Ашық есік күні

Тақырыбы: «Көңілді қыс»

№12 «Айналайын» мектепалды тобы

ҰОҚ: Тіл дамыту

ҰОҚ тақырыбы: «Көңілді қыс»

ҰОҚ мақсаты: мектеп жасына дейінгі балалардың қыс мезгілі туралы білімдерін нақтылау, қыс мезгіліне тән белгілерді білу және таба алуға үйрету. Қыс мезгілінде қыстап қалатын құстардың тауларын үйрету. Сөздік қорларын, тілін дамыту. Қыс мезгілінің ерекшеліктерін бағалай білуге, табиғатты қорғап, аялауға және әсемдігін бағалай білуге тәрбиелеу. Еркін, анық, таза сөйлеуге тәрбиелеу. Пропп картасы арқылы ертегі құрастыра алуға дағдыландырып, инновациялық технологияларды қолдану арқылы балалардың тілін дамтыту. Еркін, анық, таза сөйлеуге тәрбиелеу.

ҰОҚ әдісі: Сұрақ-жауап, әңгімелесу, ертегі құрастыру, сенсорлық – графикалық сұлба әдісі.

ҰОҚ көрнекіліктер: Пропп картасы, Пиктограмма, Луллия шеңбері. Қыс, құстар туралы суреттер.

ҰОҚ барысы:

Шаттық шеңбер:

Күннің көзі ашылып,

Көкке шуақ шашылсын.

Құтты қонақ келіпті.

Төрімізге еніпті.

Амандасу үлкенге,

Тәрбиенің басы ғой.

Ал қанекей бәріміз,

Сәлемдесейік үлкенге.

Сәлеметсіздер ме?

Сұрақ-жауап:

• Балалар жалпы неше жыл мегілі бар? 4 жыл мегілі бар, қыс, көктем, жаз, күз.

• Қазір жылдың қай мезгілі? Қыс мезгілі

• Қыс мезгілінде неше ай бар? Үш ай: Желтоқсан, қаңтар, ақпан.

2. Негізгі кезең:

(Ортаға Дымбілмес жылап келеді)

Тәрбиеші: Балалар, кім жылап тұраған? Ой, балалар бұл Дымбілмес екен ғой. Сәлеметсің бе? Неге жылайсың?

Дымбілмес: Мен жақында мектепке барам, маған ештеңе білмейсің деп жатыр. Мен бәрін білемін, мектепке барғым келеді деген едім, маған бір тапсырма берді, мен оны орындай алмай отырмын. Тапсырманы орындау үшін картасы керек, ал ол карталарды мен жоғалтып алдым (Деп жылайды)

Тәрбиеші: Карта дейсің бе? Қайда жоғалттың?

Дымбілмес: Білмеймін.

Тәрбиеші: балалар сендер көрмедіңдер ме? Қане, алдымызды қарап көрейікші.

Балалар: таптық, таптық.

Тәрбиеші: Дымбілмес, сен бұл карталарды танисың ба?

Дымбілмес: Жооқ, танымаймын.

Тәрбиеші: Ал, балалар сендер карталарды танисыңдар ма? Кімде карта бар, тақтаға шығып Дымбілмеске үйретейікші.

(Балалар пропп картасын алып тақтаға шығып өз карталарымен таныстырады)

Дымбілмес: Жақсы енді білетін болдым. Бірақ, ол картамен қалай ойнайды?

Тәрбиеші: Бұл картамен кез келген ертегілерді айтып шығуға және қиял ғажайып ертегі ұйымдастыруға болады. Дымбілмес сен мұқият тыңда, қазір балалар өз карталары арқылы өз қиялдарынан, тақтадағы суреттер арқылы ертегі құрастырады. Үйреніп ал, мектепте саған керек болады.

• Балалар ертегі неше бөлімнен тұрады? Ертегінің басы, ортасы және соңы.

• Тамаша олай болса нөмерлер арқылы ертегіні бастайық.

(Тәрбиеші тақтадағы суреттермен таныстырып шығады)

(Тақатаға балалар көрмеген суреттер ілінеді, әр бала өз картасының реттік нөмері бойынша ертегіні бастап, жалғастырып айтады. Барлығы сегіз карта болады. Көк түсті жол арқылы жүреді, қызыл түс кездессе кедергіге тап болады.)

1. Карта ертегіні бастайды: (2-3 карта жалғастырады 4-картада кедергі болады, кедергіден өту үшін тапсырмалар орындайды.)

1. Тапсырма: Луллия шеңбері

Мақсаты: Жыл құстары мен, қыстап қалатын құстарды ажырата алуға үйрету.

Шарты: Луллия шеңбері жасалынады, әр бөлігіне құстардың суретін орыналастырамыз және шеңбердің екі жағына сары түсті шеңбер, көк түсті шеңбер орыналасады. Балалар әуен арқылы билейді. Әуен тоқтағанда сары түске жыл құстары, көк түске қыстап қалатын құстар тұра қалуы керек.

(5-Карта ертегіні жалғастырады:)

2. Тапсырма: «Пиктограмма»

Мақсаты: Бір суретпен екінші суретті байланыстырып сөйлеуге үйрету.

(6-Карта жалғастырады)

3. Тапсырма: «Сенсорлық – графикалық сұлба әдісі:

Шарты: Интереактивті тақтадан қардың суреті бойынша зерттеу жұмысы.

Сергіту сәті. «Арам зам-зам-зам» видео арқылы.

(7-Карта жалғастырады)

4-Тапсырма: Д/О: «Дыбыстарды ажырат»

Мақсаты: Дыбыстарды дұрыс айтуға және әріптерді ажырата алуға үйрету.

Шарты: Алдарына «Р» және «Ғ» дыбыстарына байланысты суреттер беріледі, әр дыбысқай сай суреттерді сызық арқылы қосу.

Тіл ұстарту жаттығуы:

Қыс туралы
Ыс – ыс – ыс,
Келіп жетті қыс.

Ар – ар – ар,
Жауады қар.

Яз – яз – яз
Сақырлаған аяз.

(8- карта ертегіні аяқтайды)

4. Рефлексия:

• Балалар сендер бүгін ертегіні немен құрастырдыңдар? Пропп картасы

• Ертегі не жайлы болды?

• Бүгінгі тапсырмалар қиын болы ма? Жоқ

• Біз кімге көмектестік? Дымбілмеске.

Ал, Дымбілмес балалар сенің тапсырмаңды орындауға көмектесті. Пропп картасымен осылай көптеген ертегілер құрастуға болады.

Дымбілмес: достар рақмет, мен енді картамды жоғалтпаймын, әр карта туралы да түсіндім. Менде сендер сяқты өзім ертегі оайлап табатын болдым. Рақмет сендерге. Ал, мен кетейін мекптке дайындалайын. Сау болыңдар!

Балалар, бүгін барлықтарың оқу қызметіне белсене қатыстыңдар, сендер өте жақсы ертегі құрастырдыңдар. Енді осы ертегіні үйде ата-анамызға айтып беріңдер. Бүгін мен барлықтарыңа қар ұлпаларын таратамын, бұл қар ұлпасы жәй емес сиқырлы. Тағыда ертегі ойлап табуға көмектеседі.

Олай болса келген қонақтармен қоштасайық.

Үлкенге де сіз,

Кішіге де сіз.

Баршаңызды құрметтеп.

Қоштасамыз біз.

Сау болыңыздар!