Интеллектуалды марафон «Көңілді старт»

Мақсаты: * Оқушылардың пәнге қызығушылығын арттыра отырып, жаратылыстану пәнінен алған білімдерін өмірде,тұрмыста қолдана білу дағдысын қалыптастыру. Алған білімдерін дамыту, тұрмыста, еңбекте, өмірде қолдану.

Оқушыларды адамгершілікке, шеберлікке, сөз сөйлеу мәнеріне, жылдамдыққа, ұқыптылыққа, тазалыққа тәрбиелеу

Жоспары:

І. бөлім. " Викторина"

ІІ. бөлім. "Сиқырлы ұяшықтар"

ІІІ.бөлім. "Сәйкестендір"

ІV.бөлім. "Тәжірибе"

V. бөлім. "Ой қозғау"

Көрнекіліктер: Рокет тақтасы, ұялы телефон, суреттер

Жүргізілу барысы:

1-жүргізуші: “Сәлем сөздің анасы” демекші, сәлеметсіздерме құрметті ұстаздар мен оқушылар!

2-жүргізуші: “Көңілді старт” атты интеллектуалдық ойынға қош келіпсіздер!

Ойынымызды бастамастан бұрын ойыншыларымызды және олардың ойынын тең дәрежеде бағалап, әділ шешім беретін, аса құрметті әділ-қызылар алқасымен таныстыра кетуге рұқсат етіңіздер.(Ойыншылар мен әділ-қазылар алқасымен таныстырылды ).

1-жүргізуші:

Білім деген биік шың,
Бақытқа сені жеткізер.
Білім деген ақылшың,
Қиындықтан жеткізер
Жастықтың оты қайдасың.
Жүректі түртіп қозғамай,
Ғылымның біліп пайдасын- демекші

Сайысқа түсушілерге сабырлық пен жеңіс тілеймін.

2-жүргізуші:

Бүгінгі  «Көңілді старт» сайысында алған білімдеріңізді мына бөлімдерде көрсете аласыздар.

І. бөлім. " Викторина"

ІІ. бөлім. "Сиқырлы ұяшықтар"

ІІІ.бөлім. "Сәйкестендір"

ІV.бөлім. "Тәжірибе"

V. бөлім. "Ой қозғау"

І бөлім « Викторина» 1 ҰПАЙ

Бұл бөлімде “Educapley” программасы арқылы оқушылар сұрақтарға тест түрінде жауап береді.

1 топ. https://www.educaplay.com/learning-resources/17728287-1.html

2 топ. https://www.educaplay.com/learning-resources/17728327-2.html

3 топ. https://www.educaplay.com/learning-resources/17728362-3.html

ІІ бөлім « Сиқырлы ұяшықтар»

Бұл бөлімде алдарыңызда берілген ұяшықтарды таңдап, ұяшықтарда берілген сұрақтарға жауап беріп, ұяшықта берілген ұпай санын ала аласыздар.

ЖАНСЫЗ.

5 ұпай. Фотосинтез процесінде өсімдіктер бөліп шығарады (Оттегі)

10 ұпай. Ауа қандай жағдайда кеңейеді (қатты және сұйық заттар жылынғанда)

15 ұпай. ҚР ең биік нүкте (Хантәңірі шыңы)

ЖАНДЫ.

5 ұпай. Тышқандар қалай туылады? (түксіз, тіссіз)

1 0 ұпай. Тітіркенгіштік дегеніміз не? (Организмдердің қоршаған ортада болып жатқан өзгерістерді сезуі)

1 5 ұпай. Қандай қарапайым ағза бейнеленген ? (Жасыл эвглена)

ЖАСУША

10 ұпай. Суретті сипатта? (Жасуша)

2 0 ұпай. Жасушаны кім ашты? (Роберт Гук)

30 ұпай. Суретте бейнеленген қандай үдеріс? Сипатта? (Фотосинтез)

ІІІ бөлім « Сәйкестендір» 10 ҰПАЙ. Wordwall программасы арқылы

https://wordwall.net/ru/resource/67828579

1. молекулалық,жасушалық, ұлпалық, ағзалык, популяциялық, биогеоценоздық, биосфералық

2. СО2+H2O-C6H12O6+O2

3. тыныс алады, қоректенеді, өседі, ұрпақ береді, өледі

ІV бөлім «Тәжірибе» 10 ҰПАЙ

Жұмыртқа суда жүзе ме? Дәлелде...

Жауабы: 2 стакан су, біреуі тұз қосылған, біреуі тұзсыз. Жұмыртқаны екеуіне кезекпен салғанда тұзды суда батпайды. Себебі, тұзды судың тығыздығы артты.

V бөлім. "Ой қозғау" 10 ҰПАЙ

Бұл кезеңде тақтаға ЖАРАТЫЛЫСТАНУ сөзі беріледі, соны пайдаланып сөз құрастыру. 1 минут беріледі. Әр дұрыс жауапқа 1 ұпай.

Қорытынды:

Ендігі сөз кезегін сарапшыларымызға береміз.

Марапаттау.

Жеңіске жеткен топты ұттықтаймыз!