру жүйесiндегi информатиканың ролi қазiргi ақпараттық қоғамдағы ақпараттық мәдениеттiң негiзiн құрайтын ақпараттық және коммуникациялық технологияны пайдалану дағдыларын қалыптастырудағы ақпараттық бiлiмнiң мәнiмен қамтамасыз етiледi. Информатика курсының алғашқы базалық ұғымдары туралы алынған мағлұмат бiздi қоршаған орта – зат, тiрi және өлi табиғат нысандары, ақпарат және оның түрлерi, оларды алу және беру тәсiлдерi негізінде қалыптасады.

Информатика пәнін 6 сыныпта оқытудың мазмұндық желісі негізгі мектепте информатиканы үйретудің мазмұндық желілерімен пропедевтикалық деңгейде сәйкес келеді және онда берiлген iргелi ұғымдар жұмыс дәптерiндегi қызықты деңгейлiк тапсырмалармен, сұрақтармен, логикалық есептермен және дамытушылық ойындармен, сергiту сәттерiмен байланысты қарастырылады.

Курстың әрбiр тақырыбы дамытушылық, дүниетанымдық бiлiмдерін тереңдетiп отырады.

Курс соңында оқушы оқу бағдарламасында көрсетiлген әрбiр тақырып жөнiнде бiлiм мен бiлiктiлiк жинағын алады. Жекелеген тақырыптар бойынша қызықты тапсырмалар мен сұрақтар, компьютердегi практикалық жұмыстар қарастырылған. Аталған кезеңдер бағдарлама құрылымында көрсетiлген.

Информатика пәнiн оқыту оқушыларды бiртұтас ақпараттық-бiлiмдiк ортаға бейiмделу негiзiне дайындайды.

Мақсаты :

• Оқушылардың білімін тереңдету, Windows жүйесінің стандартты программалар тобына кіретін қарапайым нүктелік графиктік редакторды жете түсіндіру;

• Оқушының барлық мүмкіндіктері мен қабілеттерін ескере отырып, оның ерекшеліктерін дамыту.

• ақпараттық ортада түрлі ақпараттарды қабылдау, беру, түрлендіру және тарату арқылы оқушылардың ақпараттық ойлау қабілетін дамыту мен ақпараттық мәдениетін қалыптастыру.

Міндеттері:

• Сабақта оқылатын тақырыпты тереңдетіп оқыту, толықтыра меңгерту;

• Оқушының ойлау қабілетін дамыту;

• Оқушылардың пәнге деген қызығушылығын арттыру.

• оқушылардың логикалық ойлау қабiлетiн дамыту;

• оқушылардың компьютерлiк сауаттылығын дамыту;

• оқушылардың коммуникативтiк (тiлдiк) ойлау қабiлетi, өзіндік танымдық іс-әрекет жасау дағдылары мен шығармашылыққа бейiмдiлiгiн дамыту;

• оқушылардың жүйелiк-ақпараттық бейнесiн, ақпараттық мәдениетiн және өзiн-өзi дамытуға және қызмет субъектiсi ретiнде қалыптастыру.

Күтілетін нәтиже:

Таңдау курсты оқытудың соңында оқушылар:

- ақпараттың мағынасын түсіне білу.

- бағдарламалардың практикалық қолданыстарын түсініп, игере білу;

- геометриялық фигуралармен танысып,оны өмірде дұрыс пайдалана білу;

- ақпараттың негізінде информатиканың алатын орнын түсіне білу;

-информатика пәнінен меңгерген білім, іскерлік, дағдыларын басқа пәндерден алған білімдерімен ұштастыра білу.

6-сынып

«Компьютер және біз» атты бағдарламаның жоспары

Пайдаланатын әдебиеттер:

1. Информатикадан 30 сабақ Е.Қ.балапанов, Б.Бөрібаев

2. Компьютерде жұмыс істеп үйренейік. С.Бобкина, Б.Жұмаділдин.

3. Информатиканы оқыту әдістемесі. Н.Ермеков, Е.Кузина, Л.Крепп, С.Пилипенко

4. «Информатика негіздері» журналының жинағы

5. Самоучитель Microsoft Front Paqe 2000. Л.Омелченко, А.Федоров

6. Дж. Вайскопф Microsoft Front Paqe 2000. Учебный курс

7. А.Федорчук. как создаются Web-сайты: краткий курс

8. В.Холиогоров. Основный Web-мастерства: учебный курс

9. Web-дизайн: книга Якоба Нильсена. «Символ Плюс»

10. Microsoft Front Paqe: Р.І.Қадірбаева, Л.Ә.Сүлейменова. әдістемелік құрал

11. Жалпы информатика. С.Симонович, Г.Евсеев, Москва «АСТ-ПРЕСС»

12. Первин «Ақпараттық мәдениет негіздері» 1-11 класс

13. Блокнот, графиктік редактор, пернетақта және тышқан тетігі арқылы басқарылатын ойындар.

14. А.Фролов, Г.Фролов. Аппаратное обеспечение персонального компьютера. М. Диалог-МИФИ 1997 г

15. Кенин А. IBM PC для пользователей или как научиться работать на компьютере. –Екатеринбург. Изд-во Планета, 1997г.