Тақырыбы:Жақсы көңіл-күй жан азығы

Мақсаты: Балалардың ойлау қабілетін арттырып, есте сақтау қабілетін дамыту, қиялдарын жетілдіру. Баланы қуана білуге, өз айналасындағы жағымды істерді қабылдай білуге үйрету. Ойын жаттығулары арқылы білімдерін дамыту.

Түзету мақсаты: Ойындар арқылы оқушылардың логикалық ойлауын, көру арқылы есте сақтауын, ойша жұмыс істей білуін дамыту.
Көрнекіліктер: слайд, қима суреттер, бас киім, гүл, қолшатыр, жағымды әуен.
Сабақтың түрі: тренинг .

Сабақ барысы:
I. Ұйымдастыру бөлімі:
Шаттық шеңбері.
— Балалар, шаттық шеңберіне жиналайық! Шеңберге тұрайық, достарымызбен қол ұстасайық! Барлығымыз жақсы көңіл-күйде бір-бірімізге қарап күлкімізді сыйлайық!
Слайдта (күн, алақан, жүрекше, смайл) көрсетілген суреттерге қарап, бір-бірімізбен амандасайық.
Жүрекшелер шыққан сәтте- бір-біріңізбен құшақтасып амандасасыздар.
Алақан шыққан сәтте – бір-бірімізбен қол ұстасып амандасамыз.
Күннің бейнесі көрінсе – бәріміз қолдарымызды жоғары көтереміз.
Смайликтер шыққанда – бір-бірімізге күлкімізді сыйлаймыз.
Көңіл-күйді көтеру үлкен өнер. Иә, балалар.
— Қанекей балалар көңіл-күйлерің қалай? Керемет! (қолдарын көтереді)
— Сабаққа дайындықтарын қалай? Тамаша! (алақандарын шапалақтайды)
— Ендеше сабағымызды бастайық. О-О-О (бас бармақтарын көрсетеді)
Бүгінгі тренинг сабағымыздың аты Көңіл-күй жаттығулары.

II. Негізгі бөлім:

1. Күніміз қалай күледі (қима суретпен жұмыс)
Оқушыларға үш – төрт бөлікке бөлінген күннің суреттерін беру. Олардың міндеті сәйкес келетін бөліктерін тауып, тез күннің суретін құрап шығу. Жарыс түрінде. Балаларды мақтап мадақтау.
Әр топтың күн сәулесіне арналған тақпақтары.
1) Біз қандаймыз, қандаймыз.
Шұғылалы таңдаймыз.
Жарқыраған күндейміз
Ренжуді білмейміз.
2) Кел балалар күлейік
Күлкіменен түлейік.
Қабақ түйіп не керек
Көңілді боп жүрейік.

2. Психогимнастика «Кім қалай жүреді?»
Мақсаты: Топ мүшелерін біріктіру, топта жағымды ахуал құру, жұмыс белсенділіктерін арттыру.
Көлбең-көлбең, көлеңкем
Көлбеңдеген көлеңкем.
Қоян қалай жүреді?
Кім көрсете біледі?
Көлбең-көлбең, көлеңкем
Көлбеңдеген көлеңкем.
Аю қалай жүреді?
Кім көрсете біледі?
Көлбең-көлбең, көлеңкем
Көлбеңдеген көлеңкем.
Түлкі қалай жүреді?
Кім көрсете біледі?
Көлбең-көлбең, көлеңкем
Көлбеңдеген көлеңкем.
Маймыл қалай жүреді?
Кім көрсете біледі?

3. «Бас киімін шешіп ал»
Бұл ойынды екі адам ойнайды (бойларының бірдей болғаны жақсы). Әрбіреуінің сол қолы денесіне байланады, бастарында бас киімдері бар. Белгі бойынша балалар өздерінің бас киімдерін шешкізбей тұрып, екінші баланың бас киімін шешіп алуға тырысуы керек.

4. «Шапалақты тыңда» ойыны
Мақсаты: Қимыл-қозғалыс пен есту мүшелері арқылы ойын, зейінін дамыту.
Жүргізілу барысы: Балалар айнала дөңгелек бойымен қозғалады. Бір рет шапалақтағанда «қоян» секілді тұрып қалулары керек. Екі шапалақ « ит» секілді үреді, үш шапалақтан соң « құс » секілді балалар қолдарын екі жаққа лақтырып жүреді. Төрт рет шапалақтағанда қайтадан бастапқы қалыпқа келулері керек.

5. «Мен қандаймын?»
Мақсаты: Оқушылырды шапшаң қимылдауға, өзіне деген сенімділігін арттыруға дағдыландыру.
Жүру барысы: Қатысушылар 2 командыға бөлініп, 2 колонкаға орналасады. Сіздердің міндетіңіз жерге қарамай қолдарындағы гүлді жоғары ұстап тек сол гүлге қарау арқылы кедергілерден өтіп шығуларын керек. Өтіп шыққан адам гүлдегі жасырылған сөзді оқиды.

6. «Көпір»
Мақсаты: бір-бірімен түсінісу, көмек көрсетуге, ым-ишараны қолдануға үйрету.
Жүру барысы: Қатысушылар шеңбер құрып отырады, психолог диагональ бойынша бормен сызық жүргізеді. Ойынның мәнін былай түсіндіреді. Бұл сызық көпір, желге теңселе тартылып байланған. Бұл көпірдің астында сарқырап ағып жатқан өзен. Көпірмен бір ғана адам өте алады, артқа шегінуге, қайтып кетуге мүмкіндік жоқ. Бір-біріне қарсы келе жатқан екі ұлттың өкілі, бір-бірінің тілін түсінбейді. Екеуінің де мақсаты көпірден қалай да құламай өту. Тапсырманы орындауға 1-минут беріледі. Талдау. Қатысушылар бір-біріне көмектестіме?

7. «Қолшатыр» ойыны.
Жүру барысы: Оқушылар шеңберге тұрып әуен ырғағымен іс-қимыл арқылы қолшатырдан айналып жүреді. Ал, әуен тоқтап қалған кезде оқушылардың міндеті ортадағы қолшатырды бірінші болып алу, кім қолшатырды алуға үлгермейді сол ойыннан шығады. Ең соныңда қалған оқушы жеңімпаз атанады.

8. «Ергежейлілер мен алыптар»
Барлығы шеңбер болып тұрады. «Алыптар» деген команда кезінде бәрі түрегеліп тұрады, «ергежейлілер» деген кезде – бәрі отыруы керек. Жүргізуші оларды шатастыру үшін «Алыптар» деген кезде өзі отыра қалады.

Қорытынды: Бүгінгі тренинг сабағымызды аяқтайық балалар. Әрқашанда осындай жылы сөздермен және жылы жүрегіміз, әдемі күлкімізбен бір-бірімізді қуанта берейік. Сау болыңыздар!

Хаттама

Тақырыбы: «Жақсы көңіл-күй жан азығы»

Мақсаты: Балалардың ойлау қабілетін арттырып, есте сақтау қабілетін дамыту, қиялдарын жетілдіру. Баланы қуана білуге, өз айналасындағы жағымды істерді қабылдай білуге үйрету. Ойын жаттығулары арқылы білімдерін дамыту.

Жұмыс түрі: тренинг

Қатысқаны: оқушылар 5-6- сыныптар

Өткізілген мерзімі: 15.02. 2021 ж

Жүргізілуі: Оқушыларға тапсырмалар мен жаттығулар берілді және рет-ретімен орындалды.

1. жаттығу 1. Күніміз қалай күледі (қима суретпен жұмыс)
Оқушыларға үш – төрт бөлікке бөлінген күннің суреттерін беру. Олардың міндеті сәйкес келетін бөліктерін тауып, тез күннің суретін құрап шығу. Жарыс түрінде. Балаларды мақтап мадақтау.

2.Психогимнастика «Кім қалай жүреді?»
Мақсаты: Топ мүшелерін біріктіру, топта жағымды ахуал құру, жұмыс белсенділіктерін арттыру.

3. «Бас киімін шешіп ал»
Бұл ойынды екі адам ойнайды (бойларының бірдей болғаны жақсы). Әрбіреуінің сол қолы денесіне байланады, бастарында бас киімдері бар. Белгі бойынша балалар өздерінің бас киімдерін шешкізбей тұрып, екінші баланың бас киімін шешіп алуға тырысуы керек.

4. «Шапалақты тыңда» ойыны
Мақсаты: Қимыл-қозғалыс пен есту мүшелері арқылы ойын, зейінін дамыту.
Жүргізілу барысы: Балалар айнала дөңгелек бойымен қозғалады

5. «Мен қандаймын?»
Мақсаты: Оқушылырды шапшаң қимылдауға, өзіне деген сенімділігін арттыруға дағдыландыру.
6. «Көпір»
Мақсаты: бір-бірімен түсінісу, көмек көрсетуге, ым-ишараны қолдануға үйрету.

7. «Қолшатыр» ойыны.
Жүру барысы: Оқушылар шеңберге тұрып әуен ырғағымен іс-қимыл арқылы қолшатырдан айналып жүреді.

8. «Ергежейлілер мен алыптар»
Барлығы шеңбер болып тұрады.

Нәтижесі: оқушылардың көңіл-күйлері көтеріліп , топ ішінде жағымды психологиялық ахуал қалыптасты.

Қорытынды: Балаларға жағымды көңіл-күй сыйлау арқылы, өмірге деген жағымды көзқарас қалыптастыру,ішкі қорқыныштарын жеңе білуге уйренді.

Педагог-психолог : Шаймарданова Г

«Жақсы көңіл-күй жан азығы»

Мақсаты:ұжымның психикалық көңіл-күйлерін көтеру,шығармашылық қабілеттерін бағалай білу,өздеріне құрметпен қарау,ұжымда сыйластық қарым-қатынас орнату.

Құрметті әріптестер,бүгін сіздердің психикалық көңіл-күйлеріңізді көтеруге, өз бойларыңыздағы шығармашылық қабілеттеріңізді бағалай білуге, өз-өзіңізге құрметпен қарауға, бір-бірімізбен сыйластық қарым-қатынаста болуға арналған тренингімізге ұйымшылдықпен қатысуға шақырамын.Ендеше,тренинг ережесін қабылдап алайық.

Тренинг ережесі: 
1.Белсенді қатысу

2.Тыныштық сақтау 
3.Ойын ашық айту 
4.Ынтымақтылық
1.Сәлем –сөздің атасы! (шаттық шеңберінде бір-бірімізге жақсы көңіл-күй сыйлау)

Алақанды 1,2,3 рет соғып психолог команда берген кезде, екі рет «Сәлем», үш рет «Сәлеметсіз бе», бір рет үнсіз басын иіп амандасу рәсімін жасау керек.

2. Психогеометриялық тест. Сіздерге геометриялық пішіндер көрсетіледі.Өзіңізге жақын пішінді таңдаңыз.Әр қатысушыға өзі таңдаған фигураға байланысты мінездемесі оқылады.
Шаршы – ұйымдастырғыш, дәлдік бақылауға қатал, қадағалайтын, ойлаушы, нұсқаушы, ақпаратқа байқампаз, хабаршыл, жазбаша сөздікке ынталы, ұқыпты, тазалық сүйгіш, сақтанғыш, суық, үндемейтін, қырсық, табанды, еңбексүйгіш, бас саясаткер, достары мен таныстары шағын, еңбекқор адам.
Үшбұрыш – көшбасшы, билікке талпынғыш, тазалықты сүйгіш, жеңіске құмар, өз-өзіне сенімді, шешім қабылдағыш, батыл, сезімі күшті, энергиясы жеткілікті, қауіп-қатерге жақын, лауазымды қызметкер, шыдамсыз, сөз тапқыш, ортадағы қарым-қатынас кең, жақын достары мен ортасы шағын, көшбасшы адам.
Тіктөртбұрыш – көңіл-күйі өзгермелі, өз-өзін қадағаламайды, қозғыш, көп нәрсені білгенді ұнатады, батыл, өз-өзін төмен бағалайды, өз-өзіне сенімсіз, басқаларға сенгіш, жылдам, көңіл-күйі жылдам өзгереді, дау-дамайдан қашады, тиянақсыз, ізденімпаз адам.
Шеңбер – қарым –қатынасты жоғары бағалайтын, өзгелерді қадағалайтын, кең пейілді, түйсігі жақсы дамыған, шыдамды, эмоцианалды, сезімтал, сенгіш, тез шешім қабылдай алмайды, бас саясаткер, әңгіме айтқанды ұнатады, біреуді көндіре алады, өзгелерге көзқарасын дәлелдей алады, өткен өміріне көп көңіл бөледі, көпшіл, ынталы, достары мен таныстары көп, мейірімді адам.
Зигзаг – көңіл-күйі өзгеруге бейім, креативті, білімге ынталы, түйсігі жақсы дамыған, өз идеяларына ұстамды, арманшыл, болашаққа талпынысы жоғары, барлық жаңа өзгерістерге қызығущылығы жоғары, қағаз жұмыстарын ұнатпайды, адамдардың ортасында бірқалыпты, ойын-сауыққа құмар, қаржы мәселесіне немқұрайлы қарайды, шығармашыл адам.

3.Ашулы шарлар жаттығуы.

Шарты: 8-10 қатысушыны ортаға шығарып бір-бір шарды үрлеп, оларды байлау сұралады.

Қатысушыларға түсіндіру керек, шарлар адамның денесін бейнелейтінін, ал оның ішіндегі ауа, адам сезімін білдіреді. Қатысушылар қолдарындағы шарды аяқтарымен жаруы керек.
- Шарды жарғанда қандай сезімде болдыңыздар?

- Ашуды осылай шығару дұрыс па?

Түйін: Бұндай қатты жарылған шар агрессияны білдіреді. Ол қауіпті.

Енді қатысушылар келесі шарларды үрлейді, оны байламай ұстап тұрады. Бұл шарлар да ашуға толы сезімді білдіреді, ал енді жайлап қана шардың жарты ауасын шығарамыз. Шар кішірейді. Бірақ жарылмады.

- Бұл нені білдіреді?

Түйін: Егер біз ашуымызды бақылап шығарсақ, ол ешкімге зақым келтірмейді. Енді қатысушылар шардағы ауаны толығымен сыртқа шығарады. Бұл дегеніміз- ашудың қауіпсіз жолын табу – ол әр адамның өз қолында екендігін білдіреді. Ендеше ашуымызға ерік беріп алмайық.

4.«Адамгершілік ағашы» жаттығуы

Қатысушыларға  қағаздардан жасалған кішкентай жапырақшалар таратылады. Әр топ мүшелері өздерінің қолындағы жүрекке «Жаман қасиеттерден аулақ болуымыз үшін не істеуіміз қажет, қандай қасиеттерді бойымызға дарытуымыз керек?» – деген сұраққа жауап жазады. Жылы, мейірімді сөздер жазылған жапырақшаларын адамгершілік ағашына іліп, солып қалған ағашты жандандырады.

Сұрақ: Қалай ойлайсыздар, ағашымыз жанданды ма? Қайтіп? Неліктен?

Түйін: Ең бастысы сүйе білу керек. Қайырымды болу-ол еліне, табиғатқа, адам баласына деген махаббаттан басталады. Әр уақытта жақсы сөз айтуға, қайырымды іс жасауға бейім болайық.

5. Жаттығу: «Джунглидегі жаңбыр»

Мақсаты: Иық. мойын, омыртқа аймақтарындағы бұлшық еттің жиырылуын жою, босаңсу, шаршағанды басу.

Нұсқау: Тар шеңбер құрамыз. Джунгли ну орманындамыз деп ойлаймыз. Ауа райы бастапқыда өте керемет болады. Күн көтерілгенде өте ыстық, ауа қапырық болды. Бір мезетте жеңіл самал жел соқты. Алдынызда тұрған адамның арқасына қолынызбен жеңіл қимылдар жасаңыз. Жел күшейе түседі. (арқаға қолмен батырынқырайтын кимылдар жасалады). Құйын басталады (күшті айналыс қозғалыстарын жасаңдар) .Содан кейін жай жаңбыр сіркірейді ( көршіңнің арқасын саусақтарыңмен түртесің). Нөсер жауын басталады (жоғары төмен алақан, саусақтармен сипайсың) . Бұршақ аралас жауын жауа бастады ( барлық саусақтарынызбен түртесіз). Содан кейін қайтадан нөсер жауын, жай жаңбыр, одан кейін күн ашылады. Енді 180 градусқа бұрылып,жаттығуды қайталаймыз.

Талдау:

- Мұндай массаждан кейін өзіңізді қалай сезіндіңіз?

- Жаттығуларды орындағанда қай әрекеттер жағымды, қайсысы жағымсыз болды?

- Өз сезімдеріңізбен көңіл –күйлеріңізбен бөлісіңіз.

6. «Тату алақан» жаттығуы. Әр қатысушы өз парағына алақанының суретін салады да, өз орнында қалдырып кетеді, келесі қатысушының орнына барып, оның алақаны салынған суреттің ішіне оған жақсы тілек жазады. Осылай шеңбер бойымен барлығы бір-біріне тілек жазып шығады.

7. Рефлексия

Бүгінгі тренинг ұнадыма?

Қандай әсер алдыныз?

Әр қайсысы өз ойын білдіреді.

Назарларыңызға рахмет!

Хаттама

Тақырыбы: «Жақсы көңіл-күй жан азығы»

Мақсаты: ұжымның психикалық көңіл-күйлерін көтеру,шығармашылық қабілеттерін бағалай білу,өздеріне құрметпен қарау,ұжымда сыйластық қарым-қатынас орнату.

Жұмыс түрі: тренинг

Қатысқаны: ұстаздар ұжымы

Өткізілген мерзімі: 19.02. 2021 ж

Жүргізілуі: Тапсырмалар мен жаттығулар берілді және рет-ретімен орындалды.

1.Сәлем –сөздің атасы! (шаттық шеңберінде бір-бірімізге жақсы көңіл-күй сыйлау)

Алақанды 1,2,3 рет соғып психолог команда берген кезде, екі рет «Сәлем», үш рет «Сәлеметсіз бе», бір рет үнсіз басын иіп амандасу рәсімін жасау керек.

2. Психогеометриялық тест. Сіздерге геометриялық пішіндер

3.Ашулы шарлар жаттығуы.

Шарты: 8-10 қатысушыны ортаға шығарып бір-бір шарды үрлеп, оларды байлау сұралады.

4.«Адамгершілік ағашы» жаттығуы

Қатысушыларға  қағаздардан жасалған кішкентай жапырақшалар таратылады.

5. Жаттығу: «Джунглидегі жаңбыр»

Мақсаты: Иық. мойын, омыртқа аймақтарындағы бұлшық еттің жиырылуын жою, босаңсу, шаршағанды басу.

6. «Тату алақан» жаттығуы. Әр қатысушы өз парағына алақанының суретін салады да, өз орнында қалдырып кетеді, келесі қатысушының орнына барып, оның алақаны салынған суреттің ішіне оған жақсы тілек жазады

7. Рефлексия

Бүгінгі тренинг ұнадыма?

Қандай әсер алдыныз?

Әр қайсысы өз ойын білдіреді.

Нәтижесі: Ұстаздарың көңіл-күйлері көтеріліп , топ ішінде жағымды психологиялық ахуал қалыптасты.

Қорытынды: Ұстаздарға жағымды көңіл-күй сыйлау арқылы, өмірге деген жағымды көзқарас қалыптастыру,ішкі қорқыныштарын жеңе білуге уйренді

Педагог-психолог : Шаймарданова Г.