Тақырыбы: «Көңілді пішіндер»

Мақсаты: 1.Пішіндермен таныстыру. Түстер туралы түсінік беру.

2.Ойлау, есте сақтау қабілеттерін, қол-саусақ қимылдарын дамыту.

3. Икемділікке, ұқыптылыққа тәрбиелеу.

Қажетті құрал-жабдықтар: Пішіндер, доп, пішіндердің суреті, фетрдан жасалған пішіндер, АКТ құралдары, түрлі-түсті қарындаш және пішіннің боялмаған суреті.

Әдіс- тәсілдер: Көрсету, түсіндіру, сұрақ-жауап.

Барысы: І.Кіріспе бөлім.

1.Ұйымдастыру кезеңі:

Шаттық шеңбері: (Әуен ырғағымен іс-қимылды қайталату)

• Сәлеметсің бе?

• Бүгінгі көңіл-күйін қалай?

• Қазір жылдың қай мезгілі?

• Бүгін мен сені көргеніме қуаныштымын!

2.Негізгі бөлім.

-Бүгін сен екеуміз көңілді пішіндермен танысамыз. Қарашы, мынау бізде үшбұрыш. Мұның үш бұрышы бар, қане екеуіміз бірге санайықшы 1... 2... 3... .

-Ал мынау төртбұрыш, мұның бұрышы төртеу екен, санайықшы.

-Ал бұл бізде дөңгелек. Қарашы дөңгелектің бұрыштары бармекен?

-Дұрыс айтасың, бұрышы жоқ екен.

-Дөңгелектің пішіні неге ұқсайды?

-Менің қолымда не тұр?

-Оны жерге жіберсең дөңгелеп кетеді, себебі оның бұрышы жоқ.

-Қане екеуіміз доп ойнаймыз ба?(допты қолан қолға беру арқылы ойын түрін өткізу)

- Енді пішіндерді түстерімен бірге атайықшы. (Әр пішінді көрсете отырып, оның түстерімен қоса ататқызу)

-Жарайсың!

-Енді пішіндерді ауада салып көрейікші. (Саусақ қимылдарымен ауада сурет салғызу және қайталатқызып, есте сақтату)

-Сенің қолыңнан келеді!

- Енді мен саған боялмаған пішіндердің суретін беремін, сен соның ішін бояп шық, жарай ма?(Түрлі түсті қарындаштарды ұсынып, нұсқау көрсетіп, көмектесу арқылы суреттерді бояп шығу)

-Өте тамаша!

-Сенің қолдарын талып, ауырып кеткен шығар, солай ма?

-Олай болса сергіту сәтін жасайық.

Сергіту сәті: Атам менің күйші,

Апам болса биші,

Анам менің тігінші,

Әкем болса ұста

Үй салады құрылыста.

Дидактикалық ойын:

-Енді екеуіміз ойын ойнайық, ойынымыздың аты «Пішіндердің орнын тап». (Фетрдан жасалған пішіндерді нұсқау беріп, көмектесу арқылы орналастыру).

-Жарайсың, тапсырмамды өте жақсы орындап шықтың. Енді екеуіміз бір билеп алайық!

«Көңілді күн» әнін қосу.(Әуен қосып, ырғағымен билеу)

ІІІ. Қорытынды:

-Бүгін біз не туралы өттік?

-Қандай пішіндермен таныстың?

-Қандай түстерді қайталадың?

-Бүгінгі сабақ саған ұнады ма?

-Сен бүгінгі сабаққа өте жақсы қатыстың, рахмет!