Ұйымдастырылған ашық іс-әрекет:

Тақырыбы: «Көңілді ойындар»

Міндеттері:Қарапайым математикалық ұғымдарды қалыптастыру;Түрлі сенсорлық әсерлермен байыту;түрлі балалар әрекетінде көз бен қол үйлесімділігін,қолдардың ұсақ моторикасын дамыту,заттарды түсі ,көлемі,пішіні бойынша өз бетінше зеттеу.(Сенсорика)

Қолданылатын көрнекі-құралдар: ойындарға керекті заттар.

Қолданылатын әдіс-тәсілдер: ойындарға керекті құралдар,сұрақ-жауап, ойын.

Іс-әрекет барысы:

І.Кіріспе бөлім

Сәлемдесу

Тәрбиеші:Балалар,мен кітап бұрышынан жаңа кітап көріп отырмын.Қандай кітап екен көрейін.Ой мынау қандай ауыр кітап.Көңілді ойындар кітабы екен ашып көреміз бе?

Балалар: Иә

Тәрбиеші:Көңілді кітапта керемет ойын бар екен.Балалар сендер түрлі ойындар ойнағанды жақсы көресіңдер ме?Олай болса,бұл ойынның аты «Киіз үйдегі пішіндер» деп аталады.

Балалар: Иә

1.Ойын:«Киіз үйдегі пішіндер»

Шарты: Балалар киіз үйдегі түрлі-түсті пішіндерге,түрлі-түсті пішіндерді түстеріне сәйкес келетін пішіндерге апарып орналастырамыз.Қызыл түске қызыл пішіндерді,сары түске сары пішіндерді,көк түске көк түсті пішіндерді орналастырамыз.

Балалар олай болса,ойынымызды бастайық.

Сұрақ-жауап

Тәрбиеші:Балалар сендер ойынды жақсы ойнадыңдар.Ендеше назарымызды кітапқа аударамыз.

2.Ойын: «Асықтар жинау»

Шарты:Балалар түрлі-түсті жіптерге түрлі-түсті асықтарды тізбектейді.Қызыл түсті жіпке қызыл асықты тізбектейді.Сары түсті жіпке сары түсті асықтарды тізбектейді.Көк түсті жіпке көк түсті асықтарды тізбектейді.

Сұрақ-жауап

Тәрбиеші:Балалар сендер ойынды жақсы ойнадыңдар.Ендеше назарымызды кітапқа аударамыз.

3.Ойын: «Дөңгелек шарларды жинау»

Шарты:Балалар бір реттік қолғапта түрлі –түсті ұяшықтар берілген,сол ұяшықтарға шарларды саусақтарымен жылжыту арқылы өз түстеріне сәйкестендіре отырыпорналастырады.

Сұрақ-жауап

Тәрбиеші:Балалар сендерге ойындар ұнады ма?Олай болса,қанекей жарты шеңберге жиналамыз.

Сұрақ-жауап

Балалар, сендерге бүгінгі іс-әрекет ұнады ма? Бүгін барлықтарың ойынға белсене қатыстындар.

Қорытындылау:

Іс-әрекетімізді аяқтаймыз,қонақтармен қоштасып, көңілді ойындарымызды ойын аймақтарында жалғастырамыз.