Көңілді спорт сайысы

Мақсаты: Балалардың дене мүшесінің сұлулығын қалыптастырып қимыл-қозғалыс әдемілігін дене қуатын жетілдіру. Балаларды ептілікке, шапшаңдыққа үйрету. Адамгершілікке, достыққа тәрбиелеу.

Көрнекілігі: Доптар, кубиктер, суреттер, туннель, кегіле.

Жүру барысы:

Жүргізуші: Сәлеметсіздер ме балалар, апайлар! Бүгін ортаңғы топ балаларының «Көңілді спорт» сайысына қош келдіңіздер!

Ал кәне, қонақтар,

Ортаға назар салайық

Ойыншылар ортаға келеді

Қол соғып қарсы алайық!

Жарыстың ашылуы: Қ.Р Әнұраны.

«Қызғылдақ» тобы мен «Жұлдыз» тобы екі қатарға бөлініп, ортаға шығады.

Жүргізуші: Сайыс болған соң, жүзден жүйрік, мыңнан тұлпар тағайындайтын Әділқазылар болу керек. Олай болса әділқазылар алқасымен таныстырып өтейік.

1. Балабақша меңгерушісі: Сарсенғалиева С.

2. Балабақша әдіскері: Нұрлыбаева Р.

3. Тәрбиеші: Құрманшина Г.

Міне балалар шықты алаңға,

Жас спортшылар жеке-жеке команда

Ептілік, мықтылық

Батылдық көрсетіп табанды.

Кезекті ойыншыларға береміз.

1. « Қызғалдақ» тобы.

Құрамы 12 бала

Ұраны: Бір, екі, үш

Спорт берер күш

Жарысқа сен дайын болсаң

Қанат қағып ұш.

2. «Жұлдыз» тобы

Құрамы 12 бала
Ұраны: Бүгін жарыс бақшада

Қуанады бар бала

Көңілді спорт ойыны

Шаттық сыйлар баршаға

Жүргізуші: Ал кәне жарысымызды бастаймыз,

Бір-бірімізді қостаймыз!

Бағдарлама 4 бөлімнен тұрады.

1. Бөлім

Допты кегіле арасымен домалатып, тез жеткізу.

2. Бөлім

Кегілелердің арасымен жүріп, суреттер құрастыру.

3. Бөлім

Тунельдің ішінен өтіп, допты алып, жүгіріп келу. 4-Бөлім

Үрілген доппен кегілелер арасымен, секіріп межені айналып келу.

Жүргізуші: Бүгін оң болып әр ісіміз,

Жоғары боп күш жігер намысымыз

Осылайша қуанышпен думандатып,

Аяқталды балалар жарысымыз.

Қорытынды: Әділ қазы мүшелері балаларды жеңісімен марапаттайды.