Көңіл-күйді таны

Қарашатау орта мектебі

«Көңіл-күйді таны»

(психологиялық тренинг – сабағы)

Сыныбы: 5

Өткізген: Б.Айтмырзақызы

Тақырыбы: «Көңіл-күйді таны»

Мақсаты: 1) Оқушыларға эмоция, көңіл-күй туралы түсінік беру.

2) Өз сезімдерін дұрыс басқара білуге үйрету.

3) Ашу-ыза кезінде өздерінің сезімдерін ұстай білуге тәрбиелеу.

Сабақтың барысы

Оқушылармен амандасу.

Эмоция, көңіл-күй дегеніміз не? (оқушылардың жауаптары тыңдалып, толығырақ мәлімет беріледі)

1. «Сөйлемді жалғастыр» жаттығуы.

Балалар шеңбер бойымен бір-біріне допты беру арқылы мына сөздерді жалғастырады:

«Мен қуанамын егерде, ...........»

«Мен ашуланамын егерде, ..........»

«Мен ренжимін егерде, ............»

«Мен мұңаямын егерде, .............»

«Мен жылаймын егерде, ...........»

«Мен қорқамын егерде, .........»

«Мен таң қаламын егерде, ..........»

2. «Күлімде» флештренингін тамашалау.

3. «Ретімен тұр» ойыны.

Ортаға оншақты оқушы шығып, көздері байланады. Оларға берілетін тапсырма көздері байлаулы күйде айтылған тапсырмаларды тез орындай білу.

1. Бой ретімен тұрыңдар.

2. Аяқ киім өлшемінің көлеміне қарай тұрыңдар.

3. Жастарының кему реімен тұрыңдар.

4. Жыл мезгілдеріне байланысты ретпен тұрыңдар.(туған күндері)

5. Ай ретімен тұрыңдар. (туған күндері)

4. «Ашулы шарлар» ойыны.

Ортаға екі оқушы шығып, шарды үрлейді. Бірінші оқушы шардағы ауаны шарды жіберіп қалу арқылы шығарады. Ал,екінші оқушы шарды ұстап тұрып, жайлап ауаны шығарады.

Балаларға іштегі қысымды ешкімге де зиян келтірмей шығару керектігі түсіндіріледі.

5. Рефлексия. Тренингтен алған көңіл-күйлерін бейнелеу.