«Нұр-мерей» бөбекжайы

«Көңілді старт»

Тәрбиеші:Мажитова Л

2022-2023жж

Тақырыбы: «Көңілді старт» эстафеталық жарыстар

Мақсаты:Балаларды спорттық ойындарға деген бейімділігін, денсаулықтарын жаңғырту, спортқа деген қызығушылықтарын арттырып, дене қозғалыстарын жетілдіру.Дене шынықтыру жаттығулармен өз бетінше шұғылдануға, этикалық және эстетикалық тәрбие беру

Көрнекілігі: Кедергілер, доп, кенгуру добы, секіртпе, уақ доп, шашақтар.

Жүргізуші: Құрметті әріптестер, балабақша бүлдіршіндері сіздерді «Көңілді старт» спорттық сайысымызға қош келдіңіздер!

Жүргізуші: Ендеше жарысымызды бастаймыз.

Ал құрметті халайық,

Жарысты енді көріңдер.

Әділ қазы алқасы,

Әділ баға беріңдер.

Қазылар алқасымен таныстырып өтейін.

1_____________

2_____________

3_____________

Қош келдіңіз қонақтарым төрлеңіз,

Әзірледік сізге орынды төрден біз.

Ұландардың ең құрметті қонағы,

Жанкүйерде төреші де өзіңіз.

Жүргізуші: Біз бақытты баламыз,

Шыныға да аламыз.

Тәуелсіздік ел көгінде

Спортшы бола аламыз - деп - ойын шартымен таныстырайық.

Эстафеталық сайысымыз 6 бөліммен тұрады.

1. Таныстыру (топтың аты мен ұранын айту мен таныстыру керек)

2. «Кім шапшаң» сайысы

3. «Жүйрік ат» сайысы

4. «Кенгуру» сайысы

5. «Тез қимылда» сайысы

6. «Жүйрік паравоз» сайысы

Таныстыру кезеңі.

Жүргізуші: Еш қысылып саспайық,

Қызықты ойын бастайық

Сайысқа келген баланың

Сергітіп бойын алайық.

Ал ендеше «Кім шапшаң» ойынын бастаймыз.

Ойынның шарты: Қаппен секіріп, межеден айналып қайту.

(Әділқазылар алқасы 2 бөліміміздің бағаларын берейік.)

Жүргізуші: Бақшада бүгін басталған

Дайын болын жарысқа

Жүгір, секір қалыспа

Топаралық жарыстан - дей келе «Жүйрік ат» ойынын бастаймыз.

«Жүйрік ат»ойыны

Ойынның шарты: Балалар допты аяқтың арасына қысып, секіру арқылы жарысады. Ойынды сапалы әрі тез аяқтаған команда жеңіске жетеді.

(Әділқазылар алқасы «Жүйрік ат» бөлімінің бағасын берейік.)

Жүргізуші: Өздерінің шапшаңдылығын ұғындырып,

Көрсетер көп еңбектенген мықтылық.

Келесі бұл сайыста

Қай топтың ептілігін анықтайық – деп «Кенгуру» жарысын бастаймыз.

Ойын шарты: Үрілген кенгуру добымен кедергілер арасымен секіріп, белгіленген межеден айналып келеміз. Бірінші жеткен топ осы бөлімнің жеңімпазы атанады.

Әділқазылар алқасы 4 бөліміміздің қорытындысын берейік.

Жүргізуші: Денемізді шынықтырып,

Шыныққан біз баламыз.

Жаңғыртып біз елімізді,

Биіктерден көрінеміз - дей келе «Тез қимылда» сайысын бастаймыз.

Ойын шарты: Секіртпе арқылы кедергілер арасымен секіріп , кері қайту.

(Әділқазылар алқасы ойынның ұпайын берейік)

Жүргізуші: Ендеше ең соңғы ойынымыз « Жүйрік паровоз» жарысын бастаймыз.

Ойын шарты: бірінше бала паровоз, қалған балалар вагондары болады. Бірінші паровоз бала белгіленген жерден өзі айналып келіп, екінші баланы ерітіп айналып келіп, үшінші баланы ерітеді, жарыс осылай жалғаса береді. Жарыс соңында қай топтың паровозы вагондарын жинап мәреге бірінші жетсе сол топ жеңеді.

Жүргізуші: Ендеше бүгінгі сайысымыз өз мәресіне жетті. Марапаттау рәсімі. Қатысқан бүлдіршіндерімізге рахмет. Келіп тамашалағандарыңызға көп - көп рахмет. Қош сау болыңыздар.