Конфликттік мінез-құлық ерекшеліктерін білудің маңыздылығы.

Әл-Фараби атындағы Қазақ Ұлттық университеті еліміздегі білім ордаларының, ғылым жолында еңбек еткендердің қара шаңырағы деп білемін. Ғылыми мақалалар бойынша көшбасшы және рейтингтік басылымдардағы әрбір бесінші қазақстандық жарияланым ҚазҰУ ғалымдарына тиесілі. 2020 жылы университет беделді “Web of science ” деректер қорының “Ғылым көшбасшысы” номинациясына ие болды. Университеттің білім беру бойынша стратегиялық жоспарының әлемдік стандарттарға сай екені баршамызға мәлім. Оған дәлел психология, әлеуметтану, саясаттану, мәдениеттану сынды баршасы білуі керек базалық пәндерді оқытуы.

Осы дәлелді тілге тиек етіп, мысал келтірер болсақ, психология пәнінен сапалы білім беретінін ауыз толтырып айта кетсек болады. Менің ойымша барша білім ордаларында бұл пән міндеттеліп оқытылуы қажет. Себебі психологиялық тұрғыдан сауатты адам өзін қалай ұстау керек екенін, стресстік жағдайларда қалай әрекет ету керек екенін және тек жеке өмірде емес, мансапта да үлкен септігін тигізеді деп білемін. Біз осы университеттің студенті ретінде 15 апта бойы психологиялық тұрғыдан танымымызды кеңейтіп, сауат аштық. Ұстазымыз Тленчиева Н.С. арқасында психологияның маңызын түсініп, осындай көзқарасқа тоқталдым. 15 апта бойы сапалы және түрлі форматта өз білгенін үйретіп, көзімізді ашты. Осы сабақтардан кейін менің психологияны зерттеп ары қарай білім алуға ынтам ашылды. Менің қызығушылығымды ашып, ынтамды арттырған тақырыптардың бірі - конфликттік мінез-құлық ерекшеліктері тақырыбы болды. Адамдардың арасында, көпшілік қоғамда өмір сүріп жатқандықтан әртүрлі кикілжің болып жатады. Егер конфликттік мінез құлық ерекшеліктері туралы білімің болса, компромисске келіп, ортақ дұрыс шешім қабылдай аласың. Себебі, әртүрлі адамдардың конфликт кезінде өз өздерін қалай ұстайтындығы туралы ақпаратты біліп, соған байланысты шешім қабылдаймыз. Менің өмірімде осы ақпарат улкен көмегін тигізді. Себебі әртүрлі жағдайларда дұрыс шешім тауып конфликттерді шешуде көмектесті. Болашақта да улкен септігін тигізетініне кәміл сенемін. Профильдік пәндерден кем түспейтін маңыздылығы бар психология сияқты мамандықты осындай атақты университетте білім алған адам - қоғамның қаймағы деп білемін.

Тленчиева Н.С.

Педогогика ғылымдарының кандидаты.

Жусупекова Ә.Ж.

Клиникалық психология мамандығының 1курс магистранты.

Жалпы және қолданбалы психология кафедрасы.

Рахматулла Бағлан

Көлік қызметтері 1 курс студенті.

Әл-Фараби атындағы Қазақ ұлттық университеті.